A Lei orgánica 1/1990, do 3 de outubro, de ordenación xeral do sistema educativo, dispón no seu artigo 4 que lles corresponde ás administracións educativas competentes establece-los currículos dos ciclos formativos.

En aplicación do devandito artigo, de acordo coas atribucións recollidas no Estatuto de autonomía, no Real decreto 1763/1982, sobre traspaso de funcións e servicios da Administración do Estado á Comunidade Autónoma de Galicia en materia de educación e no Real decreto 676/1993, do 7 de maio, que establece as directrices xerais sobre os títulos de formación profesional e as súas ensinanzas mínimas, díctase o Decreto 239/1995, do 28 de xullo, polo que se establece a ordenación xeral das ensinanzas de formación profesional e as directrices sobre os seus títulos na Comunidade Autónoma de Galicia, determinando os aspectos que deben cumpri-los currículos dos diferentes ciclos formativos.

O Real decreto 543/1995, do 7 de abril, establece o título de técnico superior en documentación sanitaria e as súas correspondentes ensinanzas mínimas, en consonancia co devandito Real decreto 676/1993.

O Real decreto 1635/1995, do 6 de outubro, adscribe o profesorado dos corpos de profesores de ensino secundario e profesores técnicos de formación profesional ás especialidades propias da formación profesional específica.

O Real decreto 777/1998, do 30 de abril, polo que se desenvolven determinados aspectos da ordenación da formación profesional no ámbito do sistema educativo, completa a ordenación básica relativa a estas ensinanzas.

Seguindo os principios xerais que rexerán a actividade educativa, recollidos nos preceptos anteriores, o currículo dos ciclos formativos da formación profesional específica establécese de xeito que permita a adaptación da nova titulación ó eido profesional e de traballo na realidade socioeconómica galega e ás necesidades de cualificación do sector productivo da nosa economía, tendo en conta a marxe suficiente de autonomía pedagóxica que posibilite os centros adecua-la docencia ás características do alumnado e ó contorno sociocultural do centro.

Isto require o posterior desenvolvemento nas programacións elaboradas polo equipo docente do ciclo formativo que concrete a adaptación sinalada, tomando como referencia inmediata as capacidades profesionais que definen o perfil profesional do título. Estas permitirán realiza-lo rol do posto de traballo

en actividades específicas que producen resultados concretos, dirixi-las variacións que se dan na práctica do traballo e nos procesos productivos, actuar correctamente ante anomalías, dirixi-lo conxunto do traballo e acada-los obxectivos da organización, así como establecer prioridades e actuar en coordinación con outros departamentos.

O currículo que se establece no presente decreto desenvólvese tendo en conta os obxectivos xerais que fixan as capacidades que o alumnado debe acadar ó finaliza-lo ciclo formativo, e describen o conxunto de aptitudes que configura a cualificación profesional, así como os obxectivos dos distintos módulos profesionais, expresados neste decreto como capacidades terminais elementais, que definen en termos de resultados avaliables o comportamento, saber e comprender, que se require do alumnado para acada-los logros profesionais do perfil profesional.

Estas capacidades acádanse a partir duns contidos mínimos necesarios de tipo conceptual, procedemental e actitudinal, que proporcionarán o soporte de información e destreza precisos para desenvolver comportamentos profesionais, tanto no aspecto tecnolóxico como de valoración funcional e técnica. Estes contidos son igualmente importantes xa que todos eles levan a acada-las capacidades terminais elementais sinaladas en cada módulo. Preséntanse agrupados en bloques que non constitúen un temario nin son unidades compartimentadas que teñan por si mesmas sentido, a súa estructura responde a aquilo que deberá ter en conta o profesorado á hora de elabora-las programacións de aula e a orde na que se presentan non implica secuencia.

O proxecto integrado, que se inclúe neste ciclo formativo, permite comprender globalmente os aspectos sobresaíntes da competencia profesional característica do título que foron abordados noutros módulos profesionais. Ademais, integra ordenadamente distintos coñecementos sobre organización, características, condicións, tipoloxía, técnicas e procesos que se desenvolvan nas diferentes actividades productivas do sector ó que corresponda o título e, ó mesmo tempo, permite adquirir coñecementos, habilidades, destrezas e actitudes que favorecen o desenvolvemento daquelas capacidades relacionadas coa profesión que, sendo demandadas polo contorno productivo en que radica o centro, non puideron ser recollidas no resto dos módulos profesionais.

A inclusión do módulo de formación en centros de traballo (FCT) posibilita que o alumnado complete a competencia profesional acadada no centro educativo, mediante a realización dun conxunto de actividades productivas e/ou de servicios -contidosdo centro de traballo. Estas actividades de referencia poden ser modificadas ou substituídas por outras que, adaptándose mellor ó proceso productivo ou de servicios do centro de traballo, conduzan á adquisición das capacidades terminais deste módulo.

Os centros educativos disporán dun determinado número de horas que lles permitirán realiza-lo desenvolvemento curricular establecendo os obxectivos, contidos, criterios de avaliación, secuencia e metodoloxía que respondan ás características do alumnado e ás posibilidades de formación que ofrece o seu contorno.

Por todo isto, por proposta do conselleiro de Educación e Ordenación Universitaria, co informe do Consello Galego de Formación Profesional e do Consello Escolar de Galicia, e logo de deliberación do Consello da Xunta de Galicia na súa reunión do día vintesete de abril de dous mil,

DISPOÑO:

I. Título, perfil e currículo

Artigo 1º.-Identificación do título.

1. Este decreto establece o currículo que será de aplicación na Comunidade Autónoma galega para as ensinanzas de formación profesional relativa ó título de técnico superior en documentación sanitaria, regulado polo Real decreto 543/1995, do 7 de abril, polo que se aproban as ensinanzas mínimas.

2. A denominación, nivel de formación profesional e duración do ciclo formativo son as que se establecen no punto 1 do anexo deste decreto.

Artigo 2º.-Perfil profesiona.

A competencia xeral, capacidades profesionais, unidades de competencia, realizacións e criterios de realización, dominio profesional, así como a evolución da competencia e a posición no proceso productivo que definen o perfil profesional do título son as que se establecen no punto 2 do anexo deste decreto.

Artigo 3º.-Currículo do ciclo formativo.

O currículo do ciclo formativo é o que se establece no punto 3 do anexo deste decreto, sendo as capacidades terminais elementais os resultados avaliables de cada módulo.

II. Ordenación académica e impartición

Artigo 4º.-Admisión de alumnado.

Os criterios de prioridade na admisión de alumnado para acceder a este ciclo formativo en centros sostidos con fondos públicos son os que se expresan no punto 4.1 do anexo deste decreto.

Artigo 5º.-Profesorado.

1. As especialidades do profesorado con atribución docente nos módulos que compoñen este título son as que se expresan no punto 4.2.1 do anexo deste decreto.

2. As materias de bacharelato que poden ser impartidas polo profesorado das especialidades relacionadas no presente título, son as que se expresan no punto 4.2.2 do anexo deste decreto.

3. As titulacións declaradas equivalentes para efectos de docencia son as que se expresan no punto 4.2.3 do anexo deste decreto.

Artigo 6º.-Espacios e instalacións.

Os requisitos de espacios e instalacións que deben reuni-los centros educativos para a impartición do presente ciclo formativo son os que se determinan no punto 4.3 do anexo deste decreto.

Artigo 7º.-Validacións, correspondencias e acceso a estudios universitarios.

1. Os módulos susceptibles de validación por estudios de formación profesional ocupacional ou correspondencia coa práctica laboral son os que se especifican, respectivamente, nos puntos 4.4.1 e 4.4.2 do anexo deste decreto.

2. Sen prexuízo do anterior, por proposta dos ministerios de Educación e Cultura e de Traballo e Asuntos Sociais, poderanse incluír, de se-lo caso, outros módulos susceptibles de validación e correspondencia coa formación profesional ocupacional e a práctica laboral.

3. As persoas que cursen este ciclo formativo poderán unha vez que o superen acceder ós estudios universitarios que se indican no punto 4.4.3 do anexo deste decreto.

Artigo 8º.-Distribución horaria.

1. Os módulos profesionais deste ciclo formativo organizaranse segundo se establece no punto 4.5 do anexo deste decreto.

2. As horas de libre disposición que se inclúen neste punto serán utilizadas polos centros educativos para reforzar, nos módulos asociados a unidades de competencia, as capacidades de formación profesional de base ou de formación profesional específica, para lles dar resposta ás características dos alumnos, e ter en conta as necesidades de desenvolvemento económico, social e de recursos humanos do seu contorno socioproductivo.

Disposición adicional

Única.-A Consellería de Educación e Ordenación Universitaria poderá adecua-las ensinanzas deste ciclo formativo ás peculiares características da educación a distancia e da educación de persoas adultas, así como ás características dos alumnos con necesidades educativas especiais.

Disposicións derradeiras

Primeira.-Autorízase o conselleiro de Educación e Ordenación Universitaria para dictar cantas disposicións sexan precisas, no ámbito das súas competencias, para a execución e desenvolvemento do disposto no presente decreto.

Segunda.-O presente decreto entrará en vigor o día seguinte ó da súa publicación no Diario Oficial de Galicia.

Santiago de Compostela, vintesete de abril de dous mil.

Manuel Fraga Iribarne

Presidente

Celso Currás Fernández

Conselleiro de Educación e Ordenación Universitaria

ANEXO

1. Identificación do título.

-Denominación: documentación sanitaria.

-Nivel: formación profesional de grao superior.

-Duración: 1.400 horas.

2. Perfil profesional.

2.1. Competencia xeral:

Os requisitos xerais de cualificación profesional do sistema productivo para este técnico son:

* Definir e organizar procesos de tratamento da información e da documentación clínica, codificándoa e garantindo o cumprimento das normas da Administración sanitaria e dos sistemas de clasificación e codificación internacionais, baixo a supervisión correspondente.

2.2. Capacidades profesionais:

2.2.1. Capacidades técnicas:

* Organiza-la documentación clínica dunha unidade asistencial, aplica-la lexislación sanitaria referente á confidencialidade dos datos, desenvolver e aplica-lo plan de seguridade informática da unidade de documentación clínica e garanti-lo fluxo de información entre as distintas unidades ou servicios.

* Analiza-las necesidades de documentación clínica e tratamento da información das distintas unidades e definir, en función delas, a estructura dos documentos que satisfagan as ditas necesidades.

* Aplicar técnicas de avaliación e control de calidade dos sistemas de transmisión da información entre os distintos servicios ou unidades, asegurando e verificando a compatibilidade dos formatos adoptados cos dos servicios cos que se relaciona para optimiza-lo citado fluxo de información.

* Interpretar e codifica-los datos dos documentos clínicos, clasificando procedementos diagnósticos e terapéuticos específicos.

* Utilizar estatisticamente a información almacenada na base de datos.

* Valora-la interrelación das persoas coa saúde ou enfermidade e os seus aspectos preventivos, asistenciais e rehabilitadores.

2.2.2. Capacidades para afrontar continxencias:

* Responder ante as continxencias, formular solucións e resolve-los problemas xurdidos na realización do traballo.

2.2.3. Capacidades para a dirección de tarefas:

* Definir e/ou interpretar criterios, procesos e procedementos do sistema de arquivo.

* Posuír unha visión global e integrada do sistema sanitario nos seus aspectos organizativos, funcionais, sociais e administrativos.

* Posuír unha visión integrada do traballo que se vai realizar, adaptándose ás novas situacións xeradas como consecuencia de innovacións tecnolóxicas e organizativas introducidas na súa área laboral.

2.2.4. Capacidades para adaptarse ó medio:

* Participar na posta a punto de novas técnicas, en proxectos de investigación e en programas formativos, e propor medidas relacionadas coa eficiencia e seguridade.

* Colaborar cos membros do equipo de traballo no que estea integrado, asumindo as súas responsabilidades, cumprindo os obxectivos asignados e mantendo o fluxo de información adecuado.

2.3. Responsabilidade e autonomía nas situacións de traballo:

Este técnico está chamado a actuar baixo a supervisión xeral de técnicos e/ou profesionais de nivel superior ó seu, e sonlle requiridas as capacidades de autonomía en:

* Organización e xestión da unidade de documentación clínica.

* Determinación de procedementos de arquivo.

* Filmación, microfilmación e escaneo de documentos.

* Selección e extracción de datos non clínicos da documentación clínica.

* Selección e extracción de datos clínicos da documentación clínica.

* Determinación de operacións de codificación de documentación clínica.

* Mantemento preventivo e conservación dos equipos ó seu cargo.

2.4. Unidades de competencia:

1. Organizar/xestiona-los arquivos de documentación e historias clínicas.

2. Definir e/ou avalia-lo proceso de tratamento da información e a documentación clínica.

3. Identificar, extraer e codificar datos clínicos e non clínicos da documentación sanitaria.

4. Validar e explota-los datos do conxunto mínimo básico de datos (CMBD) mediante ferramentas estatísticas, epidemiolóxicas e de control de calidade.

2.5. Realizacións e dominios profesionais:

2.5.1. Unidade de competencia 1: organizar/xestiona-los arquivos de documentación e historias clínicas:

Nº	Realizacións	Criterios de realización

1.1.

Dilixencia-la localización, o préstamo e a devolución da historia clínica ás distintas unidades clínicas solicitantes, cumprindo as normas de uso do arquivo do centro.

