O Pleno deste concello, na súa sesión extraordinaria do 13 de xullo de 1999, aprobou o expediente de contratación e o prego de condicións económico-administrativas que rexerá o concurso por procedemento aberto (tramitación ordinaria) das obras que se relacionan no punto 2, que se expón ó público polo prazo dos oito primeiros días naturais seguintes ó da publicación deste anuncio no DOG. Simultaneamente anúnciase o concurso para a presentación de propostas. As licitacións poderanse aprazar no caso de que se formulen reclamacións contra o prego de condicións.

1. Entidade adxudicadora. Organismo: Pleno do Concello.

2. Obxecto do contrato:

a) Obra nº 59/PB/1999. Denominación: urbanización de travesía na Saínza, Santa Baia e Rairiz de Veiga. Orzamento: 13.000.000 de ptas. Financiamento: estado (MAP) 5.200.000 ptas. Deputación provincial: 4.868.500 ptas. Concello: 2.931.500 ptas. Garantía provisional: 260.000 ptas. Prazo de execución: 3 meses.

b) Obra nº 70/11 do Plan de Comarcas de Acción Especial de 1999. Denominación: rede de sumidoiros en Azureiros e Filgueiras. Orzamento: 10.104.000 ptas. Financiamento: estado (MAP) 5.052.000 ptas. Deputación: 2.773.548 ptas. Xunta de Galicia: 2.278.452 ptas. Garantía provisional: 202.080 ptas. Prazo de execución: 3 meses.

c) Obra nº 367/1 do PIEL do Fondo de Cooperación Local de 1999. Denominación: rede de sumidoiros en Rosén, Xuxá e A Gaiosa (Ordes). Orzamento: 11.758.619 ptas. Financiamento: Xunta de Galicia: 11.758.619 ptas. Garantía provisional: 235.172 ptas. Prazo de execución: 3 meses.

3. Tramitación, procedemento e forma de adxudicación. Tramitación: ordinaria. Procedemento: aberto. Forma: concurso.

4. Criterios de selección: os sinalados na cláusula III do prego de cláusulas administrativas.

5. Clasificación do contratista: non se esixe.

6. Garantías. Provisionais: indícanse no punto 2 deste anuncio. Definitivas: 4 por 100 do orzamento de adxudicación.

7. Obtención da documentación e información: Secretaría do Concello, praza do Concello, 1. 32652 Rairiz de Veiga. Teléfono: 988 46 55 52. Fax: 988 46 55 55, ata o día anterior ó do remate de presentación de proposicións.

8. Presentación das ofertas. Prazo: 26 días naturais seguintes ó da publicación deste anuncio no DOG. Documentación: a esixida no prego. Lugar de presentación: Concello de Rairiz de Veiga, das nove ás catorce horas.

9. Apertura de ofertas: día 2 de setembro de 1999 ás doce horas, e se ese día aínda non rematase o prazo de presentación de proposicións, a apertura terá lugar o terceiro día hábil seguinte ó do remate do devandito prazo (excepto sábados) no salón de plenos deste concello.

10. Gastos de anuncios: por conta dos adxudicatarios.

Rairiz de Veiga, 14 de xullo de 1999.

O alcalde

Rubricado