Por acordo do Concello Pleno, do día 20 de maio de 1999, foi aprobado o prego de cláusulas administrativas particulares para a venda mediante poxa aberta dun ben patrimonial, propiedade do Concello de Vilagarcía de Arousa, parcela edificable de 1.174 m no sector do Plan Parcial do Castriño, con destino ó uso concreto e individualizado de Centro de Atención e Tratamento Integral da Parálise Cerebral.

Tipo de licitación: fíxase en 4.100.000 ptas. A mellora realizarase á alza con respecto ó tipo de licitación.

Fianza provisional: fíxase en 82.000 ptas.

Exposición do expediente: na secretaría do concello, tódolos días laborables, durante as horas de oficina, agás o sábado.

Prazo e lugar de presentación das proposicións: na secretaría do concello, das 9.30 ás 13.30 horas, durante o prazo de vinteseis días hábiles, contados a partir do seguinte ó da publicación do último anuncio de licitación no BOP ou no Diario Oficial de Galicia.

Apertura de plicas: na casa do concello ás doce horas do quinto día hábil seguinte ó do remate do prazo de presentación de propostas.

Proposicións: deberán presentarse conforme o modelo que consta no prego de cláusulas administrativas particulares.

Documentos que deben presenta-los licitadores: a documentación para presentar polos licitadores é a prevista na cláusula VII do prego de cláusulas administrativas particulares.

Vilagarcía de Arousa, 11 de xuño de 1999.

Joaquín Javier Gago López

Alcalde