Na sesión plenaria do 17 de marzo de 2000 aprobouse definitivamente o estudio de detalle da unidade de execución sita en Mandín-Soñeiro, promovida por Promo Plutón, S.L.

Contra o acto de aprobación definitiva, que pon fin á vía administrativa, poderase interpoñer recurso potestativo de reposición perante a alcaldía do concello, no prazo dun mes contado desde o día seguinte ó da súa publicación no DOG. Alternativamente, o acto de aprobación definitiva poderá impugnarse directamente en vía xurisdiccional mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no DOG.

No suposto de que se interpoña recurso de reposición, non poderá interpoñerse recurso contencioso-administrativo mentres non se resolva expresa ou presuntamente o recurso de reposición interposto. En tal caso, o prazo pra interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que este deba entenderse presuntamente desestimado. No suposto de desestimación presunta do recurso de reposición, o prazo para interpoñe-lo recurso contencioso-administrativo é de seis meses.

Non obstante, poderse interpoñer calquera outro que se coide pertinente.

Sada, 20 de marzo de 2000.

O alcalde

Rubricado