Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos de xuízo verbal número 813/2001, seguidos neste Xulgado do Social número dous de Santiago de Compostela, por instancia de Juan Gacio Vicente, contra Construcciones Covilco 2000, S.L. e Fondo de Garantía Salarial, en reclamación de despedimento, se dictou, con data do sete de febreiro de 2002, sentencia, cunha decisión do teor literal seguinte:

«Que debo estima-la demanda promovida por Juan Gacio Vicente contra a empresa Construcciones Covilco 2000, S.L., e o Fondo de Garantía Salarial, declarando improcedente o despedimento e condenando á empresa a readmiti-lo traballador nas mesmas condicións que rexían antes de producirse o despedimento (6-11-2001), ou a elección da empresa, a lle aboar unha indemnización de setenta e seis mil seiscentas corenta e sete pesetas (76.647 pesetas, 460,66 euros), e trescentas cinco mil novecentas noventa e unha pesetas (305.991 pesetas, 1.839,04 euros) en concepto de salarios de tramitación, así como os salarios que se puidesen devengar desde a data desta sentencia ata a data da súa notificación, a razón dun haber diario de 4.857 pesetas, 29,19 euros».

E para que lle sirva de notificación de sentencia a Construcciones Covilco 2000, S.L., con domicilio na rúa Alfredo Brañas, 18, Galerías A Lúa, baixo, local nº 10, hoxe en paradoiro descoñecido e facéndolles saber que contra ela cabe recurso de suplicación no prazo de cinco días.

E así mesmo, para que conste para os efectos da súa publicación no Diario Oficial de Galicia, expido e asino esta cédula de notificación de sentencia, en Santiago de Compostela o 22 de febreiro de 2002.

O secretario xudicial

Rubricado

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA