Aprobado polo Concello Pleno, na súa sesión do 22-3-2001, o prego de cláusulas administrativas particulares que rexerán no concurso, con procedemento aberto e trámite ordinario, para adquirir determinados e concretos bens inmobles, exponse ó público polo prazo de oito días contados a partir do seguinte hábil ó da derradeira publicación deste anuncio no BOP ou Diario Oficial de Galicia.

Simultaneamente anúnciase o concurso, aínda que a licitación se aprazará, cando resulte necesario, no suposto de que se formulen reclamacións contra o prego.

1. Entidade adxudicadora.

a) Organismo: Concello de Redondela (Pontevedra).

b) Dependencia: Urbanismo, Vías e Obras.

2. Obxecto do contrato.

a) Descrición: adquisición dos seguintes bens inmobles para destinar ó Servicio de Vías e Obras:

Nave e terreos sobre os que se sitúa, dunha superficie mínima construída de 1.000 m, e terreos anexos á referida nave, dunha superficie mínima de 1.500 m, situados no termo municipal de Redondela.

As condicións mínimas que deben reunir son as seguintes:

a) Cercanía ó núcleo urbano central.

b) Boa comunicación rodada, a menos de 300 m dunha estrada nacional.

c) Facilidade para entrada, manobras e saída de camións.

d) Capacidade da superficie non construída para ser un almace ó aire libre.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación.

Importe total: 50.000.000 de pesetas, equivalentes a 300.506,052 euros, á baixa.

5. Garantías.

a) Provisional: 2% do orzamento establecido como tipo de licitación.

b) Definitiva: 4% do importe da adxudicación.

6. Requisitos do contratista.

Ter plena capacidade de obrar e non atoparse incurso nalgunha das circunstancias que se enumeran no artigo 20 do texto refundido da Lei de contratos das administracións públicas.

7. Obtención de documentación e información.

a) Entidade: Concello de Redondela (Negociado de Urbanismo).

b) Domicilio: Alfoso XII, 2.

c) Localidade e código postal: Redondela, 36800.

d) Teléfono: 986 40 03 00.

e) Telefax: 986 40 38 94.

f) Data límite de obtención de documentación e información: ata o día de remate do prazo de presentación de proposicións.

8. Presentación de ofertas.

a) Prazo: 26 días naturais contados a partir do seguinte ó da derradeira publicación deste anuncio no BOP ou no Diario Oficial de Galicia.

Se o último día do prazo cadrase en sábado ou inhábil, entenderase prorrogado ó primeiro día hábil seguinte.

b) Documentación: a esixida no prego de cláusulas administrativas particulares.

c) Lugar de presentación:

-Entidade: Concello de Redondela.

-Domicilio: Alfonso XII, 2.

-Localidade e código postal: Redondela, 36800.

d) Prazo durante o que o licitador está obrigado a mante-la súa oferta: 3 meses contados desde a apertura de proposicións.

9. Apertura de ofertas.

a) Entidade: Concello de Redondela.

b) Domicilio: Alfonso XII, 2.

c) Localidade: Redondela (Pontevedra).

d) Data: o día seguinte hábil, non sábado, ó do remate do prazo de presentación de ofertas.

e) Hora: 12 horas.

10. Outras informacións.

O modelo de proposicións axustarase á cláusula 11ª do prego de cláusulas administrativas particulares.

11. Gastos anuncios.

Serán por conta do adxudicatario.

Redondela, 23 de marzo de 2001.

Xaime Rei Barreiro

Alcalde