O Consello da Xunta de Galicia, na súa reunión do día 27 de abril de 2000 adoptou, por proposta do conselleiro de Cultura, Comunicación Social e Turismo, o seguinte acordo:
Declarar festas de Galicia de interese turístico na provincia da Coruña, as Fogueiras de San Xoán na Coruña, a Festividade da Virxe de Guadalupe en Rianxo e o Gran Premio de Carrilanas de Esteiro, Muros, de conformidade co establecido no Decreto 203/1998, do 25 de xuño, polo que se regulan as declaracións de festas de Galicia de interese turístico.
En cumprimento do disposto no artigo 7 do devandito decreto, ordénase a publicación do acordo no Diario Oficial de Galicia e a notificación ás persoas ou entidades organizadoras das festas e ós concellos correspodentes.
Santiago de Compostela, 2 de maio de 2000.
Jesús Pérez Varela
Conselleiro de Cultura, Comunicación
Social e Turismo