Estase a tramitar no oganismo autónomo Augas de Galicia, o expediente de extinción por caducidade da concesión outorgada por resolución do Goberno Civil de Pontevedra do 10 de outubro de 1898, a Daniel Poyán Poyán e a José Ramón Lorenzo, para aproveitar 3.500 litros de auga por segundo do río Verdugo, no lugar denominado Monte Castelo na parroquia de Insua, no concello de Ponte Caldelas con destino a producción de enerxía eléctrica para unha fábrica de productos químicos situada no predio denominado Veiguiña Longa, no concello de Soutomaior (expediente 1/298/2/1).

Por medio deste anuncio convócanse os concesionarios, Daniel Poyán Poyán e José Ramón Lorenzo, ó trámite de audiencia ó que fai referencia o artigo 163.5º en relación co artigo 165.4º do Regulamento do dominio público hidráulico, do expediente de extinción por caducidade da concesión identificada no encabezamento segundo a non construcción do aproveitamento, incumprindo o condicionado da resolución de outorgamento, así como á falta de explotación desta durante máis de tres anos consecutivos, imputable ó titular.

Para estes efectos, poderase examina-lo expediente na Demarcación Centro de Augas de Galicia, sita na praza Camilo Díaz Valiño (estación de autobuses), 15781 Santiago de Compostela, durante o prazo de 15 días, contados desde o día seguinte ó da publicación deste anuncio no Diario Oficial de Galicia, podendo alegar e presenta-los documentos e xustificacións que coiden pertinentes en relación co expediente de referencia.

O que se publica en cumprimento do disposto no punto cuarto do artigo 59 da Lei 30/1992, de réxime xurídico das administracións públicas e do procedemento administrativo común.

Santiago de Compostela, 18 de abril de 2001.

Antonio López Blanco

Xefe do Departamento de Xestión do Dominio Público Hidráulico