A Fundación Centro de Transfusión de Galicia anuncia a admisión de ofertas para a adquisición das seguintes subministracións para a extracción de sangue:

-Bolsas cuádruples SAG-M de 450 ml.

-Equipos dun só uso de aférese, sistemas aberto e cerrado, para a obtención de plaquetas, plasma e hemacía.

-Bolsas de recollida, procesamento e conxelación de sangue de cordón umbilical.

-Bolsas de transferencia.

-Agullas para fístula.

-Fotoinactivación do plasma con azul de metileno.

O cadro de características no que figuran as condicións das ofertas está á disposición dos interesados no Centro de Transfusión de Galicia, Avda. Monte da Condesa, s/n, 15706 Santiago de Compostela, en días hábiles das 9 ás 15 horas.

As proposicións poderanse presentar no Centro de Transfusión de Galicia, ou por correo. Deberán presentarse en sobre cerrado dirixido ó administrador; no exterior do sobre deberá consta-la referencia: Bolsas/2000. O prazo de presentación de ofertas rematará ás 15 horas do vindeiro 5 de xuño de 2000.

A apertura de proposicións económicas comunicarase oportunamente.

Santiago de Compostela, 15 de maio de 2000.

Roberto García de Villaescusa Collazo

Director técnico da Fundación

Centro de Transfusión de Galicia