Para os efectos previstos no artigo 11 do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, sométese a información pública a solicitude de autorización administrativa do parque eólico de Larouco, coas seguintes características básicas:
Denominación: parque eólico de Larouco.
Solicitante: Iberdrola Diversificación, S.A.
Domicilio social: Iparaguirrre nº 12, 48009 Bilbao (Vizcaya).
Situación: terreos situados nos concellos de Baltar; Cualedro e Xinzo de Limia.
Delimitación, potencia: as coordenadas (UTM) (m) do polígono que delimita a zona de implantación son:
Punto UTM-x UTM-y
1 608000 4641000
2 609000 4640000
3 613500 4645500
4 612500 4646000
O parque eólico de Larouco disporá dun conxunto de 49 aeroxeradores de 850 kW de potencia unitaria, o que suma unha potencia bruta total de 41,65 mW.
Alegacións; solicitudes en competencia: todas aquelas persoas ou entidades que se consideren afectadas poderán presenta-las súas alegacións nesta delegación provincial no prazo de vinte días. En igual prazo presentaranse as solicitudes en competencia, que se axustarán ó disposto no artigo 10 do citado decreto.
Ourense, 19 de outubro de 2000.
Alfredo Cacharro Pardo
Delegado provincial de Ourense