* Verificouse que a solicitude de historia clínica foi realizada no modelo adecuado e co grao de formalización correcto para poder levar a efecto a súa localización. * Realizouse a localización da historia clínica a través do planing do arquivo, tendo en conta a súa numeración, pertenza ó activo-pasivo e identificación por cores ou calquera outro método de busca descrito no manual de procedementos ou na normativa do arquivo.

Nº	Realizacións	Criterios de realización

* Levouse a efecto o préstamo da historia, logo do rexistro de saída do número de historia, motivo e tipo de petición, unidade e persoa solicitante, comprobando que a historia corresponde plenamente coa solicitada.
* Realizouse a distribución da historia ás unidades solicitantes, trala súa colocación no medio de transporte utilizado en cada centro, seguindo as pautas de orde, tempo, lugar e forma fixadas na normativa do arquivo.
* Comprobouse que a devolución da historia ó arquivo polas unidades solicitantes se efectuou á hora e no lugar, orde e condicións de recepción fixadas polo arquivo na súa normativa; rexistrouse o movemento de entrada e verificouse a súa correspondencia coa solicitude previa.
* Comprobouse, tendo en conta a confidencialidade dos datos, que na historia recibida se atopan en perfecta orde e numeración tódolos documentos que inclúe, tal como recolle o manual de uso de historias clínicas do centro sanitario.
* Realizouse o depósito e colocación da historia no arquivo seguindo o mesmo planing e condicións sinaladas para a súa localización.
1.2.	Conseguir unha correcta distribución e optimización do espacio destinado ó almacenamento de historias clínicas.	* Extraéronse as historias clínicas sen movemento do rexistro de entradas e saídas, no prazo que cada centro coide oportuno (en xeral 5 anos), e/ou aqueloutras historias que cumpran os criterios fixados polo centro para seren asignadas ó pasivo (éxitus, pacientes doutras áreas e outros), remitíndoas ó pasivo nas condicións fixadas na normativa do arquivo, tendo en conta a lexislación vixente.
* A elaboración dun informe-proposta sobre a determinación da superficie do arquivo tivo en conta:
-O estudio de prospectiva da superficie que vai requiri-lo arquivo de historias clínicas, no prazo que o centro coide oportuno.
-O volume das historias.
-O método de arquivo.
-A cantidade de aperturas anuais de novas historias.
-A dispoñibilidade e o acceso á información.
-A optimización do espacio do arquivo.
-A confidencialidade dos datos.
-A lexislación vixente.
-As indicacións que se recollan na normativa do centro.
1.3.	Definir e establece-lo método de arquivo que optimice o tratamento da información e a utilización dos recursos, no marco dos obxectivos económicos asignados.	* Seleccionouse, en cada caso, o método de arquivo máis adecuado ó tipo de documento e ás necesidades de espacio do arquivo. * O método seleccionado responde ás dispoñibilidades de recursos materiais e á dotación económica asignada, tendo en conta as instruccións recibidas.
1.4.	Arquivar historias clínicas e documentos anexos, aplicando correctamente a técnica idónea para os distintos tipos de documentos.	* Seleccionouse a técnica de arquivo, escaneo, microfilmación e outras tecnoloxías, tendo en conta as indicacións de utilización de cada método. * Aplicouse a técnica seleccionada manexando correctamente os distintos equipos e avaliando a calidade do rexistro resultante.
1.5.	Controlar e avalia-lo arquivo e o almacenamento das historias clínicas para unha correcta conservación, fiabilidade, validez e manexabilidade dos datos.	* Cumpríronse tódalas condicións de seguridade contra incendios, prevención de afundimentos, iluminación, humidade e ventilación fixadas na normativa de uso do arquivo e conservación de historias clínicas. * Aplicouse o plan de seguridade informática para garanti-la seguridade dos datos almacenados, instaurando medidas que eviten a alteración, perda ou anulación dos datos e o seu tratamento ou acceso non autorizado, tendo en conta:
-O estado da tecnoloxía.
-A natureza dos datos almacenados.
-Os riscos ós que están expostos, ben proveñan da acción humana ou ben do medio natural. * Realizáronse mostraxes periódicas de localización de historias clínicas para detectar erros de colocación e avalia-la xestión do arquivo.
* Supervisouse o inventario, as existencias e o control de entradas e saídas para avalia-lo grao de correspondencia co estado actual do arquivo.
* Realizouse a depuración da base de datos extraendo as historias que se atoparon duplicadas, e reclamáronselles ás unidades peticionarias aquelas historias que non foran devoltas no prazo máximo prefixado polo arquivo para o uso das historias clínicas.
* Avaliáronse os custos da xestión do arquivo e propuxéronse solucións viables para abarata-los custos.

Dominio profesional

-Medios de producción:

Área de arquivo.

-Tratamento da información:

Ordenadores. Software aplicado e bases de datos. Sistemas e soportes de rexistro manual e informático (disco óptico, magnético, disquetes, arquivadores, ficha microfilme). Sistemas de microfilmación e escaneo de documentación.

-Resultados e/ou productos obtidos:

Métodos de arquivo establecidos. Superficie de arquivo avaliada. Custo da xestión do arquivo avaliado. Arquivo ordenado, actualizado e controlado.

-Procesos, métodos e procedementos:

Procedementos de clasificación e actualización. Técnicas de arquivo. Técnicas de control de documentación. Técnicas de microfilmación e escaneo.

-Información:

Sistemas adaptados de fluxo de documentación. Sistemas adaptados de sistemas de arquivo. Requisitos legais de conservación de documentación. Plan de seguridade informática. Sistemas de clasificación.

-Persoal e/ou organización destinataria:

Responsable da unidade de arquivo ou de documentación clínica. Unidade administrativa dos distintos servicios clínicos. Persoal administrativo da unidade.

2.5.2. Unidade de competencia 2: definir e/ou avalia-lo proceso de tratamento da información e a documentación clínica:

Nº	Realizacións	Criterios de realización

2.1.	Normaliza-la documentación clínica xeral do centro sanitario, para a súa correcta homoxeneización, cumprindo a normativa establecida polo centro ou empresa sanitaria.	* Realizouse a recompilación da modelaxe clínica-sanitaria do centro, tendo en conta:-A súa vixencia e actualización.-O grao de utilización de cada documento.-O cumprimento da lexislación vixente. * Estúdianse e valóranse as propostas de novos documentos solicitados polas distintas comisións sanitarias, aplicando a normativa existente e as instruccións emitidas polo responsable de documentación clínica.
2.2	Defini-la documentación clínica necesaria para cumpri-los obxectivos operativos que se desprenden da súa utilización.	* Definiuse un novo documento ou modificouse o antigo, na forma, tipo, receptor e outras características sinaladas nos protocolos de deseño, no manual de estilo e no manual de procedementos do centro.
* A documentación clínica elaborada resolve as necesidades presentadas polos distintos servicios e unidades do centro e está axustada ás indicacións do responsable de documentación clínica.
2.3.	Validar, tratar e avalia-la nova documentación clínica para coñecer se cumpre o obxectivo que motivou o seu deseño.	* Avaliouse o grao de satisfacción na elaboración do novo documento deseñado, tras un período de posta en marcha do documento, mediante a remisión dunha enquisa ou cuestionario elaborado previamente e o estudio das respostas dadas a el.
* Tabulouse a porcentaxe de formalización dos distintos items, e foron expostas as posibles modificacións.
* Corrixíronse tódolos parámetros que pola súa forma, tipo de deseño, datos, tamaño ou outro factor requiran cambios.
2.4.	Intervir no proceso de tratamento da información.	* Determínase o fluxo de información entre as distintas unidades administrativas, unidades clínicas e servicios xerais de diagnóstico e tratamento.
* Determínase a utilidade dos distintos documentos, en virtude do itinerario previsto e do tipo e características dos datos que hai que transmitir.

Nº	Realizacións	Criterios de realización

* Propóñense as medidas correctivas nos circuítos, procedementos ou documentos que optimicen o fluxo ou tratamento da información.

Dominio profesional

-Medios de producción e/ou tratamento da información:

Ordenador. Programas informáticos de deseño gráfico. Documentación clínica.

-Resultados e/ou productos obtidos:

Fluxo de información analizado. Procesos de tratamento da información definidos. Documentación clínica definida e normalizada. Novos modelos de documentación adaptada ós obxectivos.

-Procesos, métodos e procedementos:

Técnicas de deseño de documentación.

-Información:

Necesidades de documentación clínica das distintas unidades. Organigrama hospitalario.

-Persoal e/ou organización destinataria:

Responsable da unidade de documentación clínica. Comisión de historias clínicas. Unidades clínicas. Unidades administrativas.

2.5.3. Unidade de competencia 3: identificar, extraer e codificar datos clínicos e non clínicos da documentación sanitaria:

Nº	Realizacións	Criterios de realización

3.1.	Codifica-las variables non-clínicas do CMBD e as engadidas polo centro, seguindo o manual de procedemento do codificador establecido nese centro.	* Obtívose a listaxe de historias pendentes de codificación, comparando a base de datos do arquivo e a de informatización da codificación, de acordo co manual de procedementos. * Solicitáronselles ás distintas unidades as historias clínicas pendentes de codificación, de acordo coas normas de arquivo e de uso da historia clínica.
* Verificouse que se atopan no informe clínico de alta e historia clínica tódalas variables mínimas que deben ser extraídas da historia clínica.
* As variables mínimas extraídas da historia clínica, como datos básicos do paciente, son as consideradas adecuadas segundo a normativa vixente.
* Incorporáronse aquelas variables que, segundo o criterio do centro, se solicitaron para mellora-los sistemas de información asistenciais e/ou as que quedan reflectidas como variables aconsellables nas normativas actuais.
* Comprobouse a veracidade e grao de especificidade dos datos que constan no informe clínico de alta e/ou historia clínica, particularmente os datos clínicos.
* Definiuse e conseguiuse a información complementaria necesaria para que se poida realiza-la codificación dos datos.
* Codificáronse as variables non clínicas do CMBD mediante díxitos específicos asignados, de acordo coas definicións e normativas recollidas no manual de procedemento do codificador.
* Codificáronse outras variables non clínicas que recolla o manual do centro, na forma e contía que se especifica nel.
* Tódolos datos non clínicos do CMBD foron introducidos no programa informático de base de datos, destinado a este fin, na forma, modo, tempo e lugar que se recolle na normativa.
3.2.	Identifica-lo diagnóstico principal, de acordo co CMBD, mediante a revisión da documentación clínica e axustándose á normativa vixente.	* Revisouse o informe de alta e o resto da documentación da historia clínica, se for preciso, obténdose os diagnósticos asignados polo médico. * Identificouse o diagnóstico principal, entre os diagnósticos asignados, comprobándose que o seleccionado é aquel que, unha vez estudiado o paciente, orixinou o ingreso.

Nº	Realizacións	Criterios de realización

3.3.	Identificar outros diagnósticos de acordo coas normas do CMBD e coa lexislación vixente.	* Comprobouse que os diagnósticos identificados corresponden a procesos patolóxicos, que non son o diagnóstico principal e que coexisten con el no momento do ingreso, ou que se desenvolven ó longo da estadía hospitalaria ou que conflúen na súa duración ou no tratamento administrado.
* Foron excluídos os diagnósticos relacionados cun episodio anterior e que non teñen relación co que ocasionou a actual estandía hospitalaria nin inflúen na súa evolución ou incrementan os recursos necesarios.
3.4.	Identifica-los procedementos diagnósticos aplicados no estudio do paciente ou cliente.	* Foron identificados e extraídos da historia clínica tódolos datos sobre exploracións complementarias realizadas ó paciente para determina-lo seu diagnóstico.
* Comprobáronse as probas ou exploracións complementarias que teñen relación directa co proceso actual, por servir para chegar a el ou para descartar outros posibles diagnósticos.
3.5.	Identifica-los procedementos cirúrxicos ós que se someteu o paciente ou cliente durante a súa estadía no hospital.	* Foron identificados e extraídos os datos sobre intervencións cirúrxicas realizadas ó paciente, identificando a vía de acceso, a operación realizada, a toma de biopsias e o peche da vía. * Identificáronse tódalas complicacións xurdidas no preoperatorio ou postoperatorio, valorando a súa relación coa intervención.
* A asistencia a parto normal foi codificada como parto atendido manual, seguido do código de episiotomía, se a houbese.
3.6.	Identifica-los procedementos obstétricos aplicados para o estudio ou tratamento da paciente ou cliente nas distintas consultas e/ou durante a súa estadía no centro hospitalario.	* Analizáronse tódalas incidencias indicadas na historia clínica acaecidas durante o embarazo, o parto e o posparto, descartando todas aquelas que non sexan de interese para a codificación. * Extraéronse tódalas incidencias obstétricas ocorridas á paciente: embarazos, partos, abortos e complicacións obstétricas.
3.7.	Identifica-los procedementos terapéuticos, non cirúrxicos, empregados no tratamento e/ou rehabilitación do paciente ou cliente.	* Foron extraídos e seleccionados da historia clínica os procedementos terapéuticos non cirúrxicos (radioterapia, electroterapia, ultrasonoterapia, rehabilitación, quimioterapia).
3.8.	Defini-las necesidades de datos que completen a historia clínica para o proceso de codificación.	* Determínanse os datos necesarios para codifica-las variables clínicas do CMBD e asegúrase a súa recompilación, utilizando as canles apropiadas de fluxo de información.
3.9.	Codificar diagnósticos (principal e outros) e procedementos diagnósticos, obstétricos e cirúrxicos, segundo o sistema de Clasificación Internacional de Enfermidades-Modificación Clínica na súa última revisión dispoñible.	* Identificouse en cada diagnóstico o elemento clave que permite a súa codificación (patoloxía, adxectivo, nome da enfermidade, epónimo ou causa de ingreso) e localizouse posteriormente no índice alfabético. * Identificáronse en cada diagnóstico, seguindo as instruccións da orde alfabética en canto a referencias cruzadas, notas e códigos secundarios, os termos modificadores do termo principal: non esenciais e esenciais (lugar anatómico, etioloxía, tipo clínico e termos que se encontran en orde alfabética baixo o termo principal).
* Clasificouse a enfermidade segundo o capítulo, sección, categoría, subcategoría e subclasificación da lista tabular, asignando o(s) código(s) que mellor representan ou mellor describen a expresión diagnóstica clasificada, de acordo coa clasificación de enfermidades e lesións.
3.10.	Identifica-los efectos adversos producidos por drogas, así como o tipo de droga, diferenciando entre reacción adversa e intoxicación.	* Diferenciouse previamente se se trata dunha reacción adversa ou dunha intoxicación, así como a circunstancia en que se produciu:-Accidente.-Homicidio.-Intento de suicidio.-Uso terapéutico.-Indeterminado.
* Se se trata dunha intoxicación, localizouse na táboa de drogas o código correspondente ó envelenamento e o código «E» que identifica a droga e a circunstancia en que se produciu a intoxicación. A manifestación da intoxicación foi codificada como diagnóstico secundario.
* De se tratar dunha reacción adversa, localizouse en primeiro termo o código que identifica a súa manifestación, que será o principal. Posteriormente localizouse o código «E», que identifica o fármaco causante da reacción, na columna de uso terapéutico da táboa de drogas.
3.11.	Clasificar neoplasmas segundo as normas da CIE-MC e o seu tipo histolóxico.	* Localizouse o termo histolóxico (principal) na CIE-MC, onde están clasificadas as neoplasmas por sistema, órgano ou lugar anatómico, excepto algunhas neoplasmas que están clasificadas segundo o tecido de orixe (tumores linfáticos, hematopoéticos, melanomas, lipomas e outros tumores de óso, útero e ovario) e anotouse o código correspondente.

