Dentro do Plan de Actividades da Escola Galega de Administración Pública para 2000 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas Xornadas sobre urbanismo e rehabilitación do patrimonio, en colaboración coa Consellería de Cultura, Comunicación Social e Turismo e a Consellería de Política Territorial, Obras Públicas e Vivenda; convocatoria que se desenvolverá conforme as seguintes bases:
1. Obxectivos:
Xerar novas actitudes cara ó patrimonio cultural e dar a coñece-la normativa urbanística que posibilita a protección e rehabilitación do dito patrimonio. Ademais, reflexionar sobre as intervencións que se pretenden realizar nos edificios singulares e conxuntos históricos para consegui-la súa posta en valor e asegura-la súa conservación e a súa transmisión a xeracións futuras.
2. Contido:
Trataranse estes temas:
-Réxime xurídico da conservación do patrimonio histórico.
-A arquitectura nos cascos históricos.
-Intervencións no patrimonio histórico. Proxectos singulares.
-Rehabilitación de vivendas en núcleos históricos. O caso de Allariz.
-Técnicas urbanísticas de protección do patrimonio histórico.
-Patrimonio e cidade.
3. Destinatarios:
Persoal ó servicio da Xunta de Galicia e da Administración local galega e interesados en xeral.
4. Desenvolvemento:
-Horario: mañá e tarde.
-Lugar e datas: as xornadas convocadas desenvolveranse no salón de actos da EGAP (polígono das Fontiñas, Rúa de Madrid, 2-4, Santiago de Compostela) os días 11 e 12 de maio de 2000.
5. Inscrición:
-Prazo: remata o martes, día 9 de maio de 2000.
-Tramitación de solicitudes: as solicitudes irán dirixidas ó director da Escola Galega de Administración Pública, Polígono das Fontiñas, rúa de Madrid, 2-4, 15707, Santiago de Compostela, segun
do o modelo que figura como anexo a esta convocatoria, e presentaranse no rexistro xeral da EGAP ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.
-Número de prazas: limitado á capacidade do local.
-Inscricións fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obte-la confirmación da súa posible admisión, chamando por teléfono, o día 10 de maio, de 10 a 14.45 horas, ós seguintes números: 981 54 62 39/44 ou 981 54 60 40.
6. Modificacións:
A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas, se o escaso número de solicitudes non xustificase a súa realización.
7. Certificación de asistencia:
Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.
Santiago de Compostela, 10 de abril de 2000.
Domingo Bello Janeiro
Director da Escola Galega de Administración Pública
