DOG 188 do 27/09/2001 - RESOLUCIÓN do 17 de setembro de 2001, da División de Recursos Económicos, pola que se anuncia contratación, polo trámite de urxencia, sistema de concurso público e procedemento aberto, para a redacción do proxecto básico e de execución e dirección das obras de reforma da unidade de cirurxía ambulatoria, hospital de día, cuberta e varias no Hospital Médico Cirúrxico de Conxo-Santiago de Compostela (A Coruña).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 17 de setembro de 2001, da División de Recursos Económicos, pola que se anuncia contratación, polo trámite de urxencia, sistema de concurso público e procedemento aberto, para a redacción do proxecto básico e de execución e dirección das obras de reforma da unidade de cirurxía ambulatoria, hospital de día, cuberta e varias no Hospital Médico Cirúrxico de Conxo-Santiago de Compostela (A Coruña).

Obxecto: redacción de proxecto básico e de execución e dirección das obras.

Obra: reforma da unidade de cirurxía ambulatoria, hospital de día, cuberta e varias no Hospital Médico Cirúrxico de Conxo-Santiago de Compostela (A Coruña).

Orzamento da contrata: 5.754.055 pesetas (34.582,57 euros).

Prazo de execución: 2 meses.

Garantía definitiva: non se esixe.

Forma de tramitación: urxente.

Exposición da documentación: poderá examinarse na División de Recursos Económicos, (Subdirección Xeral de Investimentos), ou nas direccións provinciais do Sergas nas respectivas provincias, en días hábiles das 9 ás 14 horas.

Solvencia económica, financeira e técnica: os licitadores terán que acredita-la solvencia económica, financeira e técnica, en calquera das formas previstas no texto refundido da Lei de contratos das administracións públicas.

Prazo de presentación de proposicións: deberán presentarse en man, no rexistro xeral da Consellería de Sanidade e Servicios Sociais/Sergas, ata o décimo terceiro día natural a partir do seguinte ó da publicación do concurso no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.

Documentación que deberán presenta-los licitadores: os licitadores presentarán en sobre pechado e asinado a solicitude para participar, así como a documentación persoal e referencias técnicas, descritas no punto 5 do prego de cláusulas administrativas particulares.

Criterios de adxudicación: os definidos na cláusula 7 do prego de cláusulas administrativas particulares que rexe o presente concurso.

Apertura de proposicións: será realizada pola mesa de contratación nas dependencias da División de Recursos Económicos, a partir das 9 horas do décimo primeiro día natural seguinte ó do peche do prazo de admisión de ofertas.

No caso de que o dito día coincida en sábado ou festivo, a apertura das proposicións terá lugar o día hábil seguinte.

Anuncio: os anuncios deste concurso público público serán por conta do adxudicatario do contrato.

Santiago de Compostela, 17 de setembro de 2001.

Antonio Fernández-Campa García-Bernardo

Director xeral da División

de Recursos Económicos