Por Orde do 14 de abril de 1999 (DOG do 29 de abril) ordénanse e organízanse as ensinanzas de bacharelato para adultos na Comunidade Autónoma de Galicia.
Ó ser necesario incrementa-la franxa horaria establecida, con carácter xeral, para imparti-las ensinanzas de bacharelato para adultos, de maneira que se adapte o cadro horario establecido no anexo I da mencionada orde, a Consellería de Educación e Ordenación Universitaria
DISPÓN:
Artigo único.-Modifica-lo artigo 4, número 2º, da citada orde, na páxina 5.092 (DOG nº 81, do 29 de abril de 1999), nos seguintes termos: onde di «..., as ensinanzas do bacharelato poderán impartirse, con carácter xeral, entre as dezaseis horas e as vintedúas horas, de luns a venres», deberá dicir «... as ensinanzas do bacharelato poderán impartirse, con carácter xeral, entre as dezaseis horas e as vintedúas trinta horas, de luns a venres».
Santiago de Compostela, 17 de xuño de 1999.
Celso Currás Fernández
Conselleiro de Educación e Ordenación
Universitaria
Directores xerais de Centros e Inspección
Educativa e de Ordenación Educativa e Formación
Profesional