Nº	Realizacións	Criterios de realización

* Localizouse o termo esencial que describe o lugar anatómico da neoplasma e anotouse o código correspondente. * Os códigos asignados especifican o lugar de orixe (primaria, secundaria), a conducta (maligna, benigna, outras) e o tipo histolóxico da neoplasma codificada.
3.12.	Codificar procedementos obstétricos, enfermidades previas ou relacionadas co embarazo e posibles complicacións obstétricas.	* Identificouse o episodio de coidado en que se atopa a paciente, asignándolle o 5º díxito. * Codificáronse tódalas enfermidades, previas ou adquiridas durante o embarazo, que complicaron ou agravaron o seu proceso.
* As complicacións derivadas do aborto foron codificadas, tendo en conta se se produciron dentro do mesmo ingreso ou se a complicación deu lugar a un novo ingreso.
3.13.	Codifica-la SIDA e tódalas súas manifestacións, identificando o estadio da enfermidade segundo a terminoloxía do clínico.	* Na codificación da SIDA, nas súas manifestacións e no seu estadio clínico, utilizouse a clasificación múltiple. * Localizáronse tódalas manifestacións da enfermidade, ademais de revisarse a historia clínica para analizar se estas son debidas á infección por VIH ou se simplemente están asociadas a ela.
* Seleccionouse o código correcto que identifique a infección por VIH, en función da relación entre as manifestacións e a infección e dependendo das manifestacións que o paciente sufrira en ingresos previos.
3.14.	Clasificar e codificar procedementos diagnósticos e terapéuticos específicos.	* Codificáronse as vías de acceso e peche nun procedemento cirúrxico soamente nos casos en que a cirurxía non incluíra a vía ou o peche habitualmente utilizados.
* Codificouse a endoscopia como código secundario, cando o procedemento se realizou mediante ela e a expresión diagnóstica da clasificación de procedementos non a inclúe. A endoscopia refírese á última estructura alcanzada, no caso de que pasara por varias estructuras.
* As biopsias realizadas por endoscopia, as percutáneas sen incisión e as biopsias por cepillada deberán ser codificadas como pechadas.
* Codificaranse como biopsias abertas soamente as realizadas con propósito diagnóstico, así como as intraoperatorias.
* Clasifícanse e codifícanse como procedementos diagnósticos e terapéuticos misceláneos os seguintes:-Radioloxía.
-Avaliacións e probas.
-Entrevistas e consultas.
-Radioterapia.
-Extraccións.
-Exames microscópicos.
* Clasificáronse os exames microscópicos por lugar anatómico e asignóuselles un quinto díxito que indicará o tipo de exame (frotis bacteriano, cultivo, cultivo e sensibilización, parasitoloxía, toxicoloxía, bloque celular e frotis de Papanicolau, outros exames microscópicos).
* Os procedementos previstos e non realizados foron clasificados no diagnóstico coa categoría V64, como código secundario.
* Os procedementos incompletos foron codificados seguindo as seguintes normas:-Se só se fixo incisión, esta codificarase segundo o sitio.
-Se non se cumpriu o fin esperado do procedemento, codificarase como realizado.
-Se se accedeu á cavidade, codificarase como exploración por sitio.

Dominio profesional

-Tratamento da información:

Ordenador. Programas informáticos. Historias clínicas. Informes de alta. Certificados de defunción. Soporte papel ou soporte informático. Bases de datos. Ficha de codificación.

-Resultados e/ou productos obtidos:

Datos clínicos e non clínicos do CMBD identificados e codificados.

-Procesos, métodos e procedementos:

Procedemento de codificación de datos non clínicos do CMBD. Normativa de codificación da Administración sanitaria. Procedementos diagnósticos. Procedementos terapéuticos non cirúrxicos. Procedementos obstétricos. Procedementos cirúrxicos. Procedementos de codificación.

-Información:

CIE-MC. CMBD. DSM. Manual de codificación do CMBD. Procedementos cirúrxicos. Procedementos obstétricos. Procedementos diagnósticos específicos (análises clínicas, exames citolóxicos e anatomopatolóxicos, protocolos radiolóxicos e ecográficos). Procedementos de tratamento médico. Informes de probas diagnósticas: análises clínicas, radiografías, mamografías, TAC, R.M.N., ecografías, estudios citolóxicos ou anatomopatolóxicos de frotis e biopsias, E.C.G., Doppler, probas de función cardiorrespiratoria, E.M.G. e probas de función muscular, E.E.G. e probas de función neurolóxica, estudios oftalmoscópicos, estudios audimétricos, probas de sensibilidade alérxica por contacto ou por intradermorreacción (proba de Mantoux).

-Persoal e/ou organización destinataria:

Responsable da unidade de documentación clínica.

2.5.4. Unidade de competencia 4: validar e explota-los datos do conxunto mínimo básico de datos (CMBD) mediante ferramentas estatísticas, epidemiolóxicas e de control de calidade:

Nº	Realizacións	Criterios de realización

4.1.	Determina-las condicións de realización do control de calidade da base de datos.	* Realízase o control de calidade dos datos antes de proceder á explotación da base de datos. * A metodoloxía seleccionada para a avaliación e auditoría correspóndese coas directrices marcadas polo responsable da unidade de documentación e toma en conta as recomendacións emitidas polo comité de dirección do CMBD.
* Ó levar a cabo a auditoría procédese sistematicamente e en tempo definido.
4.2.	Seleccionar unha mostra representativa da base de datos que hai que validar.	* Determínase o número de historias clínicas que hai que revisar en función do tamaño da base de datos, asignándolle un número a cada historia clínica e seleccionando as historias clínicas utilizando unha táboa de números aleatorios.
* Extráese da base de datos unha mostra, cada certo tempo, para comparar esta información coa existente na historia clínica.
4.3.	Recodifica-las historias clínicas extraídas da base de datos.	* Recodifícanse as historias clínicas extraídas da base de datos por unha persoa diferente á que realizou a primeira codificación, se é posible.
* Extráense da base os datos contidos correspondentes ás historias clínicas da mostra seleccionada.
4.4.	Compara-los datos existentes na base de datos cos obtidos na nova codificación.	* Compárase a codificación resultante da revisión coa inicialmente asignada; detéctanse as discrepancias existentes, tanto nos datos clínicos como nos non-clínicos, e revísanse estas determinando e/ou localizando o erro.
* Determínase se os erros na codificación dos datos clínicos se produciron no diagnóstico principal ou nos secundarios, se son de omisión de diagnóstico ou de codificación. En tal caso especifícase se o erro está localizado a nivel de categoría, subcategoría ou de subclasificación.
* Utilízanse programas de validación da información do CMBD e, conforme esa información, realízanse os cambios oportunos na base de datos, realizándose a avaliación de tódolos datos antes de envia-la información ós servicios centrais.

Nº	Realizacións	Criterios de realización

4.5.	Xera-la información máis adecuada que se adapte ás necesidades do centro sanitario, dende o punto de vista da planificación, da xestión ou da clínica.	* Tómase en consideración a información demandada polos xestores e clínicos e as instruccións marcadas polo responsable da unidade, á hora de xera-la explotación. * Determínanse as necesidades e demandas dos usuarios do sistema a través de consultas, enquisas ou reunións.
* Tómase en conta a información utilizada noutros centros e a recomendada polos organismos centrais.

Dominio profesional

-Tratamento da información:

Ordenador. Bases de datos. Soportes de rexistro manuais ou soportes informáticos. Programas de validación do CMBD. Paquetes estatísticos.

-Resultados e/ou productos obtidos:

Control de calidade da base de datos. Explotación da base de datos.

-Procesos, métodos e procedementos:

Métodos estatísticos. Procedementos de control de calidade da información da base de datos.

-Información:

Bases de datos. Historias clínicas. Recomendacións do comité de dirección do CMBD. Demandas de información da base de datos.

-Persoal e/ou organización destinataria:

Xefe da unidade de documentación clínica.

2.6. Evolución da competencia profesional:

2.6.1. Cambios nos factores tecnolóxicos, organizativos e económicos:

Para optimiza-la xestión de recursos en sanidade, é necesario coñecer en todo momento en qué e cómo se utilizan eses recursos. Isto fai necesario o control dos procesos e procedementos sanitarios, que se fundamenta na información sobre os pacientes, as súas necesidades de atención sanitaria, a frecuentación hospitalaria, as estadías hospitalarias por proceso e outros índices sanitarios que se poden determinar analizando e avaliando as prestacións sanitarias efectuadas. A codificación das historias clínicas permite coñece-lo número e calidade da asistencia prestada e deduci-los gastos reais que xera, polo que se prevén cambios organizativos orientados a cubrir esta parcela de actividade.

A implantación da codificación non se trata dun acontecemento temporal, senón dunha actividade que progresivamente se irá ampliando a outras áreas de saúde, producíndose un incremento do persoal cualificado para levala a cabo.

2.6.2. Cambios nas actividades profesionais:

A necesidade crecente de coñece-lo custo real das prestacións sanitarias está fomentando a implantación da codificación do conxunto mínimo básico de datos (CMBD) por parte da rede sanitaria, pública e privada, do país. A realización do CMBD leva consigo a codificación das historias clínicas, non só no que respecta ós seus datos administrativos, senón tamén ós clínicos.

Será necesario que a información almacenada nas bases de datos sexa validada, explotada e utilizada, xerando as listaxes e a información demandada, tanto pola Administración sanitaria como pola xerencia e as unidades clínicas do centro sanitario.

As actividades de codificación veranse afectadas polas sucesivas revisións da clasificación internacional de enfermidades e lesións, sendo necesaria a adaptación continua destes técnicos.

2.6.3. Cambios na formación:

Faise necesario un maior grao de formación en:

* Técnicas de arquivo, filmación e microfilmación de documentos, que permita reduci-los espacios destinados á conservación de documentación clínica e unha maior funcionalidade na xestión dos arquivos.

* Informática. Utilización de bases informáticas, deseño de documentos por ordenador.

* Clasificación e codificación de diagnósticos e procedementos.

Ó non existir ata a data estudios orientados a cubrir esta importante área de actividade, os hospitais tiveron que recorrer ó persoal que, con menos horas de formación, puidera asumir esta función, tratándose na maioría dos casos de diplomados en enfermería que, ó posuíren unha formación sanitaria previa, requiriron soamente formación específica en codificación.

A aparición do novo técnico superior de documentación sanitaria invirte o peso relativo dos aspectos formativos antes citados e optimiza e orienta a súa combinación adaptando a formación á competencia requirida no emprego.

2.7. Posición no proceso productivo:

2.7.1. Contorno profesional e de traballo:

Este profesional poderá exerce-la súa actividade profesional no sector sanitario, na área de atención sanitaria e promoción da saúde, en atención especializada e en saúde pública.

Os principais subsectores nos que pode desenvolve-la súa actividade son os seguintes.

* Atención primaria e comunitaria: arquivo de historias clínicas.

* Atención especializada: servicio de admisión e arquivo de historias clínicas.

* Saúde pública: área de avaliación e control de calidade e epidemioloxía.

O técnico en documentación sanitaria depende xerarquicamente do facultativo responsable da unidade de documentación clínica ou arquivo de historias clínicas.

2.7.2. Contorno funcional e tecnolóxico:

O técnico en documentación sanitaria sitúase nas funcións/subfuncións de organización e xestión da unidade de traballo, prestación de servicios e control de calidade.

