A Sociedade de Imaxe e Promoción Turística de Galicia, S.A., anuncia a convocatoria para a contratación laboral fixa da seguinte praza no Centro Superior de Hostelería de Galicia.

A. Posto: profesor de idiomas (Ref. ING-798).

1) Funcións principais: dependendo do responsable do departamento, participará na preparación das materias de inglés, incluíndo o material docente, así como na impartición de clases e na avaliación de alumnos.

2) Prazas: 1 (tempo parcial).

3) Requisitos:

-Titulación universitaria.

-Dominio oral e escrito do idioma inglés.

-Experiencia docente mínima de 6 meses.

-Estancia de 6 meses en países onde o inglés sexa idioma oficial.

4) Valorarase:

-Currículo.

-Aptitude docente.

-Coñecementos de ofimática para Windows.

-Francés.

-Capacidade de integración en equipos de traballo.

5) Probas que hai que realizar:

-Exame oral e escrito de inglés (eliminatorio).

-Impartición dunha clase.

-Planificación docente.

-Proba práctica de Word para Windows.

-Exame oral e escrito de francés.

-Cuestionario de personalidade.

-Entrevista persoal.

B. Documentación que hai que presentar:

-Solicitude, na que se indique a referencia, dirixida ó director do CSGH (A Barcia. Estrada Santiago-Noia, Km 3. Apartado 578. 15896 Santiago).

-Currículo.

-Acreditación orixinal dos méritos reflectidos no C.V. (incluíndo certificación académica das cualificacións obtidas na titulación requirida). Os títulos obtidos no estranxeiro deberán estar validados en España.

C. Selección:

Expirado o prazo de presentación de solicitudes, o comité de selección designado publicará as listas previas de admitidos e excluídos ó proceso.

D. Prazo de presentación de solicitudes:

O prazo de presentación de solicitudes será de 8 días hábiles contados a partir do seguinte ó da publicación deste anuncio no Diario Oficial de Galicia.

Santiago de Compostela, 17 de setembro de 1998.

Aurelio Miras Porturgal

Conselleiro-delegado de Turgalicia, S.A.