O artigo 3 da Lei 5/1987, do 27 de maio (DOG nº 103, do 2 de xuño), do Consello Social da Universidade e do Consello Universitario de Galicia determina a composición do Consello Social da Universidade. Pola súa banda, os artigos 5 e 6 da lei establecen o procedemento de designación dos membros do referido Consello Social.
A Universidade de Vigo, en uso das súas competencias, comunicoulle á Consellería de Educación e Ordenación Universitaria a baixa de Benito Gama Calvo como membro do Consello Social desa universidade, que fora designado pola Unión Xeral de Traballadores de Galicia en representación dos intereses sociais, e a súa substitución por Santos Héctor Rodríguez Díaz, para os efectos previstos no artigo 7 da Lei 5/1987.
Así mesmo, recibíronse nesta consellería, en cumprimento do artigo 8 da mencionada Lei 5/1987, do 27 de maio, do Consello Social da Universidade e do Consello Universitario de Galicia, os documentos preceptivos por parte do novo membro designado de non incorrer en incompatibilidade.
Por todo iso, por instancia da Universidade de Vigo, e por proposta do conselleiro de Educación e Ordenación Universitaria, en cumprimento do artigo 7 da Lei 5/1987, e en uso das atribucións conferidas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro e logo de deliberación do Consello da Xunta de Galicia na súa reunión do día vinte de novembro mil novecentos noventa e oito,
DISPOÑO:
Artigo único.-Nomear como membro do Consello Social da Universidade de Vigo a Santos Héctor Rodríguez Díaz en representación dos intereses sociais.
Esta persoa substitúe, polo mesmo concepto, a Benito Gama Calvo, que cesa como membro do Consello Social da Universidade de Vigo, e ó que lle agradecémo-los servicios prestados.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vinte de novembro de mil novecentos noventa e oito.
Manuel Fraga Iribarne
Presidente
Celso Currás Fernández
Conselleiro de Educación e Ordenación Universitaria
11027