As técnicas e coñecementos tecnolóxicos abranguen:

* Organización e xestión de recursos da súa área de traballo.

* Técnicas de deseño de documentación por ordenador.

* Técnicas de filmación, microfilmación e escaneo de documentación.

* Técnicas de arquivo. Procedementos de clasificación e actualización da información.

* Coñecementos de anatomía, fisioloxía e patoloxía humana.

* Coñecemento sobre procedementos de clasificación de enfermidades.

* Coñecemento de procedementos diagnósticos e terapéuticos non cirúrxicos.

* Coñecemento de procedementos cirúrxicos e obstétricos.

* Técnica e procedemento de codificación.

* Coñecementos de informática e manexo de bases informáticas.

* Coñecementos de epidemioloxía e estatística aplicada á saúde.

* Lexislación sanitaria.

* Coñecemento das relacións funcionais e dos circuítos de proceso da información sanitaria.

2.7.3. Ocupacións, postos de traballo tipo máis relevantes:

A título de exemplo e especialmente con fins de orientación profesional, enumérase a continuación un conxunto de ocupacións ou postos de traballo que poderían ser desempeñados adquirindo a competencia profesional definida no perfil do título:

* Técnico de documentación sanitaria.

* Técnico de codificación.

* Unidades de documentación clínica.

* Arquivo de historias clínicas.

* Avaliación e control de calidade da prestación sanitaria.

3. Currículo.

3.1. Obxectivos xerais do ciclo formativo:

* Utiliza-los paquetes informáticos de carácter xeral, adaptándoos á organización, xestión e tratamento da información clínica e administrativa dun centro sanitario.

* Analiza-la estructura orgánica e funcional dos centros, servicios ou unidades do sector sanitario e a normativa vixente relativa a temas de seguridade, hixiene e documentación clínico-administrativa.

* Analiza-las características dun arquivo de documentación clínica e o seu proceso de xestión, aplicando programas de calidade da xestión de arquivos que permitan unha optimización dos recursos documentais dun centro sanitario.

* Avalia-lo proceso de tratamento da información e as necesidades documentais dun centro sanitario, definindo documentos que resolvan adecuadamente as ditas necesidades.

* Analiza-la documentación clínica, realizando a súa selección, extracción e codificación de datos clínicos.

* Analiza-las bases de datos e programas de calidade aplicados, co fin de realiza-la súa explotación e control de calidade.

* Analizar e utilizar sistemas operativos e programas informáticos de proceso de textos, follas de cálculo e de aplicacións gráficas para optimiza-la xestión e a explotación da información.

* Comprende-lo marco legal, económico e organizativo que regula e condiciona a actividade profesional, identificando os dereitos e obrigas que se derivan das reaccións no contorno de traballo, así como os mecanismos de inserción laboral.

* Seleccionar e valorar criticamente as diversas fontes de información relacionadas coa súa profesión, que lle permitan o desenvolvemento da súa capacidade de autoaprendizaxe e posibiliten a evolución e adaptación da súas capacidades profesionais ós cambios tecnolóxicos e organizativos do sector.

3.2. Módulos profesionais asociados a unha unidade de competencia:

3.2.1. Módulo profesional 1: organización de arquivos clínicos:

Asociado á unidade de competencia 1: organizar/xestiona-los arquivos de documentación e historias clínicas.

Capacidades terminais elementais

* Describir e interpreta-los organigramas dos centros tipo de atención primaria e atención especializada seguindo a lexislación e normativas vixentes referentes ó Sistema Galego de Saúde, e extrapolándoo ós diferentes sistemas de saúde do Estado español.

* Diferencia-los procesos de organización e xestión das unidades de documentación e historias clínicas e os protocolos de procedementos no arquivo, partindo de aplicacións existentes.

* Compara-la metodoloxía de arquivo de documentación sanitaria cos obxectivos e condicións de arquivo para optimiza-lo funcionamento da unidade e o fluxo correcto de información.

* Escolle-lo método de arquivo e os sistemas de clasificación, en función das posibilidades de espacio, das características do equipo de arquivo e das actividades dos distintos centros tipo de atención primaria e atención especializada.

* Distingui-los diferentes métodos de clasificación en función da numeración, do código de cores, da pertenza a activo/pasivo ou de calquera outro método estructurado de busca.

* Rexistrar dun xeito rigoroso os movementos de saída, diferenciándoos segundo o motivo da petición, a unidade de destino e a persoa solicitante, trala comprobación da correcta formalización da solicitude.

* Determina-lo sistema de distribución das historias clínicas seguindo criterios de orde, tempo, lugar e forma das diferentes normativas.

* Rexistra-los movementos de entrada das historias clínicas devoltas ás diferentes unidades e servicios, cotexando a correspondencia coas solicitudes previas.

* Detecta-lo cumprimento da numeración e ordenación de tódolos documentos que compoñen a historia clínica, seguindo os protocolos establecidos.

* Clasificar con rigor as historias clínicas, en función dos tipos de documentos e as dispoñibilidades de espacio, empregando o sistema secuencial, díxito-terminal ou outros.

* Controlar en todo momento a situación das historias clínicas empregando os sistemas fixados pola normativa do arquivo e a normativa legal vixente.

* Realizar estudios prospectivos da superficie necesaria de almacén en función das distintas variables, para planifica-las necesidades futuras de espacio en función dos estudios prospectivos feitos.

* Distribuí-las historias clínicas no espacio previsto de almacén, depurando erros na localización, duplicidade e arquivo de historias clínicas, dun xeito periódico, rigoroso e preciso.

* Comproba-lo cumprimento das normas de eliminacións, humidade e ventilación, e de seguridade contra incendios, seguindo a normativa legal vixente.

* Describi-los programas de calidade de uso común no traballo con arquivos clínicos.

* Comproba-los procedementos do plan de seguridade informática para garanti-la seguridade e confidencialidade dos datos almacenados.

* Aplicar normas de seguridade para evitar alteracións, perdas ou anulación de datos, e para impedi-lo acceso non autorizado.

* Realiza-lo inventario, control de existencias e control de entradas e saídas das historias clínicas, avaliando o grao de correspondencia co estado actual do arquivo.

* Controla-las historias clínicas que non foron devoltas no prazo máximo prefixado pola normativa do arquivo.

Contidos (duración 130 horas)

Contidos procedementais

Organización e xestión de arquivos clínicos:

* Identificación das características físicas do arquivo.

* Avaliación do método de arquivo.

* Verificación da dispoñibilidade e acceso á información.

* Control de entradas e saídas das historias clínicas.

Estimación das necesidades de espacio nun arquivo clínico:

* Interpretación das características do arquivo.

* Interpretación da normativa legal e do sistema de arquivo propio do centro ou unidade.

* Supervisión de inventario e existencias do arquivo.

* Determinación do crecemento de historias clínicas nun período de tempo determinado.

* Identificación dos diferentes métodos de arquivo, as súas indicacións e o espacio necesario.

* Selección do tipo de arquivo en función do documento que se empregue.

* Elaboración dun planning do arquivo.

Técnicas de arquivo:

* Selección e aplicación das técnicas de arquivo.

* Aplicación dos métodos de clasificación das historias clínicas:

-Identificación das historias clínicas para clasificar.

-Identificación do procedemento de tratamento da información.

-Determinación do tipo de documento e realización do método de clasificación protocolizado.

-Rexistro do método de clasificación seleccionado.

* Localización da historia clínica:

-Interpretación dos ítems da solicitude. Identificación da súa numeración.

-Determinación da pertenza ó activo ou pasivo.

-Determinación do método de busca segundo o manual de procedementos.

-Determinación do seu lugar a través do planning do arquivo.

* Préstamos de historias clínicas:

-Comprobación dos ítems da solicitude de historia clínica e o seu grao de cumprimento.

-Localización da historia clínica solicitada, a través do planning do arquivo.

-Comprobación da correspondencia entre historia solicitada e historia entregada.

-Formalización dos diferentes ítems protocolizados no rexistro de saídas.

-Envío, se procede, da historia solicitada, seguindo os protocolos establecidos.

* Devolución das historias clínicas:

-Verificación da correspondencia da historia clínica devolta coa solicitude de préstamo efectuada.

-Comprobación do cumprimento das condicións de hora, lugar, orde e condicións fixadas para a súa devolución.

-Revisión do estado e orde dos datos e documentos.

-Rexistro do movemento de entrada.

-Depósito e colocación da historia no arquivo.

Programas de calidade nos arquivos clínicos:

* Realización de mostraxes periódicas de localización de historias clínicas.

* Detección de erros na colocación de historias clínicas.

* Realización de protocolos de control de inventarios.

* Detección de historias clínicas duplicadas.

* Control de entradas e saídas das historias clínicas.

* Detección de historias clínicas non devoltas no prazo estipulado.

* Avaliación do grao de correspondencia do ficheiro co estado actual do arquivo.

* Rexistro dos datos obtidos.

* Determinación do fluxo de información no arquivo.

* Elaboración dun informe-proposta de optimización do arquivo.

Seguridade de arquivos clínicos. Normativa vixente:

* Identificación e aplicación das medidas que eviten o tratamento ou acceso non autorizado ós datos.

* Identificación e aplicación das medidas encamiñadas a evita-la perda ou alteración de datos almacenados.

* Comprobación da aplicación das medidas de seguridade e do cumprimento das condicións de seguridade ambiental.

* Execución das copias de seguridade.

Contidos conceptuais

Organización sanitaria: organigramas sanitarios:

* Estructura do sistema sanitario galego: principais aspectos de similitude e diferencia co sistema sanitario español:

-Lei xeral de sanidade.

-Plan de saúde de Galicia: mapa sanitario galego.

-O Servicio Galego de Saúde.

-A atención primaria en Galicia: contidos, actividades e elementos diferenciais.

-O equipo de atención primaria: funcións, actividades e organización.

-Organización das consultas de atención primaria. Historias clínicas e o seu rexistro.

-A atención especializada: contidos, actividades e elementos diferenciais.

-Rede de hospitais do sistema público e privado. Normativa e lexislación.

* Organigramas.

* A tarxeta sanitaria: definición e características.

Organización e xestión dos arquivos clínicos.

* Concepto de arquivo. Tipos e características.

* Funcións dos arquivos.

* Normas básicas dun arquivo.

* Ficheiros índices: de pacientes, de numeración,...

* Fichas de movementos.

* Modelos de clasificación e sistemas de numeración:

-Alfabético: definición, características e pautas de aplicación.

-Numérico: definición, características e aplicacións.

-Secuencial: definición, características e aplicacións.

-Díxito-terminal: definición, características e aplicacións.

-Por data de nacemento: definición, características e aplicacións.

-Outros.

* Xestión do arquivo de historias clínicas: solicitudes, localización, préstamo, distribución e arquivo das historias.

* As bases de datos: definición, tipos, características e pautas de aplicación.

* Conservación dos arquivos clínicos: normativa vixente e normas de confidencialidade.

Estimación das necesidades de espacio nun arquivo clínico:

* Tipos de criterios que condicionan as necesidades de espacio.

* Criterios físicos das historias: soporte empregado, tipos de documentos, etc ...

* Criterios de espacio de almacenamento.

* Criterios de evolución no tempo do volume para almacenar.

Técnicas de arquivo:

* Principais técnicas de arquivo.

* Sistemas de miniaturización.

* Micro filmación: definición, características e pautas de aplicación.

* Sistemas dixitais de almacenamento: definición, características e pautas de aplicación.

* Outras técnicas de almacenamento.

* Técnicas de recuperación do material microfilmado ou escaneado.

Programas de calidade de arquivos clínicos:

* Protocolos de calidade.

* Indicadores de calidade.

* Estándares de calidade.

Seguridade de arquivos clínicos:

* Normativa vixente.

* Segredo profesional.

* A confidencialidade dos datos.

* Plan de seguridade informática: definición e características.

Contidos actitudinais

* Comprobación sistemática dos resultados e corrección de erros detectados na localización de historias clínicas, formalización dos ítems e rexistros de entrada.

* Corrección sistemática de erros na aplicación de métodos de clasificación de historias clínicas.

* Actitude responsable na realización de inventarios e no control de existencias e de entradas e saídas das historias clínicas.

* Imaxe de eficacia e eficiencia no traballo que se realice para un mellor aproveitamento.

* Valoración da importancia do grao de cumprimento das condicións de seguridade e prevención das instalacións e do material depositado nelas.

* Responsabilidade no uso de medidas de prevención destinadas a garanti-la seguridade dos datos almacenados nos equipos informáticos.

* Rigor no cumprimento das normas do arquivo, da lexislación vixente e do segredo profesional.

* Rigor á hora de rexistra-los movementos de entrada e saída das historias clínicas, clasificación, inventario e control de existencias.

* Imaxe de pulcritude, precisión, rigor, rapidez e seguridade na clasificación de historias clínicas e na aplicación das técnicas de arquivo.

* Imaxe de interese por novos métodos de traballo que tendan ó seu mellor aproveitamento.

* Valoración da importancia dunha actitude participativa co equipo de traballo, así como a adaptación e integración nel.

3.2.2. Módulo profesional 2: definición e tratamento de documentación clínica:

Asociado á unidade de competencia 2: definir e/ou avalia-lo proceso de tratamento da información e a documentación clínica:

Capacidades terminais elementais

* Describi-los diferentes tipos de documentos de uso común, nos centros sanitarios hospitalarios e de atención primaria, a partir das súas características e funcionalidade.

