DOG 28 do 07/02/2002 - RESOLUCIÓN do 21 de xaneiro de 2002, complementaria da do 14 de novembro de 2001, da Dirección Xeral de Relacións Laborais, pola que se lles dá publicidade ás festas laborais de carácter local para o ano 2002, correspondentes ós concellos das catro provincias da Comunidade Autónoma de Galicia.

III. OUTRAS DISPOSICIÓNS

CONSELLERÍA DE XUSTIZA, INTERIOR E RELACIÓNS LABORAIS

RESOLUCIÓN do 21 de xaneiro de 2002, complementaria da do 14 de novembro de 2001, da Dirección Xeral de Relacións Laborais, pola que se lles dá publicidade ás festas laborais de carácter local para o ano 2002, correspondentes ós concellos das catro provincias da Comunidade Autónoma de Galicia.

Como consecuencia da modificación das festas laborais de carácter local levada a cabo polo concello

de Negreira (A Coruña) e polo concello de Tomiño (Pontevedra) e realizadas -por petición dos concellos- as oportunas rectificacións polas delegacións provinciais da Consellería de Xustiza, Interior e Relacións Laborais da Coruña e Pontevedra, respectivamente, cómpre face-las correspondentes rectificacións na antedita resolución, publicada no Diario Oficial de Galicia nº 229, do 27 de novembro de 2001, así:

-No anexo I provincia da Coruña, na páxina 15.136, onde di: «57. Negreira: 6 de xullo, San Cristovo; 17 de setembro, Santa Margarida», debe dicir: «57. Negreira: 12 de xullo, Festas do Verán; 16 de setembro, día de Santa Margarida».

-No anexo IV provincia de Pontevedra, na páxina 15.141, onde di: «55. Tomiño: 16 de agosto, San Roque; 9 de setembro, Festa da Virxe do Alivio», debe dicir: «55. Tomiño: 16 de agosto, San Roque; 16 de setembro, Festa da Virxe do Alivio».

Santiago de Compostela, 21 de xaneiro 2002.

José Vázquez Portomeñe

Director xeral de Relacións Laborais