I. O Plan parcial do polígono de Esteiro en Ferrol, aprobado por orde do Ministerio da Vivenda do 30 de marzo de 1974 e modificado por Orde do 4 de febreiro de 1977, foi obxecto de posterior reforma, dando lugar ó Plan parcial reformado que foi aprobado definitivamente por acordo do Pleno municipal do 31 de xaneiro de 1984.

II. No dito Plan parcial reformado determináronse catro grupos de parcelas obxecto de expropiación para a ampliación do polígono, se ben parte delas xa foron afectadas polo expediente expropiatorio tramitado polo Instituto Nacional de Urbanización para a execución do denominado proxecto de saneamento e accesos ó Polígono de Esteiro na zona das Telleiras.

III. Por resolución deste IGVS do 31 de maio de 1993 someteuse a información pública a relación de bens e dereitos que se van expropiar para a exe

cución do Plan parcial reformado, comprendéndose na dita relación aqueles catro grupos de parcelas.

IV. O IGVS tramitou expediente expropiatorio relativo ás parcelas dos grupos A e B, que foi aprobado definitivamente por Resolución do 29 de maio de 1997, do delegado provincial da Consellería de Política Territorial, Obras Públicas e Vivenda da Xunta de Galicia, quedando pendente a expropiación das parcelas integrantes dos grupos C e D.

V. Co fin de proceder á expropiación das ditas parcelas, para a total execución do Plan parcial reformado, realizouse unha nova investigación do seu estado físico e xurídico, e para efectos de declara-la súa necesidade de ocupación e a dos bens e dereitos afectados así como a determinación dos seus respectivos titulares, de conformidade co establecido no artigo 17 da Lei de expropiación forzosa e no artigo 16 do seu regulamento, procede formula-la dita relación e sometela á información pública por

prazo de quince días mediante anuncio no DOG, BOP e diario de maior circulación da provincia.

Durante o dito prazo os interesados poderán formular alegacións sobre a procedencia da ocupación e sobre o estado material ou legal dos bens e dereitos afectados, debendo achega-los datos e documentos que permitan a acreditación ou, se é o caso, rectificación das titularidades e circunstancias dos bens e dereitos contidos na relación.

O expediente estará exposto durante o dito prazo nas oficinas da Delegación Provincial do IGVS na Coruña, sitas na 9ª planta do edificio administrativo de Monelos (Polígono de Elviña), e no Concello de Ferrol.

Santiago de Compostela, 16 de novembro de 2000.

José Antonio Redondo López

Director xeral do Instituto Galego

da Vivenda e Solo

Relación de bens e dereitos. Plan parcial reformado do polígono de Esteiro (Ferrol)