* Describi-los tipos e funcións da historia clínica, indicando os documentos que a integran, tanto a nivel hospitalario como de atención primaria.

* Especifica-las técnicas de deseño documental e as súas aplicacións máis características, describindo o tipo de material necesario para a súa realización.

* Deseña-la estructura dun documento, seleccionando o material necesario e comprobando que este se adapte á normativa legal vixente.

* Determina-los métodos de estimación de consumo e custo dun documento.

* Describi-los métodos de avaliación da documentación clínica, analizando as súas características, aplicacións, vantaxes e limitacións.

* Defini-los ítems que debe incluír unha enquisa, describindo as áreas de interese para cubrir, así como os procedementos de selección de puntos de mostraxe.

* Determina-lo grao de formalización dos diferentes documentos, a partir de enquisas e cuestionarios

elaborados para a súa avaliación, propondo as modificacións oportunas.

* Aplica-las técnicas de cálculo de datos obtidos a partir da selección dos puntos de mostraxe de enquisas ou cuestionarios seleccionados, con rigor e precisión.

* Identifica-lo fluxo de información entre as distintas unidades e servicios, o seu itinerario e o tipo e características dos datos que se transmitan.

* Establece-lo proceso de tratamento da información que aproveite os recursos e a circulación dos datos.

Contidos (duración 110 horas)

Contidos procedementais

Documentación sanitaria:

* Interpretación e aplicación da normativa vixente e da normativa do centro.

* Análise da documentación existente no centro, comprobando a súa demanda e necesidade.

* Determinación da vixencia e o grao de información achegada pola documentación utilizada.

Deseño dos documentos:

* Avaliación das necesidades de documentación por parte do centro.

* Valoración do tipo de información para obter co documento que se deseñe.

* Determinación dos ítems, e adaptación da forma, tipo e outras características do documento.

* Concreción da estructura do documento.

* Selección do tipo de material para empregar.

* Comprobación do cumprimento das normativas vixentes e das normativas do centro.

Métodos de avaliación da documentación clínica:

* Identificación dos métodos de avaliación dos novos documentos.

* Selección do método de avaliación para aplicar.

* Selección das áreas de interese e número de items.

* Determinación dos procedementos de selección dos puntos da mostraxe.

* Selección dos puntos de mostraxe.

* Análise do grao de formalización dos documentos presentados.

* Valoración dos resultados obtidos.

Tratamento da información:

* Identificación dos documentos necesarios para concreta-la información para circular necesaria para o funcionamento do centro.

* Establecemento do proceso de tratamento da información.

* Identificación do itinerario previsto da información e das características dos datos para transmitir.

* Proposición de medidas correctoras nos circuítos, procedementos ou documentos.

Contidos conceptuais

Documentación sanitaria:

* Historia xeral da documentación sanitaria.

* Documentos primarios e secundarios.

* Tipos de documentación:

-A documentación médico-científica.

-A documentación médico-asistencial.

-A documentación sanitaria.

Historia clínica:

* Definición, estructura e tipos.

* Funcións da historia clínica.

* As historias clínicas de atención primaria: descrición e contido.

* As historias clínicas de atención especializada e hospitalarias: descrición e contido.

* Soportes empregados na historia clínica: papel, película, magnéticos, ópticos, ...

* Normativa e lexislación sobre as historias clínicas. Comisión de historias clínicas.

* Avaliación das historias clínicas.

Deseño de documentos:

* Deseño de documentos: técnicas, estilo e emprego de cores.

* Características dos materiais: dimensións e gramaxe.

* Estimacións de custo e consumo dos materiais empregados.

* Programas de deseño gráfico: características, tipos e pautas de emprego.

Métodos de avaliación da documentación clínica:

* Enquisas estimativas de utilidade.

* Formalización dos documentos.

Metodoloxía de enquisas e tratamento da información:

* Fluxo de información nos centros sanitarios.

* Métodos de optimización do tratamento da información.

* Tipos de enquisas.

* Obxectivos.

* Identificación dos ítems.

* Proceso de datos: avaliación.

Contidos actitudinais

* Rigor na comprobación de resultados e na corrección dos erros detectados na avaliación das enquisas realizadas sobre a documentación clínica de novo deseño.

* Interese na detección e corrección dos erros e na formalización de documentos sanitarios.

* Valoración da importancia da eficacia e eficiencia na identificación da documentación sanitaria, así como na valoración de resultados obtidos.

* Rigor na avaliación, tratamento e validación dos datos obtidos nas enquisas, así como na valoración do grao de formalización dos documentos sanitarios.

3.2.3. Módulo profesional 3: codificación de datos clínicos e non clínicos:

Asociado á unidade de competencia 3: identificar, extraer e codificar datos clínicos e non clínicos da documentación sanitaria.

Capacidades terminais elementais

* Identifica-las fases do proceso documental e as variables do conxunto mínimo básico de datos (CMBD), explicando os criterios que as definen.

* Identica-los antecedentes persoais e familiares, anamnese e os datos de exploración física na historia clínica do paciente.

* Relaciona-los signos, síntomas e complicacións coas diferentes patoloxías que se poden presentar nun paciente.

* Identificar na historia clínica e no informe de alta os diagnósticos principal, secundarios, anatomopatolóxicos e outros.

* Relaciona-los diferentes procedementos diagnósticos coas patoloxías correspondentes.

* Relaciona-los diferentes procedementos terapéuticos coas patoloxías ás que van dirixidos.

* Identifica-las características fisiolóxicas máis salientables do embarazo, parto e puerperio, e as súas posibles patoloxías.

* Identifica-los trazos diferenciais entre reaccións adversas a medicamentos e intoxicacións causadas por eles e os códigos empregados nelas.

* Identifica-los sistemas de clasificación das enfermidades e lesións, a súa estructura e as súas características.

* Identifica-los sistemas de clasificación dos procedementos terapéuticos cirúrxicos e non cirúrxicos, dos procedementos obstétricos e dos procedementos diagnósticos.

* Identifica-los datos non clínicos do CMBD e outros que, a criterio do centro sanitario, deban ser codificados, verificando a súa existencia no informe de alta e na historia clínica.

* Codifica-las variables non clínicas do CMBD e outras segundo o protocolo establecido, empregando díxitos asignados no manual de procedemento de codificación e no manual do centro.

* Introduci-los datos non clínicos do CMBD e outros a criterio do centro sanitario, na base de datos informática, seguindo a normativa do centro en canto á temporalización, sistema, forma e lugar.

* Codificar, segundo os protocolos establecidos, os diagnósticos principal, secundario e outros que existen no momento do ingreso, ou que se efectúan durante a estadía, de acordo coas normas do CMBD ou doutros subsistemas de información e seguindo a lexislación vixente.

* Codificar, a partir dos datos da historia clínica, os signos, síntomas e antecedentes de interese relacionados directamente co proceso en curso.

* Codificar, a partir dos datos presentes na historia clínica, os procedementos diagnósticos efectuados, en relación directa co proceso actual.

* Codificar, a partir dos datos presentes na historia clínica, os procedementos terapéuticos (cirúrxicos ou non cirúrxicos) ós que se someteu o paciente para o seu tratamento e/ou rehabilitación.

* Codificar, a partir dos datos presentes na historia clínica, os procedementos obstétricos que se aplicaron no estudio e seguimento da paciente.

* Codificar, a partir dos datos presentes na historia clínica, as posibles reaccións adversas e intoxicacións por drogas.

* Realizar toda a codificación partindo da identificación do elemento clave, os seus termos modificadores e a clasificación da enfermidade segundo o capítulo, sección, categoría, subcategoría e subclasificación, de acordo coa clasificación internacional de enfermidades e modificacións clínicas na última versión dispoñible.

Contidos (duración 290 horas)

Contidos procedementais

Extracción e codificación das variables non clínicas:

* Identificación das historias clínicas e outros documentos sanitarios pendentes de codificar.

* Verificación da presencia de tódalas variables mínimas necesarias.

* Extracción das variables mínimas necesarias para codificar.

* Incorporación doutras variables requiridas polos protocolos do centro sanitario.

* Aplicación do procedemento de codificación ás variables.

Extracción e codificación das variables clínicas:

* Revisión da documentación clínica achegada do paciente.

* Identificación dos diagnósticos asignados.

* Relación dos diagnósticos asignados co principal proceso patolóxico.

* Identificación do diagnóstico principal e doutros diagnósticos relacionados con posibles procesos patolóxicos coexistentes ou confluentes.

* Exclusión dos diagnósticos relacionados cos procesos anteriores.

* Identificación das exploracións complementarias realizadas.

* Identificación dos procedementos terapéuticos cirúrxicos e non cirúrxicos.

* Identificación dos efectos adversos ou intoxicacións producidas por drogas.

* Rexistro dos datos de identificación.

Extracción e codificación das variables clínicas:

* Identificación das variables extraídas.

* Selección da normativa vixente.

* Clasificación da enfermidade.

* Identificación do elemento clave de cada diagnóstico.

* Identificación dos elementos modificadores esenciais e non esenciais, do dato principal.

* Determinación dos díxitos correspondentes ó diagnóstico.

* Asignación dos códigos correspondentes ós procedementos diagnósticos e terapéuticos cirúrxicos e non cirúrxicos.

Contidos conceptuais

Sistemas de recuperación da información:

* O perfil documental.

* A análise documental.

* A linguaxe documental. A linguaxe documental en medicina: definición, tipos e características.

* Fases do proceso documental.

* A codificación.

O conxunto mínimo básico de datos:

* Variables que o integran.

* Criterios de selección das variables.

* Codificación das variables non clínicas.

Nocións de patoloxía xeral:

* Conceptos principais da patoloxía: etioloxía, clínica, diagnóstico, evolución, antecedentes e complicacións.

* Principais termos médicos por aparellos e sistemas.

* Principais patoloxías e síndromes por aparellos e sistemas.

Clasificación dos diagnósticos:

* Concepto de diagnóstico.

* Relación con outros conceptos: motivo de ingreso, síntomas, signos, síndromes e antecedentes.

* Tipos de diagnósticos: principal, secundario, anatomopatolóxico, preoperatorio e postoperatorio, e outros.

Complicacións:

* Concepto de complicación.

* Reacción adversa ás drogas.

Procedementos diagnósticos e terapéuticos non cirúrxicos:

* Os procedementos diagnósticos non cirúrxicos: tipos e utilidade clínica.

* Os procedementos terapéuticos non cirúrxicos:

-Terapéutica médica.

-Radioterapia.

-Ultrasonometría.

-Rehabilitación e fisioterapia.

-Quimioterapia.

-Outros procedementos terapéuticos non cirúrxicos.

Procedementos diagnósticos e terapéuticos cirúrxicos:

* Procedementos endoscópicos: diagnóstico e toma de biopsias.

* Principais procedementos cirúrxicos: tipos e terminoloxía.

* Métodos de anestesia máis empregados.

Procedementos obstétricos:

* Embarazo, parto e puerperio: concepto e evolución normal.

* Incidencias no embarazo, parto e puerperio:

-Xestación de alto risco.

-Distocias e partos complicados.

-Complicacións puerperais.

Causa externas de lesións e envelenamentos:

* Lesións de orixe traumática: tipos e características.

* Envelenamento: concepto e tipos.

Sistemas de clasificación de enfermidades e lesións:

* Tipos e características.

* Pautas de aplicación.

Sistemas de clasificación de procedementos cirúrxicos e non cirúrxicos:

* Tipos e características.

* Pautas de aplicación.

Procedemento básico de codificación coa clasificación internacional de enfermidades-modificacións clínicas (CIE-MC):

* Criterios xerais de emprego do CIE-MC.

* O proceso de codificación.

* Codificación dos procedementos.

Normas específicas de codificación coa CIE-MC:

* Enfermidades infecciosas e parasitarias.

* Neoplasias.

* Enfermidades endócrinas, nutricionais e metabólicas, e trastornos da inmunidade.

* Enfermidades do sangue e órganos hematopoéticos.

* Trastornos mentais.

* Enfermidades do sistemas nervioso e órganos dos sentidos.

* Enfermidades do aparello circulatorio.

* Enfermidades do aparello respiratorio.

* Enfermidades do aparello dixestivo.

* Enfermidades do aparello xenitourinario.

* Complicacións da xestación, parto e puerperio.

* Enfermidades da pel e tecido subcutáneo.

* Enfermidades do aparello locomotor e tecido conxuntivo.

* Anomalías conxénitas.

* Afeccións orixinadas no período prenatal.

* Lesións e envelenamento.

* Clasificacións suplementarias:

-De factores que inflúen no estado de saúde.

-De causas externas de lesións e envelenamento.

-Outras.

* Codificación de procedementos: peculiaridades xerais e específicas por aparellos e sistemas:

-Procedementos obstétricos.

-Miscelánea de procedementos diagnósticos e terapéuticos.

Contidos actitudinais

* Responsabilidade á hora de resolver problemas e tomar decisións na extracción das variables mínimas non clínicas da historia clínica, aplicando a normativa vixente.

* Valora-la importancia da comprobación sistemática de resultados e corrección de erros na codificación das variables non clínicas e clínicas.

* Recoñece-la importancia da eficacia e da eficiencia para optimiza-lo traballo.

* Rigor no cumprimento das normas do centro de traballo e do servicio de documentación clínica, así como do segredo profesional.

* Rigor e seguridade na identificación e extracción de variables da historia clínica e na súa codificación.

* Actitude aberta ó contorno profesional e á súa evolución.

