Obxecto do contrato: é a concesión administrativa da xestión e administración do mercado de abastos de Santiago de Compostela.

Duración: o prazo da concesión establécese en vintecinco anos improrrogables, computados desde a data de notificación do acordo de adxudicación.

Canon: os licitadores fixarán nas súas propostas o canon que aboarán ó concello. Este poderá consistir nunha cantidade ou nunha porcentaxe dos beneficios.

Tarifas: o importe liquidado en concepto de tarifas constituirá a contraprestación económica do concesionario.

Os licitadores ofertarán un cadro de tarifas para satisfacer polos titulares das actividades desenvolvidas no recinto do mercado, de acordo cos conceptos e estructura da taxa regulada na ordenanza fiscal municipal, aínda que se incorporarán aqueles conceptos recollidos no regulamento que non se inclúen na ordenanza vixente, como é o prezo base de cada caseta para traspaso.

As tarifas actualizaranse co IPC acumulado o 31 de decembro, unha vez transcorrido un ano desde a adxudicación.

Procedemento e forma de adxudicación: o contrato adxudicarase por concurso por procedemento aberto.

Proposicións, lugar e prazo de presentación: os licitadores poderán presentar proposicións no Rexistro Xeral de Entrada do Concello de Santiago de Compostela dentro do prazo de 26 días naturais, que comezarán a contarse desde o día seguinte ó da data da última das publicacións que corresponden facer no Diario Oficial de Galicia e no BOP.

Criterios de adxudicación: son os sinalados no prego de cláusulas económico-administrativas.

Garantías:

Provisional: 100.000 ptas.

Definitiva: 1.000.000 de ptas.

Documentación: información e documentación: Concello de Santiago de Compostela (Departamento de Contratación-Servicios). Telf.: 981 54 23 24. Fax: 981 57 76 27.

Apertura de plicas: terá lugar en acto público na Casa do Concello de Santiago de Compostela (Secretaría) ás 12 h, do quinto día hábil seguinte a aquel no que finalice o prazo de presentación de proposicións.

Modelo de proposición:

D...., con domicilio en... rúa... nº... teléfono... con DNI (ou pasaporte ou documento que os substitúa) nº... actuando en nome propio (ou en representación de... DNI ou CIF nº... e domicilio en... participa no concurso, por procedemento aberto, para a adxudicación da xestión do mercado de abastos de Santiago de Compostela en réxime de concesión, e para os efectos fai constar:

1) Que ofrece o prezo de:

Canon:...

Tarifas:...

2) Que coñece e acepta cantas obrigas se deriven dos pregos de condicións deste contrato.

3) Que achega a documentación esixida no prego de condicións.

En... o... de... de 2000.

O licitador (asinado e rubricado)

Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do concello, durante o prazo de oito días hábiles, contados a partir da publicación deste anuncio no BOP.

Santiago de Compostela, 11 de maio de 2000.

P.D.

Luis Toxo

Tente alcaldde