Por resolución da Alcaldía do 28 de agosto de 2000, préstaselle aprobación ó prego de cláusulas administrativas que rexerán o procedemento para a contratación das obras que se referencian. Exponse ó público por prazo de oito días hábiles, contados a partir do seguinte ó da publicación deste anuncio no BOP, para que poida presentar reclamacións quen se considere interesado.

Simultaneamente anúnciase o concurso, se ben a licitación se aprazará canto resulte necesario, de presentarse reclamacións ó prego.

1. Entidade adxudicadora: Concello da Rúa de Valdeorras, Velázquez, 2, 32350-A Rúa de Valdeorras (Ourense).

2. Obxecto do contrato: abastecemento e saneamento en Fontei, conforme o prego de cláusulas administrativas e proxecto técnico redactado polo enxeñeiro de camiños José Mª Sorribes Escribá, e aprobado polo Concello Pleno na súa sesión ordinaria do 19-6-2000.

Prazo de execución: tres meses.

3. Tramitación: ordinaria.

Procedemento: aberto.

Forma: concurso.

4. Tipo de licitación: 12.499.522 ptas. (75.123,64 euros) IVE e demais tributos incluídos.

5. Garantías.

Provisional: 249.990 ptas. (1.502,47 euros).

Definitiva: 499.981 ptas. (3.004,95 euros).

6. Obtención de información e documentación: na Secretaría do Concello da Rúa de Valdeorras, Velázquez, 2, 32350 A Rúa de Valdeorras (Ourense). Teléfono: 988 31 01 16. Fax: 988 31 13 21.

7. Requisitos xerais do contratista: sinalados no prego de condicións administrativas.

Clasificación: non se esixe.

8. Presentación de proposicións.

a) Prazo e lugar: no Concello da Rúa de Valdeorras, durante os 26 días naturais, desde o seguinte ó da publicación do presente anuncio no último dos boletíns no que apareza (BOP ou DOG), de 9 a 14 horas, de luns a venres, e sábados de 9 a 13 horas, no rexistro xeral do concello.

b) Documentación que hai que presentar.

Proposición para tomar parte na licitación para a contratación das obras de abastecamento e saneamento en Fontei polo procedemento aberto mediante concurso, convocado polo Concello da Rúa de Valdeorras.

Constarán de dous sobres A e B, que conterán a documentación sinalada na cláusula 16 do prego de condicións particulares, denominados:

Sobre A) Documentación acreditativa da personalidade e características do contratista e garantía depositada.

Sobre B) Oferta económica e criterios diferentes ó do prezo ou alternativas ó obxecto do contrato.

9. Apertura de ofertas: ás doce horas do sexto día hábil seguinte ó de finalización do prazo de prazo de presentación de proposicións, condiderándose para este caso inhábil o sábado.

10. Gastos de anuncios: por conta do adxudicatario.

A Rúa de Valdeorras, 28 de agosto de 2000.

José Antonio Míguez Freire

Alcalde