Pola Orde do 6 de marzo de 2000 (DOG do 4 de maio) convócanse os centros de ensinanzas non universitarias para incorporarse á bolsa de entidades colaboradoras no programa de prestación social substitutoria do servicio militar.
As solicitudes formuladas polos interesados foron remitidas a esta Vocalía da Comisión Galega de Obxección de Conciencia da Consellería de Educación e Ordenación Universitaria, polas delegacións provinciais, clasificadas segundo a modalidade do programa solicitado.
Emitido o informe de conformidade da Dirección Xeral de Centros e Inspección Educativa e conforme se indica no punto sétimo da orde de convocatoria, esta dirección xeral
RESOLVE:
Primeiro.-Autoriza-los centros de ensinanzas non universitarias, que se indican no anexo, a incorporarse como entidades colaboradoras no desenvolvemento dos programas para realiza-la prestación social substitutoria do servicio militar, no ámbito educativo.
Segundo.-Remiti-la relación de centros de ensinanzas non universitarias que figuran no anexo a esta resolución á Comisión Galega de Obxección de Conciencia-Dirección Xeral de Xustiza e Administración Local da Consellería de Xustiza, Interior e Relacións Laborais, para que se inclúan na bolsa de entidades colaboradoras.
Terceiro.-Os centros autorizados terán un responsable dos programas, que será a directora ou director do centro ou persoa na que delegue, e terá como funcións as seguintes:
a) Dirección, asignación e supervisión das actividades que realizará o colaborador social, facilitándolle preparación e adestramento axeitados para a realización das tarefas asignadas.
b) Supervisión do cumprimento da colaboración, levando o libro de incidencias sobre cumprimento da xornada, así como a autorización dos permisos regulamentarios que lles correspondan ós colaboradores sociais e a comunicación cos coordinadores provinciais de cada delegación.
c) Darlles ós colaboradores sociais a debida información sobre os seus dereitos e deberes, asegurándolles unha axeitada atención persoal.
Cuarto.-Calquera modificación que pretendan realiza-los centros ós programas autorizados deberá ser de novo autorizada pola Dirección Xeral de Ordenación Educativa e Formación Profesional, debendo formula-la solicitude e xunta-la documentación que se indica no punto décimo segundo da orde da convocatoria.
Quinto.-A autorización dos centros educativos como entidades colaboradoras será prorrogable sempre que non se acorde a disolución da colaboración por parte do centro. Neste caso deberá comunicarllo, cunha antelación de seis meses e indicando as causas xustificativas, á Vocalía da Comisión Galega de Obxección de Conciencia da Consellería de Educación e Ordenación Universitaria -Dirección Xeral de Ordenación Educativa e Formación Profesionalque resolverá o que proceda.
Sexto.-Contra esta resolución os interesados poderán interpoñer recurso de alzada perante o conselleiro de Educación e Ordenación Universitaria no prazo dun mes a partir do día seguinte ó da publicación no Diario Oficial de Galicia, segundo o disposto nos artigos 114 e 115 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común.
Santiago de Compostela, 27 de xullo de 2000.
María Pilar del Mar Pérez Marsó
Directora xeral de Ordenación Educativa
e Formación Profesional
Vocal da Comisión Galega de Obxección
de Conciencia
ANEXO
Relación de centros de ensinanzas non universitarias autorizados para incorporarse á bolsa de oferta de entidades colaboradoras co programa de prestación social substitutoria do servicio militar, segundo o establecido na Orde do 6 de marzo de 2000 (DOG do 4 de maio):
Provincia: A Coruña.
Centro de ensino Concello Modalidade
Instituto de educación secundaria Isidro Parga Pondal Carballo A
Instituto de educación secundaria Cabo Ortegal Cariño A
Colexio de educación infantil e primaria Labaca Coruña, A B
Instituto de educación secundaria Fernando Wirtz Coruña, A A
Centro de ensino Concello Modalidade
Instituto de educación secundaria Rafael Dieste Coruña, A B
Instituto de educación secundaria Eduardo Blanco Amor Culleredo A/B
Colexio de educación infantil e primaria Francisco López Estrada Mañón A/B
Colexio privado Santiago Apóstol Narón A
Escola de educación infantil Esquío Oleiros A
Colexio de educación infantil e primaria A Fraga Pontes, As B
Colexio privado La Inmaculada Santiago de C. A/B
Provincia: Lugo.
Centro de ensino Concello Modalidade
Colexio de educación infantil e primaria Galdín Cervo B
Escola de hostalería Belarmino Fernández Iglesias Sober B
Colexio de educación infantil e primaria Antonio Pedrosa Latas Viveiro A
Provincia: Ourense.
Centro de ensino Concello Modalidade
Colexio privado Sagrado Corazón Carballiño, O B
Provincia: Pontevedra.
Centro de ensino Concello Modalidade
Colexio de educación infantil e primaria Valeixe Cañiza, A B
Instituto de educación secundaria Manuel García Barros Estrada, A B
Colexio de educación infantil e primaria de Seixo Marín A
Colexio de educación infantil e primaria A Guía Moaña A/B
Colexio de educación infantil e primaria Quintela Moaña B
Colexio de educación infantil e primaria Seara Moaña B
Colexio público integrado Ribeira Torneiros Porriño, O A/B
Colexio rural agrupado Ponteareas A
Colexio de educación infantil e primaria de Marcón Pontevedra B
Colexio de educación infantil e primaria Alexandre Bóveda Redondela B
Colexio rural agrupado Tomiño A
Colexio rural agrupado Tui A/B
Colexio de educación primaria Xesús Ferro Couselo Valga A
Colexio de educación primaria Santa Tegra Vigo B
Colexio privado Apóstol Santiago Vigo B
Colexio privado Hijas de María Inmaculada Vigo A/B
Colexio privado María Auxiliadora Vigo A/B
Escola de educación infantil Aragón Vigo A
Escola de educación infantil Monte do Alba Vigo B
Colexio de educación infantil e primaria Virxe do Rocío Vigo B
Colexio de educación infantil e primaria O Piñeiriño Vilagarcía de A. A