A Comisión de Goberno, en virtude da delegación do alcalde do 15-7-1996, en sesión de 31-5-1999, acordou aprobar, con carácter inicial, o Plan Especial de Reforma Interior da Unidade de actuación número 27 do PXOU, situada entre as rúas Camiño do Gorgullón e Pedro Sarmiento de Gamboa e formulado, mediante iniciativa particular, polas entidades mercantís Promociones Ramírez y Construcciones Gallegas, S.L. e Construcuatro, S.A., estando composto o PERI inicialmente aprobado do primeiro

proxecto presentado, con visado da Delegación en Pontevedra do COAG do 3-3-1998 e os seus documentos de emenda, con visado colexial do 23-12-1998 e 6-4-1999, que amplían e reforman ou anulan á correlativa daquel, en función do informe previo emitido pola CPTOPV do 20-5-1998, sendo toda esta documentación redactada polo arquitecto Manuel Jesús Freijeiro e requirir á entidade mercantil promotora do PERI a presentación durante a súa fase de información pública dun texto refundido do documento presentado orixinariamente e a súas emendas tralo informe previo da CPTOPV, coa finalidade de unificar nun único texto do PERI toda a documentación inicialmente aprobada.

Durante o prazo dun mes, contado a partir da publicación deste anuncio no Diario Oficial de Galicia, poderá examinarse o expediente na Unidade Municipal de Fomento (rúa Dona Tareixa) e formularse as alegacións procedentes, servindo tamén este anuncio de notificación, ó abeiro do disposto no artigo 59 da Lei 30/1992, a tódolos propietarios ou interesados no procedemento directamente afectados que non poidan ser notificados individualmente ben por descoñecidos ou porque se ignore o lugar de notificación, enderezo, medio ou tentada a notificación non se puidera practicar.

Pontevedra, 9 de xuño de 1999.

Juan Luis Pedrosa Fernández

Alcalde

Julio Dapena Outomuro

Secretario xeral