A Comisión de Goberno, en sesión do 27-9-1999, acordou prestar aprobación definitiva á proposta de reparcelación voluntaria parcial do PAU/P.P. da unidade de execución ou polígono B-4 Fonte Santa de Pontevedra, formulada polo presidente da xunta de compensación deste polígono e outros propietarios afectados de acordo co aprobación do estudio de detalle-aprobado en sesión da Comisión de Goberno de data 29-4-1998 coa finalidade de reaxustar determinacións e delimitación do Plan Parcial do Polígono B-4 do Plan Xeral de Ordenación Urbana-Fonte Santa, sendo formalizado o proxecto de reparcelación, coa expresa aceptación dos afectados, en escritura pública autorizada polo notario desta cidade Eduardo Méndez Apenela ó número 5283 do seu protocolo de 26-9-1998 e escritura complementaria desta, igualmente autorizada polo devandito notario baixo o número 752 do seu protocolo do 16-2-1999, desestimándose, por conseguinte e por este acto, as reclamacións formuladas durante o período de

información pública, subseguinte á súa toma de coñecemento por esta Administración municipal, por Vicente Manuel Solla Moreira e Eugenio Sergio Novas Veiga, en función das motivacións e antecedentes de feito expostos, que se incorporan a este acto, nos termos do artigo 89.5º da Lei 30/1992, do 26 de novembro, dispoñéndose así mesmo a formalización da proposta de reparcelación voluntaria mediante a súa inscrición no Rexistro da Propiedade, coa presentación das escrituras públicas e certificación do acordo da súa aprobación.

O que se fai público para a súa executividade, significándose que contra este acto poderá interpoñerse ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa noti

ficación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso administrativo perante o xulgado do contencioso-administrativo de Pontevedra no prazo de dous meses, contados a partir do día seguinte ó da súa notificación, consonte co disposto nos artigos 8.1º e 46.1º da Lei 29/1998, do 13 de xullo.

De interpoñerse o recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992 modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desta Lei 30/1992; poderá entón interpoñerse recurso contencioso-administrativo dentro do prazo de seis meses contado desde o día seguinte daquel no que deba entenderse presuntamente desestimado o recurso de reposición interposto, consonte co establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes con arreglo a dereito.

Pontevedra, 13 de outubro do 1999.

Raimundo González Carballo

Alcalde accidental

Julio Dapena Outomuro

Secretario xeral