O Consello da Xerencia Municipal de Urbanismo, en sesión do día 16 de marzo de 2000, acordou aprobar inicialmente o reformado do estudio de detalle do polígono 22 do PERI do Calvario (expediente 5685/411), redactado polo arquitecto José A. Martín Curty, con visado do COAG con data do 20 de decembro de 1998, 8 e 21 de febreiro de 2000.

Sométese o dito expediente ó trámite de información pública polo prazo dun mes, mediante inserción de anuncios no DOG e nun xornal dos de maior circulación da provincia, significando que o prazo de exposición ó público se entenderá aberto desde a primeira publicación ata o remate do mes contado desde o último anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa do edificio da Xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo, non poidan ser notificados persoalmente.

Vigo, 31 de marzo de 2000.

Lois Pérez Castrillo

Alcalde-presidente da Xerencia Municipal de Urbanismo