Visto o expediente de recoñecemento de interese galego e a inscrición no Rexistro de Fundacións de Interese Galego da Fundación Laxeiro, con domicilio en Vigo. Pontevedra.

Supostos de feito:

Primeiro.-Carlos García-Suárez Otero, como secretario da fundación, en escrito do vinteún de xuño de 1999, formulou solicitude de clasificación para efectos da súa inscrición no Rexistro de Fundacións de Interese Galego.

Segundo.-A fundación constitúese en escritura pública outorgada en Vigo, o día vintetrés de febreiro de mil novecentos noventa e nove, ante a notaría do Colexio de Galicia Palmira Delegado Martín, co número mil trescentos cincuenta e seis do seu protocolo por Manuel Pérez Álvarez, María Cruz Otero Villamarín, Heriberto García-Suárez Otero e Carlos García-Suárez Otero; intervén Manuel Pérez Álvarez en nome e representación do Concello de Vigo, e os restantes no seu propio nome e dereito.

Terceiro.-A comisión integrada polos secretarios xerais de tódalas consellerías elevoulle ó conselleiro da Presidencia e Administración Pública proposta de clasificación como de interese cultural da Fundacíón Laxeiro, dado o seu obxecto e finalidade, polo que, cumpríndose os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, procede a súa clasificación como de interese cultural e a súa adscrición á Consellería de Cultura, Comunicación Social e Turismo.

Cuarto.-Á vista da proposta da comisión de secretarios xerais pola orde da Consellería da Presidencia e Administración Pública, do 3 de agosto de 1999

(DOG do 19), clasificouse como de interese cultural a Fundación Laxeiro, tendo en conta o disposto no artigo 32.3º a) do Regulamento de organización e funcionamento do protectorado das fundacións de interese galego.

Quinto.-Segundo consta no artigo 3 dos seus estatutos, o obxecto da fundación é promocionar, fomentar, divulgar, prestixiar, protexer e defender especialmente na cidade de Vigo e no territorio da Xunta de Galicia e do Estado español e no de calquera outro Estado a obra artística e cultural do pintor José Otero Abeledo, Laxeiro; os dereitos de calquera natureza relacionados con esta, así como a súa experiencia vital, o seu pensamento e as súas inquedanzas, proxectos, ideas e obras; a súa memoria e o recoñecemento da súa obra e das súas achegas ás belas artes, e o seu preferente amor ó pobo de Vigo, e de modo especial á instalación, mantemento, mellora, aplicación, xestión, administración e dirección dun museo que reúna monograficamente a obra de Laxeiro, situado na cidade de Vigo.

Sexto.-Na escritura pública pola que se constitúe a fundación, constan, entre outros, os seguintes puntos: acreditación da personalidade dos fundadores, dotación incial da fundación, estatutos nos que consta a denominación a fundación como Fundación Laxeiro, capacidade xurídica, domicilio e obxecto.

O padroado da fundación estará constituído polos membros que se designan no artigo 6º dos estatutos da fundación.

Fundamentos de dereito:

Primeiro.-O artigo 34 da Constitución española recoñece o dereito de fundación para fins de interese xeral de acordo coa lei, e o artigo 27.26º do Estatuto de autonomía para Galicia outórgalle competencia exclusiva sobre o réxime das fundacións de interese galego.

Segundo.-Conforme o artigo 32.3º a) do Regulamento de organización e funcionamento do protectorado das fundacións de interese galego, así como o artigo 1 do Decreto 12/1990, é competencia desta consellería a declaración de interese galego e inscrición no Rexistro de Fundacións de Interese Galego da Fundación Laxeiro, dado o seu obxecto, coincidente coas competencias desenvolvidas pola Consellería de Cultura, Comunicación Social e Turismo, asumindo as funcións que en canto a protectorado lle corresponden á Xunta de Galicia.

Terceiro.-Ó abeiro do disposto no artigo 7.5º da Lei 7/1983, do 22 de xuño, á realización da finalidade fundacional débense destinar, cando menos, o oitenta por cento das rendas que obteña a fundación e dos outros ingresos que non formen parte da dotación dela.

Cuarto.-A Lei 11/1991, do 8 de novembro, dálle nova redacción ó artigo 21.2º da Lei 7/1983, establecendo a obriga de, por unha banda, formular e presenta-lo orzamento de ingresos e gastos ó protectorado con anterioridade ó inicio do exercicio eco

nómico e, por outra, a de efectuar un inventario-balance, pechado na data da finalización do exercicio, unha memoria das actividades realizadas ó longo do ano e de xestión económica do patrimoino, así como a liquidación do orzamento de ingresos e gastos do ano anterior, que deberán presentarse ó proctectorado no prazo de seis meses desde a data do peche do exercicio.

Este conxunto de obrigas débense entender asumidas pola fundación, aínda que non se recollan expresamente nos seus estatutos.

Quinto.-Á vista do exposto pódense entender substancialmente cumpridos os requisitos legais e regulamentarios para a declaración de interese galego e a súa inscrición no Rexistro de Fundacións da Sección de Fundacións da Consellería de Cultura, Comunicación Social e Turismo segundo se desprende dos artigos 5, 6, 7, 8, 11.1º e 18 da Lei 7/1983, en relación cos artigos 2, 3, 4, 5 e 33 do Decreto 248/1992. Por todo isto,

DISPOÑO:

Primeiro.-Recoñecer e declarar de interese galego da Fundación Laxeiro.

Segundo.-Ordena-la súa inscrición no Rexistro de Fundacións de Interese Galego, Sección de Fundacións da Consellería de Cultura, Comunicación Social e Turismo.

Terceiro.-Aproba-los seus estatutos e a formación do seu órgano de goberno.

Cuarto.-A dita fundación queda sometida ó disposto no resto da normativa de xeral aplicación, en especial á obriga de lles da-la publicidade suficiente ás súas actividades e á ausencia de ánimo de lucro na prestación dos seus servicios, quedando obrigada a lle rende-las contas anualmente ó protectorado e a xustificar, a través dunha memoria anual, o cumprimento das cargas fundacionais, así como a presenta-lo proxecto de orzamento antes do último mes do exercicio económico anterior a aquel para o que se formula, debendo solicita-las preceptivas autorizacións do protectorado cando sexan necesarias.

Santiago de Compostela, 18 de outubro de 1999.

Jesús Pérez Varela

Conselleiro de Cultura, Comunicación

Social e Turismo