Como consecuencia de cambios producidos na denominación de certos programas de gastos establecidos na Lei 7/1999, do 29 de decembro, de orzamentos xerais da Comunidade Autónoma para 2000 e da xeración de crédito por contribución da Unión Europea, producíronse variacións na clasificación económica do orzamento de gastos que afecta a algunha das aplicacións orzamentarias comprendidas na Orde do 14 de xuño de 1999, que autoriza a emitir ordes de pagamento para xustificar con cargo ás devanditas aplicacións.

Polo exposto e co obxecto de actualiza-las aplicacións orzamentarias incluídas no anexo da citada orde,

DISPOÑO:

Artigo único.-Como anexo a esta orde relaciónanse novas aplicacións orzamentarias con cargo ás que se poderán emitir ordes de pagamento para xustificar, así como aqueloutras que se suprimen, comprendidas na Orde do 14 de xuño de 1999.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 30 de xuño de 2000.

José Antonio Orza Fernández

Conselleiro de Economía e Facenda