Por resolución da Dirección Xeral da Función Pública do 23 de novembro de 1999 (DOG nº 231, do 30 de novembro), fanse públicas as puntuacións dos participantes admitidos, así como a adxudicación provisional dos postos solicitados na primeira fase do concurso para a provisión de postos de traballo do corpo facultativo superior da Xunta de Galicia, pertencente ós servicios veterinarios oficiais da Comunidade Autónoma, convocado pola Orde do 29 de xuño de 1999 (Diario Oficial de Galicia nº 135, do 15 de xullo).

Transcorrido o prazo de quince días naturais, contados a partir do seguinte ó da publicación, e unha vez resoltas pola comisión de valoración as reclamacións presentadas contra ela, esta consellería,

ACORDA:

Primeiro.-Resolver definitivamente a primeira fase do concurso, adxudicándolles ós funcionarios/as que se relacionan no anexo I os postos de traballo que se especifican nel. De conformidade coa base novena da Orde do 29 de xuño de 1999, entenderanse desestimadas as reclamacións presentadas contra a resolución provisional, agás aquelas das que se deduce dos termos do dito anexo a estimación.

Segundo.-De conformidade co establecido na base décimo primeira da Orde do 29 de xuño de 1999 que convoca o concurso, os prazos de cesamento no actual destino e da toma de posesión no destino adxudicado nesta fase do concurso serán anunciados mediante a resolución prevista no punto segundo da base décimo segunda da dita orde.

O persoal ó que se lle adxudique un posto de traballo a través desta orde e proveña da situación de excedencia voluntaria presentará, no momento

da toma de posesión, a declaración xurada e o certificado ó que se fai referencia no punto 2b) da base quinta da Orde do 29 de xuño de 1999. Exceptuaranse desta obriga aqueles funcionarios ós que lles fose declarada a excedencia voluntaria regulada no artigo 55.1) da Lei 4/1988, do 26 de maio, da función pública de Galicia.

Terceiro.-Contra esta orde, que pon fin á vía administrativa, poderase interpoñer recurso potestativo de reposición ante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente ante a Sala do Contencioso-Administrativo do Tribunal Superior da Xunta de Galicia, no prazo de dous meses contados desde a mesma data, segundo o artigo 8.2º, en conexión co artigo 10.1º da Lei 29/1998, do 13 de xullo.

Santiago de Compostela, 14 de febreiro de 2000.

Jaime Pita Varela

Conselleiro da Presidencia e Administración

Pública

Asignación das prazas do concurso 02/1999.

AG - Agricultura, Gandería e Polít. Agroalimentaria.

CU - Cultura, Comunicación Social e Turismo.

ED - Educación e Ordenación Universitaria.

EF - Economía e Facenda.

FA - Familia e Promoc. do Emprego, Muller e Xuventude.

IC - Industria e Comercio.

MA - Medio Ambiente.

OT - Política Territ., Obras Públicas e Vivenda.

PE - Pesca, Marisqueo e Acuicultura.

PR - Presidencia e Administración Pública.

SA - Sanidade e Servicios Sociais.

XU - Xustiza, Interior e Relacións Laborais.