De acordo co establecido na lexislación vixente sobre contratos das administracións públicas, a Consellería de Pesca, Marisqueo e Acuicultura anuncia a convocatoria de licitación, polo sistema de concurso aberto, a contratación da asistencia técnica para a sistematización e informatización das informacións relacionadas co sector pesqueiro.

Obxecto: contratación da asistencia técnica para a sistematización e informatización das informacións relacionadas co sector pesqueiro.

Orzamento e tipo: trinta e sete millóns de pesetas (37.000.000), IVE e outros impostos incluídos.

Prazo de execución: do primeiro de xaneiro ó trinta e un de decembro de mil novecentos noventa e nove.

Documento de interese: os pregos de cláusulas administrativas particulares e de prescricións técnicas, que rexerán neste concurso, estarán á disposición dos licitadores na oficina de información da Consellería de Pesca, Marisqueo e Acuicultura en Santiago de Compostela, San Caetano, bloque 5, así como nas delegacións territoriais pertencentes a esta consellería, durante o prazo de presentación de proposicións, os días e horas hábiles de oficina.

Prazo e presentación de propostas: as proposicións poderanse presentar no rexistro da Consellería de Pesca, Marisqueo e Acuicultura en Santiago de Compostela, así como nos rexistros das delegacións territoriais pertencentes a esta consellería. O prazo de presentación rematará ás 14 horas do décimo terceiro día natural seguinte ó da publicación desta resolución no Diario Oficial de Galicia.

No caso de utilizar calquera dos medios previstos no artigo 100 do Regulamento xeral de contratación do Estado, remitirase un telegrama ou fax á secretaría xeral, no que se lle comunique a presentación da oferta.

Apertura de proposicións: realizarase pola mesa de contratación, que se reunirá na Consellería de Pesca, Marisqueo e Acuicultura en Santiago de Compostela, ás dez horas (10 horas) do segundo día hábil contado a partir do seguinte ó de remate do prazo de presentación de propostas sempre e cando este día non coincida en sábado ou festivo. Neste caso tal día pasará a se-lo primeiro hábil seguinte.

Fianza provisional: dous por cento da licitación (2%).

O importe do anuncio será por conta do adxudicatario.

Santiago de Compostela, 3 de decembro de 1998.

Juan José Álvarez Pérez

Secretrio xeral da Consellería de Pesca, Marisqueo e Acuicultura

11090