En atención ós méritos que concorren en Manuel Cordo Boullosa, e ó abeiro do disposto no artigo 4 do Decreto 1/1991, do 11 de xaneiro, polo que se regula a concesión da Medalla de Galicia, modificado polo Decreto 166/1995, do 16 de xuño, é vontade do goberno galego outorgarlle, a título póstumo, a súa máis alta distinción.
Polo tanto, e logo de acordo do Consello da Xunta de Galicia na súa reunión do día sete de xuño de dous mil, concederlle-la Medalla de Ouro de Galicia a Manuel Cordo Boullosa (a título póstumo).
Santiago de Compostela, sete de xuño de dous mil.
Manuel Fraga Iribarne
Presidente
Jaime Alberto Pita Varela
Conselleiro da Presidencia e Administración Pública