Visto o texto da acta da comisión paritaria do convenio colectivo de comercio da pel de Ourense (código de convenio 3200135, publicado no BOP nº 138, do 18 de xuño de 2001), con entrada nesta delegación provincial o día 15 de outubro de 2001, pola que se acorda a adaptación a euros das cantidades que se reflicten nas táboas salariais vixentes

no convenio, subscrita con data 30 de setembro de 2001, polos integrantes da comisión paritaria do citado convenio.

Esta delegación provincial, de conformidade co disposto no artigo 90.2º e 3º do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, e demais normas aplicables de dereito común,

ACORDA:

Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación.

Terceiro.-Dispoñe- la súa publicación no Diario Oficial de Galicia.

Ourense, 7 de novembro de 2001.

José Lage Lage

Delegado provincial de Ourense

Reunidas a comisión paritaria do convenio colectivo de comercio da pel, acorda a adaptación a euros das cantidades que se reflicten nas táboas salariais vixentes do convenio colectivo arriba indicado, quedando como segue:

Artigo 12º.-Axuda de estudios.

Axuda mensual de 3,46 euros para os fillos dos traballadores que cursen BUP ou ensinanzas medias e de 7,33 euros para estudios superiores. Aqueles traballadores que desde o ano 96 a veñan percibindo, seguirán facendo ata que desaparezca a causa co motiva, non xerándose a dita axuda para os que non a perciban ó atoparse xa incorporada ó salario.

Táboa salarial

Xefe de división 701,36 euros

Encargado xeral e xefe de compras 675,61 euros

Xefe de sucursal ou almacén 675,82 euros

Xefe de sección mercantil 650,25 euros

Encargado 637,48 euros

Vixiante 637,48 euros

Dependente maior 611,94 euros

Dependente 578,07 euros

Axudante 570,47 euros

Mozo 570,47 euros

Xefe administrativo 675,82 euros

Contable 638,14 euros

Oficial administrativo 611,94 euros

Auxiliar administrativo 570,47 euros

Auxiliar de caixa maior 578,08 euros

Auxiliar de caixa 441,79 euros

Escaparatista 668,16 euros

Persoal de limpeza salario/hora 4,01 euros

E non habendo máis asuntos que tratar, levántase a sesión asinando esta acta, estando de acordo tódolos asistentes.

En Ourense, 30 de setembro de 2001.