A orde conxunta da Consellería da Presidencia, Relacións Institucionais e Administración Pública e da Consellería de Industria e Comercio do 1 de outubro de 2001 (Diario Oficial de Galicia nº 196, do 9 de outubro) abre unha segunda convocatoria de solicitudes en relación coa Orde do 26 de marzo de 2001 (Diario Oficial de Galicia nº 70, do 9 de abril) que aproba as bases reguladoras da concesión de axudas correspondentes a investigación enerxética do programa apoio a I+D industrial, tecnoloxía industrial do Plan Galego de Investigación e Desenvolvemento Tecnolóxico (PGIDT) en réxime de concorrencia competitiva, e se procede á súa convocatoria para o ano 2001.
A segunda convocatoria refírese exclusivamente a proxectos que poidan incluírse dentro do obxectivo do anexo II: axudas para a realización de proxectos de investigación e desenvolvemento (I+D) empresarial nas áeras de eficiencia enerxética e enerxías renovables.
A selección das solicitudes e a determinación da contía das axudas foi realizada pola comisión de selección segundo o establecido no punto 8 do anexo II, da mencionada orde de convocatoria.
Na súa virtude, e atendendo á proposta elaborada pola comisión de selección en virtude das competencias atribuídas ás consellerías da Presidencia,
Relacións Institucionais e Administración Pública e de Industria e Comercio,
RESOLVEMOS:
Primeiro.-Concede-las axudas para a realización de proxectos de investigación e desenvolvemento empresarial ás empresas que se relacionan no anexo I da presente resolución, na contía e polas anualidades que se sinalan.
Segundo.-Denega-las axudas ás empresas que se relacionan no anexo II polos motivos que nel se sinalan.
Terceiro.-A inobservancia por parte dos beneficiarios de calquera das bases establecidas na referida orde da convocatoria suporá a perda do dereito a percibi-la axuda correspondente.
Cuarto.-Contra esta resolución, que esgota a vía administrativa, poderán os interesados interpoñer recurso potestativo de reposición perante o conselleiro da Presidencia, Relacións Institucionais e Administración Pública ou de Industria e Comercio, segundo proceda, no prazo dun mes contado a partir do día seguinte ó da súa notificación, conforme os artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, de conformidade co previsto nos artigos 10 e 46 da Lei 29/1998, do 13 de xuño, reguladora da xurisdicción contencioso-administrativa, no prazo de dous meses contados desde o día seguinte á súa notificación, e sen prexuízo de que os interesados poidan exercer calquera outro que consideren oportuno.
Disposición derradeira
A presente resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 17 de xaneiro de 2002.
Jaime Pita VarelaJuan Rodríguez Yuste
Conselleiro da Presidencia,Conselleiro de Industria
Relacións Institucionaise Comercio
e Administración Pública
ANEXO I
Concedidas
Axudas concedidas a proxectos I+D empresarial nas áreas de eficiencia enerxética e enerxías renovables.
Empresa CIF/NIF Título proxecto 08.02.432-A.770.2
I+D enerxía
Aplicación orzamentaria
Investimento subvencionable Importe subvención
Ano 2001 Ano 2002 Ano 2003 Ano 2001 Ano 2002 Ano 2003
Acuagest, S.A. A-28220606 Sistema de xestión enerxética eficiente da rede de plantas de secado térmico das EDAR. 5.600.000 7.100.000 2.520.000 3.195.000
Servicios de Ingeniería y Montaje Alen, S.L. B-15710585 Deseño e construcción dun sistema para limpeza, restauración e mantemento exterior de aeroxeradores. 6.825.000 46.225.000 3.071.250 20.339.000
Empresa CIF/NIF Título proxecto 08.02.432-A.770.2
I+D enerxía
Aplicación orzamentaria
Investimento subvencionable Importe subvención
Ano 2001 Ano 2002 Ano 2003 Ano 2001 Ano 2002 Ano 2003
Servicios de Ingeniería y Montaje Alen, S.L. B-15710585 Deseño e construcción dun prototipo de aeroxerador para autoabastecemento. Implantación para estudio e mellora do seu funcionamento. 1.285.000 38.674.000 17.115.000 578.250 17.403.300 7.701.750
Asociación para el Fomento de la Investigación Cerámica en Galicia G-15323215 Purificación de silicio para a fabricación de células fotovoltaicas: eliminación de boro e fósforo. 20.000.000 20.000.000 9.000.000 9.000.000
Hidroener, S.A. A-27035815 Avaliación do potencial eólico en terreos complexos. Aplicación de modelos e a súa verificación coas medidas reais dun parque eólico. 6.700.000 3.250.000 3.015.000 1.462.500
Gecoisa, Consultor de Ingeniería, S.A. A-27035815 Control e xestión de parques eólicos en función da capacidade da rede. 9.000.000 3.800.000 3.200.000 4.050.000 1.710.000 1.440.000
Galifar, S.L. B-15334709 Desenvolvemento dunha caldeira pirotubular con intercambiador interno de ACS para sistemas hidrónicos. 18.520.000 8.334.000
Total 67.930.000 119.049.000 20.315.000 30.568.500 53.109.800 9.141.750
ANEXO II
Denegadas
Axudas denegadas a proxectos I+D empresarial nas áreas de eficiencia enerxética e enerxías renovables.
Empresa/entidad: Energy Solar System Ingeniering.
CIF/NIF: B-15764418.
Definición proxecto: deseño e fabricación para enerxía solar en Galicia.
InvestimentoImporte subvención
Ano 2001520.630.0000
Ano 2002519.387.0000
Causa de denegación:
A finalidade do proxecto (planta de fabricación de paneis solares) non entra dentro do obxecto da orde (investigación e desenvolvemento).
Ó dito proxecto concedéuselle unha subvención ó abeiro da Orde do 21 de setembro de 2001 pola que se abre unha segunda convocatoria en relación coa orde da Consellería de Industria e Comercio do 18 de xaneiro de 2001 pola que se aproban as bases reguladoras da concesión de axudas encamiñadas á mellora da infraestructura enerxética de Galicia (capítulo II: axudas para o fomento de enerxía renovables).
