O Consello da Xerencia Municipal de Urbanismo, en sesión do 22 de febreiro de 2001, adoptou, entre outros, o seguinte acordo:

Primeiro.-Aprobar inicialmente o estudio de detalle da unidade de actuación V.D. do PERI IV-05 Travesía de Vigo-Aragón, presentado con data do 28 de xullo de 2000 pola Comunidade de Bens Bardelás, González e Simón, redactado polos arquitectos Guillén, Mateos e Llópiz, e con visado do COAG con datas do 26 de xullo, 4 de decembro de 2000 e 18 de xaneiro.

Segundo.-Someter este acordo ó trámite de información pública polo prazo dun mes, mediante a inserción de anuncios no DOG e nun dos xornais de maior circulación da provincia, así como notificación individual ós propietarios dos terreos afectados.

O prazo de exposición ó público entenderase aberto desde a primeira publicación ata o remate do mes, contado desde o último anuncio. A documentación atópase na Oficina de Información da Xerencia Municipal de Urbanismo ó dispor do público, planta baixa do edificio da xerencia.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren desco

ñecidos ou ignorando o seu enderezo, non poidan ser notificados persoalmente.

Vigo, 12 de marzo de 2001.

Lois Pérez Castrillo

Alcalde-presidente da Xerencia Municipal

de Urbanismo