De conformidade coa proposta elevada pola comisión constituída para xulga-lo concurso convocado por resolución desta universidade do 16 de xaneiro de 2001 (BOE do 15 de febreiro) para a provisión da praza de titular de universidade da área de coñecemento de filoloxía grega, do departamento de Latín e Grego da Universidade de Santiago de Compostela, a favor de María Mercedes Díaz de Cerio Díez e tendo en conta que a interesada cumpre os requisitos a que alude o número 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María Mercedes Díaz de Cerio Díez, titular de universidade da área de coñecemento de filoloxía grega, do departamento de Latín e Grego da Universidade de Santiago de Compostela.
Santiago de Compostela, 11 de xaneiro de 2002.
F. Darío Villanueva Prieto
Rector da Universidade de Santiago de Compostela