O Consello da Xunta de Galicia, na súa reunión do 7 de outubro de 1999, declarou o proxecto sectorial denominado actuación industrial Río do Pozo, sector II, en Narón, de incidencia supramunicipal, para os efectos previstos na Lei 10/1995, do 23 de novembro, de ordenación do territorio de Galicia, designando a Consellería de Industria e Comercio como órgano competente para a tramitación do expediente.
En cumprimento do anterior, e de conformidade co disposto no artigo 25.3º da citada lei,
RESOLVO:
Someter a información pública o proxecto sectorial denominado actuación industrial Río do Pozo, sector II, en Narón, sendo as súas características fundamentais as seguintes:
a) Situación: concello de Narón.
b) Finalidade: promoción dunha actuación urbanística para dota-lo concello de Narón de solo cualificado para uso industrial debidamente urbanizado para situar dúas instalacións industriais de gran magnitude.
Ó abeiro do disposto na disposición adicional terceira da Lei 2/1998, de medidas tributarias de réxime orzamentario, fundación pública, patrimonio, organización e xestión e para os efectos do artigo 52 da Lei de expropiación forzosa, a aprobación defi
nitiva do proxecto polo Consello da Xunta de Galicia levará implícito o recoñecemento en concreto da utilidade pública e a urxente ocupación dos bens ou de adquisición dos dereitos afectados, o que se pon en coñecemento xeral e, en particular, dos propietarios e demais titulares que se detallan na relación que se xunta, co fin de que durante o prazo dun mes, contado desde a última publicación deste anuncio, poidan examina-lo citado proxecto nas dependencias da Dirección Xeral de Programas Industriais e Infraestructuras Tecnolóxicas e presenta-las alegacións que consideren pertinentes.
Santiago de Compostela, 20 de outubro de 1999.
José Manuel González González
Director xeral de Programas Industriais
e Infraestructuras Tecnolóxicas
ANEXO
Relación de propietarios, bens e dereitos afectados
Parcela nº: 200.01.
Titular: Fernández Robles, Hnos.
Superficie: 1.054 m.
Parcela nº: 206.
Titular: descoñecido.
Superficie: 43 m.
Parcela nº: resto parcelas.
Titular: Sepes.