En cumprimento do acordo adoptado pola Comisión de Goberno do 9-4-1999, anúnciase a contratación das obras de dotación de servicios de saneamento e abastecemento de auga entre Pazos e Sada Darriba, por procedemento aberto e concurso.

De conformidade co disposto no artigo 79 da LCAP, anúnciase concurso por procedemento aberto para adxudica-las obras anteriormente sinaladas, conforme o seguinte contido:

1. Obxecto do contrato: é obxecto do contrato a execución das obras de dotación de servicios de

saneamento e abastecemento entre Pazos e Sada Darriba.

2. Duración do contrato: 2 meses.

3. Tipo de licitación: 12.439.268 ptas.

4. Pagamento: o pagamento do prezo de adxudicación farase efectivo con cargo á partida 441.0.60135 do orzamento do exercicio de 1999.

5. Publicidade dos pregos: estarán de manifesto tódolos días hábiles nas oficinas municipais, Departamento de Contratación.

6. Garantía provisional: non se esixe.

7. Exposición do prego de cláusulas administrativas particulares: durante oito primeiros días hábiles seguintes á publicación deste anuncio, suspendéndose a licitación en caso de impugnación.

8. Garantía definitiva: o 4% do orzamento.

9. Presentación de proposicións: durante os trece días naturais seguintes á publicación do anuncio de licitación no DOG.

10. Apertura de proposicións: terá lugar ás 13 horas do terceiro día hábil seguinte á conclusión do prazo para presentación de proposicións.

11. Modelo de proposición: o recollido no prego de cláusulas administrativas.

Sada, 12 de abril de 1999.

Ramón Rodríguez Ares

Alcalde