Convócase o concurso público, por procedemento aberto, polo trámite de urxencia, da obra de reforma do edificio O Fortín de Oza para laboratorios do Instituto de Ciencias da Saúde.

O prego de cláusulas administrativas particulares para a contratación de obras por concurso público pódese retirar na Xerencia, Servicio de Xestión Económica, na sede do Rectorado sita en r/ Mestranza s/n, A Coruña, de luns a venres e das 9 ás 14 horas.

As propostas presentaranse no rexistro xeral da universidade, r/ Mestranza s/n, de luns a venres e das 9 ás 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da Xerencia; se este día coincide en sábado realizarase o luns seguinte á mesma hora.

Orzamento de contratación:

Trinta e sete millóns de pesetas (37.000.000).

Garantía provisional:

Setecentas corenta mil pesetas (740.000).

Clasificación: grupo C, categoría d.

Licencia de obras municipal para pagar polo adxudicatario á Universidade da Coruña: un millón cento vintetrés mil oitocentas dezasete pesetas (1.123.817).

Prazo de execución: 4 meses.

A Coruña, 28 de outubro de 1998.

P.D. (Resolución 30-3-1990)

José María Pujalte Giménez

Xerente

10031