Neste organismo autónomo achegouse a petición de outorgamento de concesión e autorización administrativas para a instalación dun aproveitamento hidroeléctrico con potencia nominal de ata 5.000 kVA dun tramo libre do río Curantes, presentada cos proxectos das obras e instalacións e estudio ambiental correspondentes.
No anexo que se inclúe máis abaixo transcríbese o peticionario do aproveitamento solicitado, do que figuran os datos máis relevantes que o definen, ademais dunha breve descrición das obras que se van executar, facendo consta-la petición de declaración de utilidade pública do aproveitamento para os efectos de expropiación forzosa e a relación concreta na que se recollen os bens e/ou dereitos afectados cos seus propietarios. Tamén se fai mención da clase
de estudio ambiental achegado polo promotor, logo da cualificación do proxecto do aproveitamento, segundo dispón a lexislación vixente.
Co presente anuncio, para dar cumprimento ó disposto nos artigos 6 do R.D. 916/1985, do 25 de maio, en concordancia co artigo 2.1º do dito R.D. 916/1985 segundo a redacción establecida polo R.D. 249/1988, do 18 de marzo; e 2.4º do Decreto 327/1991, do 4 de outubro, que regulan a avaliación dos efectos ambientais para Galicia, sométese de forma simultánea, unha vez rematadas as actuacións de comprobación e de remisión ás consellerías e organismos competentes por razón da materia dos documentos presentados, ó trámite de información pública, no uso das facultades conferidas polo Decreto 63/1997, do 14 de marzo, a petición e documentación técnica e ambiental que se trata en concreto no anexo para os efectos do seu coñecemento xeral, co fin de que aquelas persoas naturais ou xurídicas que se consideren afectadas nos seus dereitos poidan formular, por escrito, cantas alegacións, observacións, suxestións e reclamacións coiden procedentes (indicando a clave do concurso sinalada no
encabezamento e o proxecto ou estudio do peticionario ó que se refiran), persoalmente ou por medio do seu representante con poder suficiente, perante o rexistro xeral da Consellería de Política Territorial, Obras Públicas e Vivenda -Edif. Advos. San Caetano, s/n. 15071 Santiago de Compostela e dentro do prazo improrrogable de vinte (20) días hábiles.
O prazo comezará a contarse e entenderase aberto a partir da data da derradeira das publicacións que corresponden facer da presente resolución no Diario Oficial de Galicia e no BOP de Pontevedra. Transcorrido o dito período de tempo non se admitirá nin se terá en conta ningún escrito.
Para os expresados efectos, este anuncio, ademais da súa inserción nos diarios oficiais mencionados, será obxecto de exposición ó público no taboleiro de anuncios da Casa do Concello da Estrada (Pontevedra).
Este trámite realízase igualmente en función do artigo 59.4º da Lei 30/1992, do 26 de novembro, cando os titulares dos bens e/ou dereitos propostos polo peticionario sexan descoñecidos e así dirixirlle ó Ministerio Fiscal no seu momento as dilixencias que se produzan destes, de conformidade co artigo 5 da Lei de expropiación forzosa do 16 de decembro de 1954.
Os que se consideren interesados terán para os devanditos efectos informativos á disposición copia da petición e dos exemplares da documentación técnica e estudio ambiental para que poidan ser examinados, nos días e horas habituais de oficina, nas seguintes dependencias administrativas:
* Proxectos das obras constitutivas do aproveitamento e das instalacións electromecánicas da cen
tral, subestacións de transformación e liñas de media e baixa tensión:
-Servicios centrais do Departamento de Xestión do Dominio Público Hidráulico de Augas de Galicia: Consellería de Política Territorial, Obras Públicas e Vivenda, Edif. Advos. San Caetano, s/n. 15071 Santiago de Compostela.
-Delegación Provincial en Pontevedra da Consellería de Industria e Comercio: r/ Eduardo Pondal, 64. 36071 Pontevedra.
-Dirección Xeral de Calidade e Avaliación Medioambiental: r/ Feáns, 1-3. 15706 Santiago de Compostela.
* Estudio de efectos ambientais:
-Dirección Xeral de Calidade e Avaliación Medioambiental: r/ Feáns, 1-3. 15706 Santiago de Compostela.
-Delegación provincial de Medio Ambiente de Pontevedra: r/ Benito Corbal, 47-4ª planta. 36071 Pontevedra.
-Concello da Estrada: Pr. Constitución, s/n. 36680 A Estrada (Pontevedra).
Santiago de Compostela, 2 de xuño de 1999.
Agustín Hernández Fernández de Rojas
Presidente do organismo autónomo Augas
de Galicia
ANEXO
Relación de peticionarios
Peticionario e promotor: Enxeñería dos Recursos Enerxéticos, S.L.
