DOG 68 do 05/04/2001 - RESOLUCIÓN do 23 de marzo de 2001 do tribunal designado para xulga-lo proceso selectivo para o ingreso no corpo superior da Xunta de Galicia, grupo A, escala superior de finanzas, convocado por Orde do 17 de xullo de 2000 (Diario Oficial de Galicia número 147, do 31 de xullo), pola que se anula unha resposta do test, se anuncia o criterio de conversión da puntuación, se publica a relación de opositores que superaron o primeiro exercicio e se convoca para a realización do segundo exercicio.

IV. OPOSICIÓNS E CONCURSOS

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 23 de marzo de 2001 do tribunal designado para xulga-lo proceso selectivo para o ingreso no corpo superior da Xunta de Galicia, grupo A, escala superior de finanzas, convocado por Orde do 17 de xullo de 2000 (Diario Oficial de Galicia número 147, do 31 de xullo), pola que se anula unha resposta do test, se anuncia o criterio de conversión da puntuación, se publica a relación de opositores que superaron o primeiro exercicio e se convoca para a realización do segundo exercicio.

En sesión ordinaria que tivo lugar o día 23 de marzo de 2001, o tribunal adoptou os seguintes acordos:

Primeiro.-Anula-la pregunta nº 82, correspondente ó exercicio tipo test da quenda de acceso libre, materia xurídica, opción B, porque a súa formulación podería condicionar de maneira importante a contestación correcta e dificultaría que na citada proba quedase garantido, en todo caso, que se poñan de manifesto as condicións do coñecemento e aptitude dos aspirantes, como esixe a normativa vixente.

Segundo.-Adoptar como regra de conversión de equiparación entre a cualificación obtida polos aspirantes, no dito exercicio, na convocatoria realizada pola Orde do 30 de outubro de 1997, e a cualificación obtida nesta convocatoria, a regra de tres simple.

Terceiro.-Publicar, nos lugares indicados na base II.2.5 da convocatoria, a relación de opositores que superaron o primeiro exercicio.

Cuarto.-Convoca-los opositores da quenda libre e os de promoción interna para a realización do segundo exercicio, o día 28 de abril de 2001, sábado, ás 9 horas na facultade de Dereito de Santiago de Compostela.

Os aspirantes deberán comparecer no lugar indicado media hora antes da sinalada para o comezo do exercicio, provistos de DNI ou documento fide

digno acreditativo da súa identidade, a xuízo do tribunal.

Para a resolución dos casos prácticos, poderán servirse os opositores de textos legais sen comentarios, excluíndose os libros de consulta; e poderán acudir con calculadora non programable.

Santiago de Compostela, 23 de marzo de 2001.

Gonzalo Vázquez Rivas

Presidente do tribunal