3.2.4. Módulo profesional 4: validación e explotación das bases de datos sanitarias:

Asociado á unidade de competencia 4: validar e explota-los datos do conxunto mínimo básico de datos (CMBD) mediante ferramentas estatísticas, epidemiolóxicas e de control de calidade.

Capacidades terminais elementais

* Explica-los procedementos existentes de depuración de bases de datos, de programas de calidade de bases de datos clínicas e codificación de diagnósticos e procedementos existentes.

* Identifica-las recomendacións achegadas polos protocolos de control de calidade.

* Determina-las condicións de realización da avaliación da calidade da base de datos partindo dos procedementos seleccionados.

* Identifica-la metodoloxía necesaria para levar a cabo a avaliación e a auditoría, segundo o procedemento elixido.

* Determina-la mostra representativa requirida da base de datos para validar, partindo do seu tamaño, da asignación a estas dun número, do emprego da táboa de números aleatorios, etc.

* Extraer mostras da base de datos para comprobar que a información existente sexa a mesma cá da historia clínica.

* Determina-lo tipo de erros de codificación nos datos clínicos, discriminando se están localizados

no diagnóstico principal ou nos secundarios, ou se son de omisión, de indexación, de codificación ou de entrada de datos.

* Especifica-la categoría, subcategoría ou subclasificación dos erros detectados nos datos clínicos para depura-la súa importancia.

* Aplica-los programas de validación da información do CMBD ós datos clínicos e non clínicos da base de datos.

* Interpreta-las normativas que regulan a explotación dos datos clínicos, administrativos e estatísticos, así como os criterios que regulan o segredo profesional, a súa responsabilidade e a súa confidencialidade.

* Identifica-los principais indicadores sanitarios necesarios para valora-las demandas de información da base de datos e obter representacións gráficas axeitadas.

* Identifica-las necesidades de información dos usuarios da base de datos e o perfil de busca máis axeitado para atende-la demanda de información.

* Obte-la información requirida a partir da análise das necesidades de información por parte dos usuarios e do perfil de busca identificado.

* Aplica-los procedementos de tratamento estatístico á explotación da base de datos, con seguridade e rigorosidade.

Contidos (duración 110 horas)

Contidos procedementais

Bases de datos:

* Manexo das bases de datos máis comúns.

* Determinación do tamaño dunha base de datos.

* Deseño de fichas tipo no contorno dunha base de datos.

* Asignación de número a cada historia clínica.

* Emprego de táboas de números aleatorios.

Avaliación da calidade das bases de datos:

* Elección de mostras aleatorias de base de datos.

* Identificación da mostra de historias seleccionadas.

* Determinación do tipo de erro detectado.

* Aplicación do programa de validación da información.

Estatística descritiva:

* Determinación das variables estatísticas máis axeitadas.

* Cálculo dos datos estatísticos máis representativos.

* Emprego de follas de cálculo no estudio dos datos estatísticos.

* Representacións gráficas dos datos estatísticos obtidos.

Indicadores sanitarios:

* Cálculo dos principais indicadores sanitarios.

* Interpretación dos indicadores sanitarios.

Recuperación da información:

* Identificación das demandas e necesidades de información e do perfil de busca.

* Rexistro dos datos obtidos na busca.

* Representación gráfica dos datos obtidos.

Contidos conceptuais

Bases de datos:

* Tipos de bases de datos. Sistemas máis empregados nas bases de datos sanitarias.

* Deseño das bases de datos.

Avaliación da calidade das bases de datos:

* Metodoloxía.

* Elección da mostra.

* Clasificación e detección de erros: tipos, niveis e fases.

* Control de calidade da codificación dos diagnósticos e os procedementos.

* Indicadores de calidade das bases de datos.

Estatística descritiva:

* Introducción á estatística: conceptos, mostras, variables e poboacións.

* A estatística descritiva.

* Estatística descritiva univariante:

-Agrupamento de datos.

-Representación gráfica dos datos estatísticos.

-Medidas de tendencia central: media, mediana e moda.

-Medidas de dispersión: percentís, decís, cuartís.

* Estatística descritiva bivariante:

-Táboas de continxencias.

-Medidas de asociación.

-Variables aleatorias discretas: funcións de igualdade e funcións de distribución (binomial e de Poisson).

-Variables aleatorias continuas: funcións de distribución e densidade, a distribución normal e outras distribucións (X2, Student).

Indicadores sanitarios:

* Concepto de estadía. A estadía media.

* Concepto do índice de rotación.

* Índice de ocupación.

* Concepto de taxa. Taxas de intervencións e taxas de retorno.

* Presión de urxencias.

* Outros indicadores.

Confidencialidade dos datos e segredo profesional:

* Normas de seguridade dos datos informáticos.

* Segredo profesional: concepto, tipos e responsabilidades.

Recuperación da información:

* Rexistros de datos obtidos nunha busca.

* Perfil de busca.

Contidos actitudinais

* Responsabilidade na toma de decisións e na comprobación e corrección sistemática dos erros na selección de mostras representativas da base de datos para validar.

* Valoración da importancia que teñen a eficacia e a eficiencia da determinación das condicións de realización do control da base de datos.

* Dilixencia na recuperación de información requirida segundo o perfil de busca.

* Rigor no cumprimento das recomendacións para o control de calidade na base de datos, así como do segredo profesional.

* Rigor, eficacia e precisión no tratamento estatístico dos datos.

3.3. Módulos profesionais transversais:

3.3.1. Módulo profesional 5: aplicacións informáticas xerais:

Capacidades terminais elementais

* Analiza-la importancia da informática como instrumento de comunicación e xestión.

* Identifica-las partes dun ordenador (hardware) así coma as funcións que ten cada unha delas.

* Identifica-las funcións, estructura e características dun sistema operativo monousuario, e dos principais sistemas do mercado.

* Defini-lo concepto de programa informático e os principais tipos deles (folla de cálculo, base de datos, editor de textos, edición de imaxes, explorador de arquivos, ...).

* Deseñar ficheiros por lotes, que xestionen ordes do sistema operativo.

* Identifica-las funcións, estructura e características dun sistema de rede de área local (LAN) e de teleproceso.

* Diferencia-lo esquema de seguridade e confidencialidade da información dun sistema monousuario, de rede local e de teleproceso.

* Manexar, dun xeito básico, os mandos e instruccións básicas de copia, actualización e transmisión da información nun sistema de rede de área local (LAN) e teleproceso.

* Instalar un sistema informático monousuario, coa parte física e un sistema operativo.

* Instalar e manexa-las aplicacións informáticas estándar e de xestión de empresa.

* Determina-lo sistema físico de almacenamento de información máis axeitado de acordo co volume de información, a seguridade e a velocidade de recuperación de información.

* Empregar dun xeito periódico mecanismos ou procedementos de protección da información e comproba-lo acceso e a correcta recuperación da información.

* Empregar procesadores de textos, creando documentos con texto, con datos numéricos, con táboas,

con gráficos e con imaxes, adaptando o deseño e estilo ó obxectivo do documento.

* Deseñar follas de cálculo con fórmulas, libros de traballo e gráficos adaptados ó cálculo da xestión dos recursos económicos, financeiros e humanos.

* Intercambiar datos de tódolos tipos entre aplicacións estándar.

* Identificar e aplica-las condicións ergonómicas de traballo cun ordenador.

* Manexar con soltura as aplicacións máis coñecidas no eido de Internet, navegando, enviando e recibindo correo electrónico, mantendo coloquios e obtendo datos concretos a través de servicios de ftp, www, etc.

Contidos (duración 80 horas)

Contidos procedementais

Sistemas operativos:

* Consulta dos manuais de procedementos dos sistemas operativos.

* Identificación do hardware e software para empregar.

* Instalación do sistema operativo.

* Deseño dun ficheiro por lotes.

* Uso dos comandos dos sistemas operativos.

* Organización dun procedemento de protección da información.

* Aplicación de políticas de protección e seguridade do sistema.

* Determinación dun calendario de execución sistemática de copias de seguridade.

* Personalización do contorno operativo.

Redes locais:

* Conexión á rede local: acceso ós menús de acollida:

* Identificación do usuario.

* Consulta de datos nunha rede local: envío de datos nela.

* Emprego dos dereitos e funcións como usuario.

* Selección dunha aplicación instalada no servidor: o seu manexo.

* Impresión nunha cola de rede.

* Comunicación entre usuarios.

* Desconexión dunha rede local.

Redes de comunicación exterior e información exterior:

* Identificación da estructura da rede Internet e establecemento de protocolos, host, dominios e usuarios.

* Instalación e configuración de aplicacións informáticas para envío, lectura e recepción de mensaxes a través do correo electrónico.

* Descrición e experimentación, mediante conexións, dos servicios básicos da rede: correo elec-

trónico, conexión remota, servicios de ficheiros, World Wide Web (WWW), etc.

* Busca de información na Internet, mediante os navegadores máis usuais.

Procesadores de textos:

* Instalación e configuración dun programa de tratamento de textos.

* Aplicación de distintos tipos de letra e formateo de documentos.

* Utilización das funcións de encabezamentos, pés de páxina, número de páxina, referencias, etc.

* Inserción de gráficos e imaxes.

* Operacións de edición e corrección de textos.

* Inserción e enchido de táboas.

* Aplicación de columnas.

* Utilización de macros, esquemas e índices.

* Deseño, elaboración e impresión de etiquetas.

Follas de cálculo:

* Instalación e configuración dunha folla de cálculo.

* Creación dunha estructura adecuada.

* Introducción e edición de datos e fórmulas do modelo.

* Operación con rangos.

* Aplicacións das funcións requiridas (estatísticas, lóxicas, financeiras, etc.).

* Obtención das representacións gráficas.

* Análise e elaboración da información resultante.

* Gravación, recuperación e impresión das follas de cálculo.

Paquetes integrados:

* Experimentación coas funcións de importación e exportación das distintas aplicacións dun paquete integrado.

* Realización de documentos empregando paquetes integrados.

Contidos conceptuais

Introducción á informática:

* A informática: proceso electrónico do proceso de datos.

* Procesos de datos: funcións e fases dun proceso de datos.

* Elementos compoñentes do hardware: estructura modular, unidade central de procesos e equipos periféricos.

* Sistemas de codificación de datos: o byte e os seus múltiplos.

* Os programas (software): tipos máis salientables.

Sistemas operativos:

* Funcións básicas dun sistema operativo.

* Sistemas operativos monousuario e multiusuario

* Sistemas operativos monousuario: os ficheiros por lotes e principais comandos.

* Contornos do usuario: estructura e funcións.

Redes locais:

* Tipos de redes locais.

* Tipoloxía dunha rede local: bus, árbore, anel e estrela.

* Compoñentes físicos dunha rede local.

* Funcións básicas do supervisor ou administrador de rede.

* Utilidades do usuario dunha rede local.

* Redes de teleproceso: compoñentes físicos e funcións básicas.

Redes de comunicación e información exterior:

* A Internet: breve historia.

* Estructura da rede Internet.

* Conexión con Internet.

* Información xeral da rede en España e Galicia.

* Servicios básicos en Internet.

* Webs de bases de datos sanitarias.

Procesadores de textos:

* O procesador de texto: estructura e funcións.

* A edición: desprazamento, funcións correntes e tipos de letras.

* O deseño de documentos: formato de parágrafo e páxina.

* Gráficos: funcións, obtención, creación e inserción.

* Imaxes: obtención e inserción.

* A xestión de arquivos: busca, recuperación, gravación e protección.

* A impresión de textos: visualización previa, control e configuración.

Follas de cálculo:

* Follas de cálculo: estructura e funcións.

* A edición de follas de cálculo: comandos máis importantes.

* Gráficos: funcións, representación e personalización.

* A xestión de arquivos: busca, recuperación e rexistro.

* A impresión das follas de cálculo.

* Interoperacións entre aplicacións compatibles.

Paquetes integrados:

* Principais paquetes integrados do mercado.

* A conectividade: vantaxes e inconvenientes.

Contidos actitudinais

* Aceptación de necesidade da autoaprendizaxe constante e da formación continua como instrumentos facilitadores da adaptación ás innovacións tecnolóxicas.

* Valoración do traballo rigoroso e ben feito ó planificar, organizar e desenvolve-las actividades propias, demostrando iniciativa, creatividade e sentido da responsabilidade, e mantendo o interese durante todo o proceso.

* Responsabilidade no mantemento e no uso das instalacións e equipos, sacándolle o máximo proveito ós medios materiais utilizados nos procedementos, evitando custos e desgastes innecesarios.

* Valoración crítica e responsable das fontes de información internacionais e da orixe e do contido da comunicación.

* Rigor e precisión na recollida e transmisión de datos e na utilización da linguaxe técnica asociada ó módulo.

* Valoración da importancia da conservación e confidencialidade da información á que se ten acceso.

* Hábito de observación estricta das normas de seguridade e hixiene e medioambientais, relacionadas coa manipulación dos equipos.

* Hábito de utilización de normas ergonómicas no posto de traballo.

3.3.2. Módulo profesional 6: relacións no contorno de traballo:

Capacidades terminais elementais

* Describi-las distintas vías e sentidos da comunicación no ámbito laboral que permitan recibir e emitir instruccións e información, así como intercambiar ideas, asignar tarefas e coordinar proxectos.

* Utilizar eficazmente os sistemas de información no medio laboral.

* Analiza-los conflictos que se orixinen no contorno de traballo e darlles resposta mediante a negociación e participación de tódolos membros do grupo.

