DOG 188 do 27/09/2001 - RESOLUCIÓN do 23 de agosto de 2001, da Dirección Xerencia do Complexo Hospitalario Xeral-Cíes de Vigo, pola que se anuncia a contratación, polo sistema de concurso, mediante procedemento e tramitación ordinaria, da subministración sucesiva de material para a realización de determinacións de hormonas e do arrendamento e mantemento dos equipos. (Expediente 17/2001).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 23 de agosto de 2001, da Dirección Xerencia do Complexo Hospitalario Xeral-Cíes de Vigo, pola que se anuncia a contratación, polo sistema de concurso, mediante procedemento e tramitación ordinaria, da subministración sucesiva de material para a realización de determinacións de hormonas e do arrendamento e mantemento dos equipos. (Expediente 17/2001).

A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 21 de abril de 1998 (DOG nº 88, do 11 de maio) modificada pola Orde de 23 de marzo de 2000, convoca a seguinte contratación:

Expediente 17/2001:

1. Obxecto: subministración sucesiva de material para a realización de determinacións de hormonas e do arrendamento e mantemento dos equipos.

2. Orzamento máximo: 14.280.650 pesetas/ano, IVE incluído (85 828,44 euros).

3. Prazo de execución: desde a data de formalización do contrato e por un prazo de 12 meses.

4. Admisión de variantes: si (ver prego de cláusulas administrativas).

5. Garantía provisional: non se esixe.

6. Forma de adxudicación: concurso público, procedemento aberto e tramitación ordinaria.

7. Clasificación: non se esixe.

8. Solvencia económica e financeira: acreditarase por calquera dos medios previstos no artigo 18 da Lei de contratos das administracións públicas (R.D.L. 2/2000, do 16 de xuño, BOE nº 148, do 21 de xuño).

9. Solvencia técnica: acreditarase por calquera dos medios previstos no artigo 18 da Lei de contratos das administracions públicas (R.D.L. 2/2000, do 16 de xuño, BOE nº 148, do 21 de xuño).

10. Criterios de adxudicación:

Ver prego de cláusulas administrativas (epígrafe 7).

11. Documentación: o prego de cláusulas administrativas particulares e demais documentación complementaria pódese solicitar na Sección de Contratación do Complexo Hospitalario Xeral-Cíes, rua Pizarro, 22, 36204 Vigo, en días laborables desde as 9 ata as 14 horas. Teléfono: 986 81 59 37 e fax: 986 81 60 65. Páxina web: www. sergas.es.

12. Prazo de presentación de proposicións: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do décimo quinto día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.

13. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal, referencias técnicas e proposición económica, descritas no prego de cláusulas administrativas.

14. Apertura de proposicións: a apertura das proposicions admitidas realizarase pola mesa de contratación, reunida en acto público, na sala de xuntas do Hospital Xeral ás 8.30 horas do décimo primeiro día natural contado a partir do seguinte a aquel en que remate o prazo de presentación de ofertas, no caso de que coincida en sábado ou festivo, a apertura das proposicións terá lugar no día hábil seguinte.

15. Anuncios: o importe do anuncio do presente concurso público será por conta dos adxudicatarios.

Vigo, 23 de agosto de 2001.

José Manuel González Álvarez

Director xerente do Complexo Hospitalario

Xeral-Cíes de Vigo