Dado que se advertiu a necesidade de introducir novos datos nos modelos das actas de inspección co fin de recadar máis información nas inspeccións que se leven a cabo e para unha maior eficacia na inspección ambiental, faise precisa a modificación do anexo da Orde do 15 de novembro de 1999 pola que se modifica a Orde do 30 de maio de 1996,
que regula o exercicio da inspección ambiental única e a tramitación das denuncias ambientais.
Na súa virtude, facendo uso das atribucións que me confire o artigo 34 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, en relación co Decreto 482/1997, do 26 de decembro, polo que se establece a estructura orgánica da Consellería de Medio Ambiente
DISPOÑO:
Artigo único.-Os modelos das actas inspección ós que fan referencia tanto a Orde do 30 de maio de
1996, pola que se regula o exercicio da inspección ambiental única e a tramitación de denuncias ambientais, como a Orde do 15 de novembro de 1999 pola que se modifica a devandita Orde do 30 de maio de 1996, serán os recollidos no anexo desta orde.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 13 de marzo de 2000.
José Carlos del Álamo Jiménez
Conselleiro de Medio Ambiente