* Aplica-lo método adecuado para preparar unha negociación identificando as estratexias idóneas para a resolución de conflictos na empresa.

* Identifica-los aspectos que caracterizan o proceso de toma de decisións respectando e tendo en conta as opinións dos demais.

* Liderar un equipo de traballo adoptando o estilo máis apropiado en cada situación.

* Analizar comparativamente as funcións de dirección ou mando e as de liderato tendo en conta o tipo de autoridade que se exerce e a responsabilidade que entrañan as tarefas e compromisos asumidos.

* Conducir, moderar e/ou participar en reunións colaborando activamente ou conseguindo a colaboración dos participantes.

* Describi-las teorías e principios que sustentan a dinámica de grupos, así como as vantaxes do traballo en grupo fronte ó traballo individual.

* Impulsa-lo proceso de motivación no contorno laboral, facilitando a mellora no ambiente de traballo e o compromiso das persoas cos obxectivos da empresa.

* Dinamiza-los factores que favorecen a motivación no traballo e, en especial, as políticas xerais de empresa sobre recursos humanos.

Contidos (duración 55 horas)

Contidos procedementais

Comunicación na empresa:

* Producción de documentos.

* Descrición das diferentes formas e tipos de envío de información e documentación.

* Identificación das alteracións producidas na comunicación dunha mensaxe, na que existe disparidade entre o emitido e o percibido.

* Análise dos procedementos de control de entrada e saída de documentación e información.

Conflictos:

* Identificación da existencia dun conflicto.

* Análise das causas do conflicto.

* Selección da alternativa adecuada para a resolución do conflicto.

* Elección de supostos conflictivos de actualidade co obxecto de elaborar un método para a recollida de información do conflicto, avaliación dos intereses postos en xogo e procedemento interno para a súa solución.

Negociación:

* Identificación dos principais aspectos da negociación.

* Aplicación das técnicas concretas de negociación.

* Peche da negociación.

Toma de decisións:

* Identificación dos aspectos que caracterizan o proceso de toma de decisións.

* Análise dos factores que inflúen nunha decisión.

* Determinación da alternativa máis adecuada aplicando o método de busca.

Liderato:

* Análise comparativa das funcións de dirección e as de liderato, tendo en conta o tipo de autoridade que se exerce.

* Investigación mediante entrevistas ou observacións sobre qué estilo de mando predomina nas empresas do sector.

* Delimitación do papel e competencias do mando intermedio.

Conducción e dirección de equipos de traballo:

* Análise da incidencia da dinámica de grupos no mundo laboral.

* Selección da técnica de traballo en grupo máis adecuada en función das variables grupais.

* Determinación das habelencias sociais máis elementais para conducir unha reunión de traballo.

* Identificación das distintas tipoloxías de participantes.

* Descrición de problemas que se poden desencadear no desenvolvemento dunha reunión e proposta de solución.

* Simulación do desenvolvemento dunha reunión de traballo na que se debe tomar unha decisión sobre un problema laboral.

Motivación no contorno laboral:

* Análise do proceso de motivación tomando exemplos da realidade.

* Identificación dos elementos do proceso da motivación diferenciando o significado de cada un deles.

* Contraste das teorías da motivación establecendo relacións entre elas.

* Análise da actitude humana ante o traballo.

* Selección de incentivos segundo as actitudes constatadas.

* Aplicación de incentivos e efectos deles.

Contidos conceptuais

A comunicación na empresa:

* Tipos de comunicación.

* Etapas dun proceso de comunicación.

* Canles e redes de comunicación.

* Dificultades e barreiras na comunicación.

* Recursos para manipula-los datos da percepción.

* Comunicación na empresa.

* Control da información.

Conflictos:

* Clases.

* Causas.

* Formas de exteriorización.

* Solución de conflictos.

Negociación:

* Condicións.

* Estilos de negociación.

* Fases nunha negociación.

Toma de decisións:

* Factores que inflúen na toma de decisións.

* Fases do proceso decisorio.

* Tipos de decisións.

Liderato:

* Características.

* Teorías do liderato.

* Estilos de dirección.

* Supervisión do traballo.

* Delegación eficaz.

* Políticas de empresa.

Conducción e dirección de equipos de traballo:

* Características dos grupos.

* Funcionamento dos grupos.

* Técnicas de dinámica e dirección de grupos.

* Tipos de reunións.

* Preparación de reunións.

* Desenvolvemento.

* Problemas que presentan as reunións.

Motivación no contorno laboral:

* Concepto.

* Principais teorías de motivación.

* Factores motivacionais.

* Sistemas de motivación no contorno laboral: programas de formación, políticas salariais.

Contidos actitudinais

A comunicación na empresa:

* Coidado na elaboración e a transmisión de mensaxes para facilita-la súa comprensión.

* Reacción creativa ante as barreiras comunicativas.

* Aceptación da necesidade de integra-los propios comunicados nun sistema de información empresarial planificado.

* Hábito e capacidade para o manexo de grandes bloques de información sintetizando o seu contido en función dos obxectivos e destinatarios.

Conflictos:

* Cordialidade á hora de establecer relacións cos demais.

* Respecto ante opinións, conductas ou ideas non coincidentes coas propias, demostrando unha actitude tolerante con elas.

* Comportamento hábil para manipular situacións de confrontación entre individuos.

* Comportamento responsable e coherente para resolver un conflicto.

Negociación:

* Sensibilización para capta-los matices dunha negociación, valorando as súas implicacións.

* Imparcialidade á hora de escoitar cada unha das partes.

* Apreciación do poder de influencia.

* Destreza para elixi-la alternativa de resolución máis adecuada.

Toma de decisións:

* Toma de conciencia da importancia que implica o proceso de toma de decisións para a vida persoal, social e laboral.

* Valoración crítica das técnicas que se utilizan na resolución de problemas.

* Predisposición responsable para acepta-la toma de decisión que o grupo considerara como a máis adecuada.

* Responsabilidade na acción de integra-las decisións adoptadas no ámbito laboral.

Liderato:

* Valoración da entrega e a responsabilidade que implican as funcións de dirección.

* Coidado no modo e a forma de organizar e dirixi-las tarefas dos subordinados.

* Aplicación dos mecanismos necesarios para realizar unha delegación eficaz.

* Interese e curiosidade por descubri-las posibilidades e tipos de liderato nun mesmo e nos membros dos grupos ós que pertencemos.

Conducción/dirección de equipos de traballo:

* Fomento de iniciativas dirixidas ó traballo en grupo.

* Toma de conciencia de que a participación e colaboración son necesarias para o logro dos obxectivos da empresa.

* Valoración do papel e competencias do mando intermedio nunha organización.

* Respecto polas persoas e a súa liberdade individual dentro dun grupo social.

Motivación no contorno laboral:

* Valoración da influencia da motivación no desenvolvemento profesional.

* Responsabilidade ante os prexuízos existentes acerca das actividades humanas no mundo laboral.

* Fomento dos sistemas de motivación de carácter responsable, creativo e que potencien o desenvolvemento persoal.

3.3.3. Módulo profesional de proxecto integrado:

Duración 80 horas.

Nº	Capacidades terminais elementais	Actividades formativas de referencia

1.	Obter unha visión global e coordinada das funcións que se desenvolven no organismo elixido dentro do ámbito da saúde.	* Identificar e obte-la información necesaria. * Propor unha idea para o proxecto, encadrado no campo profesional da documentación sanitaria. * Elixir un tipo de centro do ámbito da saúde. * Analiza-lo organigrama e relacións interdepartamentais do centro.
2.	Clarifica-la tipoloxía, organización e funcións do proxecto para planifica-los recursos necesarios e analiza-la súa viabilidade.	* Defini-la tipoloxía do proxecto en función do servicio, unidade e/ou organización destinataria. * Establece-lo organigrama do persoal necesario para desenvolve-lo proxecto. * Deseña-la metodoloxía de traballo máis axeitada para optimiza-los resultados do proxecto.
3.	Analiza-las características e necesidades do contexto no que se pretende aplica-la iniciativa, utilizando as estratexias e instrumentos axeitados.	* Analiza-los aspectos que poden incidir no desenvolvemento da actividade. * Analiza-las características específicas dos destinatarios do proxecto.
4.	Comproba-la viabilidade do proxecto.	* Dentro da idea de proxecto elixida, comprobar que esta se axusta ás posibilidades económicas do centro ou organismo elixido. * Seguindo a idea proxectada, analizar que as existencias de material posibilitan a súa realización.
5.	Selecciona-los pasos necesarios para a adecuación do proxecto á normativa legal establecida.	* Identificación e selección da normativa legal que regula o subsector elixido para o proxecto. * Identificación e formalización da documentación legal específica para a regularización do proxecto nas administracións pertinentes.
6.	Establecer criterios de avaliación para tomar decisións, mellora-lo proxecto e previ-lo fracaso.	* Análise e/ou establecemento dos criterios de calidade na execución do proxecto. * Selección de métodos de control de calidade e avaliación dos resultados. * Deseño de estratexias que permitan reconduci-lo proxecto cando non se logren os obxectivos previstos.
7.	Realizar cambios no sistema para a mellora da súa funcionalidade, rendemento e seguridade.	* Comprobar que se cumpren as normas de seguridade básicas no manexo de información clínico-sanitaria. * Comprobar que o rendemento do proxecto é axeitado, e reconducilo se non fose así.

3.4. Módulo profesional de formación en centros de traballo:

Duración 440 horas.

Nº	Capacidades terminais elementais	Actividades formativas de referencia

1.	Dilixencia-las historias clínicas.	* Verifica-la correcta formalización da solicitude de historias clínicas. * Localiza-la historia clínica no planning do arquivo, en función da súa numeración, pertenza ó activo/pasivo, código de cores ou outro medio de busca seguindo a normativa do arquivo.
* Efectua-lo préstamo da historia, tra-lo rexistro dos datos protocolizados de saída, comprobando que a historia requirida corresponde á solicitada.
* Distribui-las historias solicitadas polas unidades seguindo as normas protocolizadas do arquivo.
* Comproba-la devolución da historia ó arquivo, en tempo e lugar, por parte dos distintos servicios e unidades, e rexistro da dita devolución, verificando que se corresponda coa solicitude previa.
* Verifica-lo correcto estado da historia recibida, en canto á orde e numeración dos documentos, seguindo o manual de historias clínicas do centro.
* Colocar e deposita-la historia no arquivo seguindo o planning e os protocolos establecidos.
* Desviar, se cómpre, as historias ó pasivo, seguindo os protocolos de non utilización, a lexislación vixente, e as indicacións dadas polo facultativo responsable da unidade de documentación.
2.	Arquiva-las historias clínicas e documentos anexos.	* Cooperar na selección da técnica idónea de arquivo ou outras tecnoloxías, tendo en conta as indicacións da utilización de cada método.
* Realiza-la técnica máis axeitada de arquivo ou outras tecnoloxías seleccionadas: escaneo, microfilmación, etc.
3.	Mante-las bases de datos.	* Colaborar na aplicación de procedementos de seguridade informática para evita-la perda ou anulación de datos e o seu acceso non autorizado, seguindo normas definidas no plan de seguridade.
* Colaborar nas mostraxes periódicas de localización de historias clínicas detectando erros de colocación, seguindo as indicacións dadas polo facultativo responsable da unidade. * Colaborar na avaliación da xestión do arquivo, partindo das indicacións dadas polo facultativo responsable da unidade de documentación.
* Colaborar na depuración das bases de datos, extraendo as historias clínicas duplicadas e reclamando aquelas que non foron devoltas no prazo máximo estipulado pola unidade.
* Realiza-lo inventario de historias, o control de entradas e saídas e o control de existencias.
4.	Codifica-las variables non clínicas.	* Colaborar na obtención da listaxe de historias pendentes de codificar, mediante a comparación da base de datos do arquivo e os datos de codificación, seguindo as normas protocolizadas.
* Colaborar na solicitude ás diferentes unidades das historias clínicas, de acordo coas normas do arquivo.
* Colaborar na verificación da existencia das variables mínimas para extraer da historia clínica e do informe médico de alta, e extrae-las variables e datos básicos do paciente da historia clínica.
* Colaborar na introducción daquelas variables solicitadas para mellora-los sistemas de información asistencial.
* Codificar e introduci-los datos non clínicos do CMBD, no programa informático do centro, seguindo os protocolos da unidade ou servicio.
5.	Codifica-las variables clínicas.	* Identifica-los distintos diagnósticos do facultativo de acordo co CMBD partindo do informe de alta e resto da documentación da historia clínica.
* Identificar na historia clínica tódolos datos referidos a exploracións complementarias realizadas ó paciente.
* Identifica-los datos referidos a intervencións cirúrxicas realizadas ó paciente, identificando a vía de acceso, o tipo de intervención realizada, a toma de biopsias e o pechamento da vía.
* Identifica-las posibles complicacións xurdidas no preoperatorio e no postoperatorio.

