De conformidade coa proposta da comisión designada para xulga-lo concurso que convocou esta universidade por Resolución do 4 de marzo de 1998

(BOE do 25 de marzo), para a provisión da praza número 98/020, de profesor titular de universidade, da área de coñecemento de matemática aplicada, do departamento de Métodos Matemáticos e de Representación desta universidade, a favor de Ignacio Colominas Ezponda, e logo de que o interesado acreditara os requisitos ós que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolve nomear a Ignacio Colominas Ezponda profesor titular de universidade, da área de coñecemento de matemática aplicada, do departamento de Métodos Matemáticos e de Representación, desta universidade.

A Coruña, 26 de novembro de 1998.

José Luis Meilán Gil

Rector da Universidade da Coruña

11128