O Pleno da Corporación, en sesión do día trinta de outubro de mil novecentos noventa e nove, acordou aprobar definitivamente o estudio de detalle formulado por Ventura Reyes Pérez, no seu propio nome e dereito e en representación de Reyes Hermanos, S.L. e en beneficio de María Luisa e Carlos Reyes Pérez e Bienvenido, Jacinto, Eutiquio e Fernando Reyes de la Fuente, coa finalidade de completa-las determinacións establecidas no Plan Xeral de Ordenación Urbana para a unidade de actuación número 35, situada na rúa Doutor Loureiro Crespo, redactado o devandito instrumento urbanístico polo arquitecto Fernando Lafuente Lestón, con visado da delegación en Pontevedra do COAG en datas 10-11-1998 e 13-1-1999, reformado e anulado esta última documentación á inicial correlativa do estudio de detalle.
No devandito acto administrativo declarouse que, de conformidade co informe da demarcación de estradas do Estado en Galicia do Ministerio de Fomento (Ref. 2146-99), a liña de edificación con respecto á EN-541, será a que consta no Plan Xeral de Ordenación Urbana desta termo municipal e o raio mínimo de xiro no bordo das beirarrúas será de cinco metros, recordándose ós promotores que no proxecto de urbanización qeu se formule, a relación entre beirarrúas e calzadas realizarase segundo a sección tranversal tipo prevista no plan xeral para rúas de 14 m e que nos proxectos de edificación se terá en conta a normativa xeral e a correspondente á súa situación dentro da zona residencial intensiva para efectos do seu estricto cumprimento, determinacións que en ningún caso poden considerarse modificadas polo estudio de detalle.
O que se fai público para a súa executividade, significándose que contra este acto, que esgota a vía administrativa, poderán interpoñer directamente aqueles que se consideran lexitimados o recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no plazo de dous meses, contados desde o día seguinte ó da publicación do texto íntegro da diposición impugnada, consonte o establecido nos artigos 10-1-6) e 46-1 da Lei 29/1998, do 13 de xullo, regulamentadora da xurisdicción contencioso-administrativa.
Non obstante, tamén se poderá interpoñer calquera outro recurso que os interesados estimen procedentes conforme dereito, significándole que o artigo 107-3 da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, non admite a interpo
sición de recursos en vía administrativa contra as disposicións administrativas de carácter xeral.
Pontevedra, 10 de xaneiro de 2000.
P.D.
Xosé Cesáreo Mosquera Lorenzo
Tenente-alcalde delegado da Área de Urbanismo
e Medio Ambiente
Julio Dapena Outomuro
Secretario xeral