O Consello da Xerencia Municipal de Urbanismo, en sesión do 13 de decembro de 2001, adoptou entre outros, o seguinte acordo:
«Primeiro.-Aprobar inicialmente o proxecto modificado de estatutos e bases de actuación da U.E. I-06 Rosalía de Castro-2 (expediente 4315/401), presentado no rexistro xeral (auxiliar de urbanismo) desta Corporación con data do 14-11-2001 pola Xunta de Compasación urbanizadora do ámbito, co texto aprobado na súa asemblea xeral extraordinaria celebrada o 29-10-2001 no que, en todo caso, deberá introducirse a corrección sinalada no informe-proposta transcrito na parte expositiva deste acordo, que afecta o apartado 5 da disposición adicional 2ª das bases de actuación.
Segundo.-Requirir formalmente á Xunta de Compensación da U.E. I-06 Rosalía de Castro-2 para que proceda a practicar tal corrección con carácter previo á publicación oficial do acordo e do proxecto modificado de estatutos e bases de actuación.
Terceiro.-Cumprido o anterior, somete-lo expediente a información pública polo prazo de vinte días mediante inserción de anuncio no DOG, publicar no BOP o texto corrixido de estatutos e bases de actuación e notificar individualmente este acordo ós interesados no procedemento.
Cuarto.-A construcción e explotación dos aparcamentos públicos previstos nesta unidade de execución serán obxecto de licitación polo Concello mediante concurso público».
O prazo de información pública entenderase aberto desde o día seguinte ó da publicación do primeiro anuncio, ata transcorridos vinte días desde o día seguinte ó da publicación do derradeiro anuncio, para que presenten documentación ou alegación que coiden pertinente. O expediente está á disposición
do público en xeral na oficina de información Urbanística da Xerencia Municipal de Urbanismo (planta baixa do edificio da Xerencia).
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 2 de xaneiro de 2002.
Lois Pérez Castrillo
Alcalde-presidente da Xerencia Municipal
de Urbanismo
