Visto o expediente de revisión salarial inicial para o ano 2000 do convenio colectivo da empresa Moyresa Molturación y Refino, S.A., que tivo entrada nesta delegación provincial o día 4-2-2000, suscrito en representación da parte económica pola empresa, e, da parte social, polo comité de empresa, o día 24-1-2000, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 14 de febreiro de 2000.

Mª Reyes Carabel Pedreira

Delegada provincial da Coruña

Convenio colectivo. Revisión inicial IPC

previsto ano 2000

Parte social:

José Luis García López.

Eduardo Taibo Moscoso.

Antonio López Membila.

Alfredo Pereiro Pereiro.

Manuel Outes Garaloces.

Parte empresa:

Ramón Pitarque Gorospe.

Antonio Iglesias García.

Manuel del Fraile Pascual.

Jaime del Río Mosquera.

No Burgo-Culleredo (A Coruña), o vintecatro de xaneiro do ano 2000, reunidos os representantes sociais e empresariais sinalados á marxe, co obxecto de practica-la revisión salarial convida para o segundo ano de vixencia do convenio colectivo de Moyresa, Molturación y Refino, S.A., no seu centro de traballo

do Burgo-Culleredo (A Coruña), conforme o acordo adoptado para o período 1 de xaneiro de 1999 ó 31 de decembro de 1999.

Conforme o sinalado no artigo vintecinco do convenio colectivo, practícase inicialmente unha revisión salarial igual ó IPC real previsto polo Goberno para o ano 2000, consistente nun incremento do dous por cento (2%) sobre tódolos conceptos salariais en vigor o 31 de decembro de 2000.

Tendo en conta que o incremento acordado para o ano 2000 (segundo de vixencia do convenio actual) quedou fixado no IPC resultante o 31 de decembro do ano 2000, unha vez coñecido o dato definitivo do IPC real resultante o 31 de decembro de 2000, regularizarase este á alza ou á baixa, practicándose as diferencias en sentido positivo ou negativo durante o primeiro trimestre do ano 2001.

En consecuencia, no mes de xaneiro de 2001 reuniranse de novo ámbalas partes para establece-las

táboas salariais definitivas de aplicación para o ano 2000.

Conforme o establecido no acordo de convenio (actas nº 4 e 5 do 22-4-1999 e 13-5-1999), con carácter previo á confección das novas táboas incorpóranse no concepto de complemento de persoal as cantidades reflectidas nas ditas actas correspondentes á bolsa de vacacións.

Unha vez efectuada a revisión salarial inicial das táboas salariais, complementos anuais, valor horas extraordinarias e outras compensacións económicas de convenio que se reflicten no anexo I, II, III, IV e folla de compensacións económicas, ámbalas partes apróbanas conforme o convido no artigo vintecinco como mellora para o segundo ano de vixencia do convenio colectivo 1999-2000 e, en proba de conformidade, asínanse as táboas salariais indicadas xunto con esta acta no Burgo-Culleredo, o vintecatro de xaneiro de dous mil.

ANEXO I

Táboa salarial ano 2000. Revisión inicial IPC previsto.

ANEXO II

Táboa de complementos anuais ano 2000.

Revisión incial IPC previsto.

ANEXO III

Valor horas extraordinarias ano 2000. Revisión inicial IPC previsto.

ANEXO IV

Valor horas extraordinarias.

Revisión IPC previsto 2000.

(Aplicable a partir do 31 de decembro de 2000).

Outras COMPENSACIÓNS ECONÓMICAS do convenio que se modificarán no ano 2000. Revisión inicial IPC previsto.