A Comisión de Goberno, en sesión celebrada o vintesete de setembro de 1999 prestou aprobación, con carácter inicial, á proposta formulada por iniciativa particular pola entidade mercantil Construcuatro, S.A. de modificación da delimitación da unidade de actuación número 34 do vixente Plan Xeral de Ordenación Urbana, e situada entre as rúas Doutor Loureiro Crespo e a avenida José Malvar Figueroa, coa finalidade de excluír do seu ámbito un edificio xa construído e existente no seu ámbito e os terreos del expropiados para a execución do anel da Eiriña, hoxe avenida José Malvar Figueroa, así como axusta-los seus límites ó parcelario real, fundamentándose esta modificación nun proxecto técnico redactado polos arquitectos Eugenio Jiménez Passolas e Gustavo Pérez Álvarez, visado pola Delegación en Pontevedra do COAG de data 15-12-1998; disponse así mesmo o seu sometemento a información pública, e comunícase o acto á Consellería de Política Territorial, Obras Públicas e Vivenda da Xunta de
Galicia, nos termos do artigo 4 da Lei 30/1992, do 26 de novembro, de réxime xurídico das administracións públicas e do procedemento
administrativo común, na redacción conferida pola Lei 4/1999, do 13 de xaneiro, co fin de que, durante a fase de información pública do expediente, poida examina-lo seu contido e coñece-las súas determinacións, especialmente sobre o aproveitamento urbanístico atribuíble dos terreos da unidade de actuación, nos que a súa exclusión pretende a delimitación inicialmente aprobada e hoxe integrantes da actual avenida José Malvar Figueroa da súa titularidade, pertencente ós sistemas xerais viarios do plan xeral e obtida á través da aplicación do instituto da expropiación.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio Municipal de Urbanismo, Medio Ambiente e Patrimonio Histórico (rúa Dona Tareixa) a documentación inicialmente aprobada, e formula-las alegacións que coide pertinentes.
Pontevedra, 13 de outubro de 1999.
Raimundo González Carballo
Alcalde accidental
Julio Dapena Outomuro
Secretario xeral