Enderezo: O Arco, nº 39. 36156 Lérez (Pontevedra).
Representante: María Mercedes Froján Fontán.
Denominación do aproveitamento: minicentral hidroeléctrica no río Curantes.
Os aspectos máis destacados son:
Obxecto: producción de enerxía eléctrica.
Caudal máximo derivado: 1.000 l/sg.
Corrente de derivación: río Curantes (cota do escorredoiro do azude: 275).
Corrente de restitución: río Curantes (cota de turbinas: 200).
Desnivel (salto bruto): 75 m.
Altura do azude: 5,5 m (entre a coroación e o punto máis baixo de superficie xeral de alicerces).
Potencia total xeradores: 583 Kw.
Termo municipal onde radica a toma e demais obras: Concello da Estrada (Pontevedra).
* Breve descrición das características principais das obras e instalacións:
Azude e obra de toma.
O azude terá un perfil tipo Creager para unha altura de lámina de auga de 2,7 m. A cota do escorredoiro será a 275 e a lonxitude do vertedoiro 16 m. Terá un desaugadoiro de fondo de 0,3 m de diámetro. Disporase dunha escala salmoneira.
Na captación disponse dunha toma formada por unha serie de reixas sucesivas, cun limparreixas automático.
Encanamento de derivación.
Da toma parte un encanamento de derivación de 800 mm de diámetro, en chapa de aceiro de 6 mm de espesor. A lonxitude é de 1.620 m, discorrendo a media ladeira e soterrada na súa totalidade.
Edificio da central.
Proxéctase un edificio de planta rectangular de dimensións en planta de 12x10 m e unha altura de 4 metros máis a cuberta.
A canle de descarga ten unha lonxitude de 10 m, cunha sección rectangular de 3 m de ancho e unha altura variable entre 1 e 2 m, en formigón armado.
Equipos electromecánicos.
Na casa de máquinas do aproveitamento proxéctanse os seguintes equipos electromecánicos:
-Unha turbina Francis de eixe horizontal, para caudal de equipamento de 1.000 l/sg, velocidade nominal de 600 r.p.m. e potencia 583 KW.
-Xerador asíncrono, con potencia en bornas de 583 KW, 690 V de tensión e velocidade síncrona de 600 r.p.m.
-Transformador trifásico de potencia 700 kVA e relación 20.000±2.5±5/690 V.
-Equipos auxiliares.
* Afeccións.
Efectúase a solicitude de declaración de utilidade pública do aproveitamento, sendo os bens e/ou dereitos afectados polas obras e instalación para os fins da necesaria expropiación forzosa, os que de seguida se indican cos seus propietarios:
Concello: A Estrada.
(m)
Propietario Superficie afectada
5.220
Puente Requejo 78
Veiga Cacharon 96
Concentración parcelaria de Monte Callobre-Rubín. Decreto 70/1992 (sen adxudicar definitivamente)
Serafín Matos Loureiro 30
Camilo Fuentes Vilariño 540
Manuel Martínez Villanueva 240
Carmen Barros Villaverde 84
Esther Carmen Gómez Brea 72
Josefina Oteiro Veigas 204
Elvira Pena Pérez 108
Dolores Puente Lourero e J. Manuel
Manuel Muíños Blanco e Ramona
Manuel Pena Villaman 96
J. Manuel e María del Carmen Álvarez Villar 96
Ramiro Maceira Mato 42
J. Manuel e María del Carmen Álvarez Villar 42
(m)
Propietario Superficie afectada
900
Luis Iglesias Fuentes 30
Hortensia Villanueva Boade 30
Carmen César Iglesias 48
Manuel Martínez Villanueva 54
Luis Penide Pereiras 60
Manuel Sanmartín Señorans 36
María Isabel Souto Pereiras 60
Matilde Pena Villaman 216
Esther Carmen Gómez Brea 24
Francisco Amor Brea Fernández 150
Consuelo Pereiras Fernández 144
Daniel e José Rodríguez Rodríguez 156
María Isabel Souto Pereiras 180
Manuel Neira Porto 540
José Pena Pérez 180
Descoñecido (parcela 76) 30
Descoñecido (parcela 75) 180
Descoñecido (parcela 74) 132
Marcelino Fuentes Fins 180
Ramiro Maceira Mato 316
Carmen Barros Villaverde 48
Jesús Pena Pena 180
Olga e Constantino Matalobos López 380
Concentración parcelaria de Monte Callobre-Rubín. Decreto 70/1992 (sen adxudicar definitivamente)
Este documento presentouse conforme a normativa aplicable.* Estudio de efectos ambientais:
