Por acordo do Concello Pleno do día 31 de marzo de 2000, foi aprobado o prego de cláusulas administrativas particulares para a venda mediante poxa restrinxida dun ben patrimonial, propiedade do concello de Vilagarcía de Arousa, parcela edificable de 1.174 m no sector do Plan parcial do Castriño, con destino ó uso concreto e específico de centro de atención e tratamento integral de parálise cerebral.

Tipo de licitación: fíxase en 4.100.000 ptas. A mellora realizarase á alza con respecto ó tipo de licitación.

O adxudicatario estará obrigado a aboa-lo IVE correspondente.

Fianza provisional: fíxase en 82.000 ptas.

Exposición do expediente: na Secretaría do Concello, tódolos días laborables, durante as horas de oficina, agás o sábado.

Prazo e lugar de presentación das proposicións: na Secretaría do Concello, de 9.30 a 13.30 horas, durante o prazo de vinteseis días hábiles, contados a partir do seguinte ó da publicación do último anuncio de licitación no BOP ou no Diario Oficial de Galicia.

Apertura de plicas: no concello, ás 12 horas do quinto día hábil seguinte ó do remate do prazo de presentación de propostas.

Proposicións: deberán presentarse conforme o modelo que consta no prego de cláusulas administrativas particulares.

Documentos que deben presenta-los licitadores: a documentación que presentarán os licitadores é a prevista na cláusula VII do prego de cláusulas administrativas particulares.

Vilagarcía de Arousa, 2 de maio de 2000.

Manuel Rodríguez Cuervo

Alcalde