Nº	Capacidades terminais elementais	Actividades formativas de referencia

* Colaborar na análise de todas aquelas incidencias xurdidas durante o embarazo, parto e posparto, para descartar aquelas sen interese para a codificación.
* Extraer tódalas incidencias obstétricas: embarazos, partos, abortos e complicacións obstétricas.
* Identifica-los procedementos terapéuticos non cirúrxicos empregados para o tratamento e rehabilitación: radioterapia, quimioterapia, fisioterapia, ...
* Codifica-los diagnósticos e procedementos diagnósticos segundo o sistema de clasificación internacional de enfermidades-modificación clínica, ou outros subsistemas de información.
* Codifica-las neoplasias segundo o sistema de clasificación internacional de enfermidades-modificación clínica ou outros subsistemas de información.
* Codifica-los procedementos obstétricos, antecedentes da xestación e posibles complicacións obstétricas segundo o sistema de clasificación internacional de enfermidades-modificación clínica ou outros subsistemas de información.
* Codifica-los procedementos diagnósticos e terapéuticos específicos, segundo o sistema de clasificación internacional de enfermidades-modificación clínica ou outros subsistemas de información.
6.	Valida-las bases de datos.	* Colaborar na determinación do número de historias clínicas para revisar, mediante o emprego de sistemas protocolizados.
* Extraer mostras representativas da base de datos para validar.
* Recodificar, se cómpre, as historias clínicas extraídas das bases de datos.
* Colaborar na localización de erros de codificación.
* Colaborar na determinación do tipo de erros atopados, a súa causa e a eliminación da causa.
7.	Relacionarse co equipo de traballo.	* Traballo en equipo, cando sexa necesario, cooperando, respectando e valorando o traballo das demais persoas.
* Actitude participativa, interesándose por aprender e ter iniciativa en relación co traballo encomendado.
* Cumprimento das normas legais aplicadas á custodia de documentos e historias clínicas.
* Actuación serena e dilixente ante incidentes e causas de forza maior, aplicando os criterios e medidas de seguridade establecidos.
* Actitude de respecto ós procedementos normas e criterios establecidos polo facultativo responsable.

3.5. Módulo profesional de formación e orientación laboral:

Capacidades terminais elementais

* Analiza-las situacións de risco máis habituais no ámbito laboral que poidan afectar á saúde.

* Aplicar, no ámbito laboral, as medidas de protección e prevención que correspondan ás situacións de riscos existentes.

* Analiza-las actuacións que se seguirán en caso de accidentes de traballo.

* Aplica-las medidas sanitarias básicas inmediatas no lugar do accidente en situacións simuladas.

* Analiza-las formas e procedementos de inserción na realidade laboral como traballador por conta propia ou por conta allea.

* Analiza-las propias capacidades e intereses así como os itinerarios profesionais máis idóneos.

* Identifica-lo proceso para unha boa orientación e integración do traballador na empresa.

* Identifica-las ofertas de traballo no sector productivo referido ós seus intereses.

* Analiza-los dereitos e obrigas que se derivan das relacións laborais.

* Describi-lo sistema de protección social.

* Interpreta-los datos da estructura socioeconómica da Comunidade Autónoma de Galicia, identificando as diferentes variables implicadas e as consecuencias das súas posibles variacións.

* Analiza-la organización e a situación económica dunha empresa do sector, interpretando os parámetros económicos que a determinan.

* Analiza-lo tecido empresarial de Galicia comparándoo co doutras comunidades autónomas.

* Analiza-la evolución socioeconómica do sector productivo na Comunidade Autónoma de Galicia.

Contidos (duración 55 horas)

Contidos procedementais

Saúde laboral:

* Localización da normativa aplicable en materia de seguridade tanto para a empresa como para os traballadores.

* Aplicación das medidas sanitarias básicas inmediatas no lugar do accidente nunha situación simulada.

* Identificación dos factores de riscos nun contexto concreto.

* Determinación das formas de actuación ante os riscos atopados.

* Identificación de anomalías nas máquinas e ferramentas do taller.

* Determinación dos equipos de protección individual.

Lexislación e relacións laborais:

* Identificación das distintas modalidades de contratación.

* Identificación dos dereitos e obrigas dos empresarios e traballadores.

* Interpretación dun convenio colectivo, relacionándoo coas normas do Estatuto dos traballadores.

* Elaboración dunha folla de salario.

* Aplicación da normativa da Seguridade Social en cada caso concreto.

Orientación e inserción sociolaboral:

* Elaboración do currículum vitae e actividades complementarias del.

* Identificación e definición de actividades profesionais.

* Localización de institucións formativas así como investigación e temporalización dos seus plans de estudios.

Principios de economía:

* Lectura e interpretación, de diferentes artigos de prensa e de textos técnicos, sobre diferentes temas económicos.

* Manexo e interpretación de táboas económicas.

* Analiza-las causas ou variables que poden influír no investimento, consumo e aforro, tanto nas economías domésticas, como nas empresas.

Economía e organización da empresa:

* Análise das empresas da localidade onde estea situado o instituto para estudia-las características xerais, comerciais, financeiras etc.

* Confección de organigramas de diferentes empresas e estudio das necesidades específicas de cada unha.

O sector productivo na Comunidade Autónoma de Galicia:

* Análise dunha empresa do sector.

* Comparación e clasificación das distintas empresas do sector.

* Lectura e análise dun convenio colectivo do sector.

Contidos conceptuais:

Saúde laboral:

* Condicións de traballo e seguridade.

* Factores de risco: físicos, químicos, biolóxicos e organizativos.

* Danos profesionais.

* Medidas de prevención e protección.

* Marco legal de prevención laboral.

* Notificación e investigación de accidentes.

* Estatística para a seguridade.

* Primeiros auxilios.

Lexislación e relacións laborais:

* Dereito laboral nacional e comunitario.

* Contrato de traballo.

* Modalidades de contratación.

* Modificación, suspensión e extinción da relación laboral.

* Órganos de representación dos traballadores.

* Convenios colectivos.

* Conflictos colectivos.

* Seguridade Social e outras prestacións.

Orientación e inserción sociolaboral:

* Mercado de traballo.

* A autoorientación profesional.

* O proceso de busca de emprego. Fontes de información e emprego.

* Traballo asalariado, na Administración e por conta propia. A empresa social.

* Análise e avaliación do propio potencial profesional e dos intereses persoais.

* Itinerarios formativos/profesionalizadores.

Principios de economía:

* Variables macroeconómicas e indicadores socioeconómicos.

* Relacións socioeconómicas internacionais.

Economía e organización da empresa:

* A empresa: tipos de modelos organizativos. Áreas funcionais. Organigramas.

* Funcionamento económico da empresa:

-Patrimonio da empresa.

-Obtención de recursos: financiamento propio e alleo.

-Interpretación de estados de contas anuais.

-Custos fixos e variables.

O sector productivo na Comunidade Autónoma de Galicia:

* Tipoloxía e funcionamento das empresas.

* Evolución socio-económica do sector.

* Situación e tendencia do mercado de traballo.

Contidos actitudinais

* Respecto pola saúde persoal e colectiva.

* Interese polas condicións de saúde no traballo.

* Valoración do ambiente como patrimonio común.

* Interese por coñecer e respecta-las disposicións legais polas que se rexen os contratos laborais.

* Valoración e cumprimento da normativa laboral.

* Igualdade ante as diferencias socioculturais e trato non discriminatorio en tódolos aspectos inherentes á relación laboral.

* Toma de conciencia dos valores persoais.

* Actitude emprendedora e creativa para adaptarse ás propias necesidades e aspiracións.

* Preocupación polo mantemento da ética profesional.

* Valoración da importancia da utilización dos bens de uso común e público, así como bens libres de uso cotián, por exemplo a auga.

* Valoración crítica dunha economía de mercado.

* Valoración positiva da actuación do traballo en equipo.

* Toma de consciencia de que as cooperativas que se están constituíndo coa finalidade fundamental de crear emprego.

4. Ordenación académica e impartición:

4.1. Criterios de prioridade na admisión de alumnado para acceder a este ciclo formativo:

Na admisión de alumnos en centros sostidos con fondos públicos a este ciclo formativo, cando non existan prazas suficientes, aplicaranse sucesivamente os seguintes criterios de prioridade:

* Ter cursada algunha das seguintes modalidades de bacharelato:

* Ciencias da natureza e da saúde.

* Humanidades e ciencias sociais.

* O expediente académico do alumno no que se valorará a nota media.

4.2. Profesorado:

4.2.1. Especialidade do profesorado con atribución docente nos módulos profesionais do ciclo formativo de documentación sanitaria:

Nº	Módulo profesional	Especialidade do profesorado	Corpo

1	Organización de arquivos clínicos	Procedementos sanitarios e asistenciais	Profesor técnico de FP
2	Definición e tratamento de documentación clínica	Procesos sanitarios	Profesor de ensino secundario
3	Codificación de datos clínicos e non clínicos	Procesos sanitarios	Profesor de ensino secundario
4	Validación e explotación das bases de datos sanitarias	Procedementos sanitarios e asistenciais	Profesor técnico de FP
5	Aplicacións informáticas xerais	Procedementos sanitarios e asistenciais Sistemas e aplicacións informáticas	Profesor técnico de FP Profesor técnico de FP
6	Relacións no contorno de traballo	Formación e orientación laboral	Profesor de ensino secundario
7	Formación e orientación laboral	Formación e orientación laboral	Profesor de ensino secundario

4.2.2. Materias de bacharelato que poden ser impartidas polo profesorado das especialidades relacionadas neste decreto:

Materias	Especialidade do profesorado	Corpo

Bioloxía	Procesos sanitarios	Profesor de ensino secundario
Economía	Formación e orientación laboral (1)	Profesor de ensino secundario
Economía e organización de empresas	Formación e orientación laboral (1)	Profesor de ensino secundario

(1) Título de licenciado en administración e dirección de empresas, licenciado en ciencias empresariais, licenciado en ciencias actuariais e financeiras, licenciado en economía, licenciado en investigación e técnicas de mercado, diplomado en ciencias empresariais e diplomado en xestión e administración pública.

4.2.3. Titulacións declaradas equivalentes para efectos de docencia:

As titulacións declaradas equivalentes, para efectos de docencia, para o ingreso nas especialidades do corpo de profesores de ensino secundario deste título son as que figuran na táboa. Tamén son equivalentes para efectos de docencia as titulacións homóloga-las especificadas segundo o R.D. 1954/1994, do 30 de setembro.

Especialidade do profesorado	Titulación declarada equivalente para efectos de docencia

Procesos sanitarios	-Diplomado en enfermería
Formación e orientación laboral	-Diplomado en ciencias empresariais-Diplomado en relacións laborais-Diplomado en traballo social-Diplomado en educación social-Diplomado en xestión e administración pública

4.3. Requisitos mínimos de espacios e instalacións para impartir estas ensinanzas:

De conformidade co establecido no R.D. 777/1998, do 30 de abril, o ciclo formativo de formación profesional de grao superior de documentación sanitaria require, para a impartición das ensinanzas relacionadas neste decreto, os seguintes espacios mínimos:

Espacio formativo	Superficie (30 alumnos)	Superficie (20 alumnos)	Grao de utilización

Aula polivalente	60 m	40 m	45%
Aula de informática	90 m	60 m	55%

* A superficie indicada na segunda columna da táboa corresponde ó número de postos escolares establecido no artigo 35 do R.D. 1004/1991, do 14 de xuño. Poderán autorizarse unidades para menos de trinta postos escolares, polo que será posible reducilos espacios formativos proporcionalmente ó número de alumnos, tomando como referencia para a determinación das superficies necesarias as cifras indicadas nas columnas segunda e terceira da táboa.

* O grao de utilización expresa en tanto por cento a ocupación en horas do espacio prevista para a impartición das ensinanzas, por un grupo de alumnos, respecto da duración total destas ensinanzas.

* Na marxe permitida polo grao de utilización, os espacios formativos establecidos poden ser ocupados por outros grupos de alumnos que cursen o mesmo ou outros ciclos formativos, ou outras etapas educativas.

* En todo caso, as actividades de aprendizaxe asociadas ós espacios formativos (coa ocupación expresada polo grao de utilización) poderán realizarse en superficies utilizadas tamén para outras actividades formativas afíns.

* Non debe interpretarse que os diversos espacios formativos identificados deban diferenciarse necesariamente mediante pechamentos.

4.4. Validacións, correspondencias e acceso a estudios universitarios:

4.4.1. Módulos profesionais que poden ser obxecto de validación coa formación profesional ocupacional:

* Organización de arquivos clínicos.

* Codificación de datos clínicos e non clínicos.

* Validación e explotacións das bases de datos sanitarias.

* Aplicacións informáticas xerais.

4.4.2. Módulos profesionais que poden ser obxecto de correspondencia coa práctica laboral:

* Organización de arquivos clínicos.

* Codificación de datos clínicos e non clínicos.

* Validación e explotacións das bases de datos sanitarias.

* Formación e orientación laboral.

* Formación en centros de traballo.

4.4.3 Acceso a estudios universitarios:

* Mestre (en tódalas súas especialidades).

* Diplomado en educación social.

* Diplomado en enfermería.

* Diplomado en fisioterapia.

* Diplomado en logopedia.

* Diplomado en podoloxía.

* Diplomado en terapia ocupacional.

* Diplomado en traballo social.

4.5. Distribución horaria:

* Os módulos profesionais deste ciclo formativo organízanse da seguinte forma:

Horas totais	Denominación dos módulos

1º, 2º e 3º trimestre
130	Organización de arquivos clínicos
110	Definición e tratamento de documentación clínica
290	Codificación de datos clínicos e non clínicos
110	Convalidación e explotación das bases de datos sanitarias
80	Aplicacións informáticas xerais
55	Relacións no contorno de traballo
80	Proxecto integrado
55	Formación e orientación laboral
4º trimestre
440	Formación en centros de traballo

* As horas de libre disposición do centro neste ciclo formativo son 50, que se utilizarán nos tres primeiros trimestres.