De conformidade co disposto no artigo 79 do TR da Lei de contratos das administracións públicas anúnciase concurso con procedemento aberto para a contratación dun servicio de radiocomunicacións trunking de voz e datos para o Concello de Marín, así como da subministración de materiais.

1. Obxecto: servicio de radiocomunicacións trunking de voz e datos para o concello de Marín, así como subministración de materiais, incluídas cotas de conexión de canles exclusivas e o mantemento e uso da infraestructura.

2. Prezo: o prezo global do contrato ascende a 19.869,02 euros, no que se inclúe o servicio de radiocomunicación e o seu mantemento polo período de dous anos, conforme o prego de cláusulas administrativas particulares.

3. Garantía: definitiva polo 4% do importe da adxudicación.

4. Prazo e presentación de proposicións: as proposicións presentaranse no rexistro xeral do Concello de Marín, en horas de 9 a 14, agás sábado que será de 9 a 13 horas durante o prazo de quince días naturais (15), contados desde o día da publicación deste anuncio no BOP e no DOG.

(Tomarase en conta para estes efectos a derradeira publicación en calquera destes dous diarios oficiais).

5. Publicidade do expediente: a documentación necesaria e demais condicións do presente concurso figuran no correspondente prego de cláusulas administrativas particulares e prego de condicións técnicas, que están á disposición dos interesados na secretaría do concello para o seu exame.

6. Apertura de proposicións: o sobre B que conterá a proposición económica, abrirase na sala de comisión de goberno do Concello de Marín, ás 13 horas do quinto día hábil seguinte a aquel no que remate o prazo de presentación de proposicións. De coincidir en sábado celebrarase ó día seguinte hábil á mesma hora.

Marín, 14 de xaneiro de 2002.

Antonio Santiago Fernández

Alcalde