A Alcaldía Presidencia, con data do 18 de xuño de 1999, dictou a seguinte resolución:

Vistos os artigos 87, 120 e 121 da Lei 1/1997, do solo de Galicia (LSG), así como as disposicións contidas no capítulo 3, título 1 da normativa do vixente Plan Xeral de Ordenación Municipal e de conformidade cos criterios contidos no informe que figura no expediente, esta Alcaldía Presidencia, no uso das facultades que me confire a lexislación vixente,

RESOLVO:

Aprobar inicialmente o expediente de delimitación do polígono F9.01 para a xestión da ARE F9.01, coa plasmación gráfica que se incorpora ó expediente e a seguinte descrición e relación de propietarios e parcelas afectadas.

Descrición: polígono mixto irregular de dezasete lados, cunha superficie de vintedous mil douscentos dezanove metros cadrados (22.219 m), que linda:

Polo norte, no vértice, coa confluencia da Avenida de Arteixo e rúa Puerto Rico.

Polo leste, en liña quebrada en dirección sur, composta por nove tramos, cinco lindantes coa rúa Puerto Rico, tres seguintes bordeando o muro de cerramento da edificación existente e último en tramo recto de 36,25 metros polo bordo interior da beirarrúa de Avenida da Sardiñeira.

Polo sur, en vértice, coa Avda. da Sardiñeira.

Polo oeste, desde a Avda. da Sardiñeira, en liña quebrada composta de oito tramos rectos e un en curva, en dirección norte ata a Avda. da Sardiñeira, finalizando en tramo recto de 127,46 m que linda este último na súa totalidade co bordo interior da beirarrúa correspondente á Avda. de Arteixo.

O que se fai público para os efectos previstos no artigo 121 da Lei do solo de Galicia, que establece un prazo de información pública de vinte días, durante os cales se poderá consulta-lo expediente na Sección de Xestión do Solo, de luns a venres e de 12 a 13.30 horas, así como presenta-la documentación que acredite a titularidade se esta non estivese xa presentada.

A Coruña, 22 de xuño de 1999.

O Alcalde

P.D.

Salvador Fernández Moreda

ANEXO

Relación de propietarios e parcelas afectadas