Por resolución da Alcaldía do 12 de febreiro de 2001 aprobouse o prego de cláusulas administrativas particulares que rexerán a contratación do aluguer dun ben inmoble para destinalo a albergue turístico, o que se expón ó público, na secretaría do concello, por prazo de oito días naturais, contados desde a publicación do presente anuncio no BOP e no DOG, durante o cal tódolos interesados poderán presenta-las reclamacións que estimen oportunas.

Simultaneamente anúnciase licitación para adxudica-lo contrato segundo o seguinte detalle:

1. Entidade adxudicadora: Concello de Vilar de Santos. O expediente tramítase na secretaría, dependencia na que se pode obte-la documentación e información necesaria.

2. Obxecto do contrato e prazo de execución: constitúe o obxecto do contrato o arrendamento do seguinte ben inmoble patrimonial, de titularidade municipal, para dedicalo á súa explotación como albergue turístico durante un prazo de 5 anos.

-Edificio e terreo que o rodea, situado en r/ Celanova nº 13, Vilar de Santos, que consta de dúas plantas de 357 metros cadrados en total, edificado sobre un terreo de 1.030 metros cadrados e que linda ó sur coa estrada C-531, ó norte con monte comunal, ó oeste con camiño público e ó leste coa vivenda nº 15, de herdeiros de David Gómez.

3. Tramitación, procedemento e forma de adxudicación: tramitación ordinaria por procedemento aberto e concurso.

4. Canon de arrendamento: o canon polo arrendamento fíxase nas seguintes cantidades, IVE excluído:

5. Fianza provisional: non se esixe.

6. Presentación de proposicións. Prazo: o prazo será de 15 días naturais contados a partir do día seguinte ó de inserción do presente anuncio de licitación no BOP de Ourense e no Diario Oficial de Galicia. Se a publicación do anuncio nos diferentes boletíns se efectuase en días diferentes, o prazo empezará a computarse a partir da última publicación e se o último día do prazo fose inhábil ou sábado o prazo finalizará o primeiro hábil seguinte. Lugar: no rexistro xeral do concello, r/ Celanova, 77, 32650 Vilar de Santos, tlf. 988 46 58 83, fax 988 46 58 63, de luns a venres, excluídos os días festivos, de 9 a 14 horas. Documentación que hai que presentar: a que se sinala na cláusula 9 do prego de cláusulas administrativas. Prazo de vinculación da oferta: tres meses desde, como máximo, a apertura de proposicións. Modelo de proposición: figura no prego.

7. Apertura das ofertas: ás 18 horas do quinto día hábil (excluídos sábados) posterior ó de remate do prazo de presentación das propostas.

8. Gastos dos anuncios: os gastos que xere esta contratación serán por conta do adxudicatario.

Vilar de Santos, 19 de febreiro de 2001.

Xosé Antón Jardón da Cal

Alcalde