Aprobado inicialmente, en Comisión de Goberno do Concello do Grove do 21 de maio deste ano, o proxecto de urbanización de vía en Terra de Porto, que foi presentado para a súa aprobación ante este concello por iniciativa particular de Ángel Parada Costa, E/R de Construcciones Eco-Grove, S.L.

De conformidade co establecido no artigo 44.3º da Lei 1/1997, do 24 de marzo, do solo de Galicia, sométese a información pública o citado proxecto de urbanización de vía durante un mes, contado desde a publicación deste anuncio no DOG. O expediente encóntrase á disposición dos interesados nas oficinas de secretaría do concello para o seu exame.

Así mesmo, efectúase por medio do presente anuncio notificación a aqueles propietarios de terreos afectados descoñecidos ou ós que, intentada a notificación, non se lles puido practicar, nos termos do artigo 42.6º da Lei 1/1997, do 24 de marzo.

O Grove, 27 de maio de 1999.

José A. Galiñanes Mascato

Alcalde