Con data do 22 de maio de 2000, o alcalde-presidente da Xerencia Municipal de Urbanismo adoptou a seguinte resolución:

«Primeiro.-Aprobar inicialmente a delimitación do polígono sito entre as rúas Avda. de Galicia e rúa «D» lateral en Teis (Exp. 5834/411), solicitada por Carlos Alberto Bagato, en representación de Inversiones Cota Mil, S.L., cunha superficie total de 10.164,00 m, dos que corresponden o 88,29% a Inversiones Cota Mil, S.L., mentres que o restante 11,71% é de propiedade de Rafael e Ramón Alonso Martínez.

Segundo.-Determinar inicialmente como sistema de actuación aplicable para a execución do polígono o de compensación.

Terceiro.-Somete-lo expediente ó trámite de información pública polo prazo de 20 días contados desde o seguinte ó da publicación no DOG con citación persoal ós propietarios afectados».

A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 31 de maio de 2000.

Lóis Pérez Castrillo

Alcalde-presidente da Xerencia Municipal

de Urbanismo